🌷🍃🌷🍃🌷
🍃🌷🍃🌷
🌷🍃🌷
🍃🌷
🌷 138 ..
📚 😍 📃
📖 روايـــــــــــــة ✍🏼
{ شاركيني لو مشينا دروب الهنا وأعذريني لو لقيتي بدروبي عنا }
📖🖌 @storykaligi 🌷🍃
بدر دخل جنبها ونطق : ترا محد مخلنج تكتئبين غير عنادج .. هتان فكري باللي قلته , حمد الله يرحمه لو عايش وانفصلتي عنه وما تزوجتيه مابيرضى باللي تسوينه ؟ فتخيلي انج تهدمين بيتج بيدّج وبكل برود تطالعينه واهوه يتهدم ؟ ترا ماينفع الندم بعدين
هتان لوت شفايفها بهّـم وتفكير .. ندمانة وخايفة وكل شعور قبيح بالكُون ينتابها الان !
.
,
دخلت بيتهم وهي تشوف ابوها قاعد على اللاب ويشتغل : يبه ؟ مارحت الشغل
هز راسه بنفي وهو يدلك جبينه من الصداع : راسي يعورني .. بدر مشى؟
هتان قعدت صوبه : ايه يسلم عليك ..
عبدالله بخفوت : الله يسلمه .. يبه هتان بقولج شي
بلعت ريقها والتفت له : قول يبه شصاير؟
عبدالله : وحدة من الثنتين يا تخليني اقول لثنيان اللي صار ولا ترا اهوه خذا قراره !
بلعت ريقها بخوف وعقدت حاجبها : شنو قراره اللي خذاه ؟
عبدالله بتردد : بيطلقج اول ماتولدين !
,
" بكُره إذا هلت عيونك من الشوق خل الغياب اللي بغيته يسرك " ..
ترك القلم وهو يتأمل الجملة اللي كتبـها , تراوده كثير وكثير من تركته هتـان !
ويحِس بيُـوم بتجي هاللحظة وبتصير .. لكن ثنيـان مستحيل يقسى وعلى قلبه ! رغم ان يهدد بقلبه كثير ويشوف نفسه بلقاءهم بكون قاسِي لكنه يدعي بنفس الوقت بأن الله يثبته ويقويِه لحظة اللقاء .. اللي مجهول يومها
-
.
بالشّطر الثاني .. البحرين
بللت شفايفها وهي تشوف أبوها رمى القنبلة بوجهها
ومن لحظة ما قالها عن ثنيـان وعن اللي قرره وهي تحس برجفـة مو طبيعية ! مستحيل بهالوقت تتنازل حتى ولو تدوس على نفسها وحتى لو بدت تحس باحاسيس تجاهه وماعرف غلاته الا لما بعدت الا ان كرامة هتان وتفكيرها فوق اللي بيحصـل تماماً !
شتت انظارها وهي تبلع ريقها تمسك جوالها مرة وترميه مرة ثانية .. كان اليوم هو موعد معرفة جنينـها لكنها ميتة بسريرها وماودها تتحرك بتاتاً , تحس انها تلعب لعبة اكبر منها وعارفة بانها بتكون خسرانة ولكن مع ذلك رافضة التنازل
-
" بالأسفـل "
عَـدل عبدالله ملابسـه وهو يشوف ناصر يدخل ويبتسم بهدوء : السلام عليكم
عبدالله ابتسم وهو يربت على كتف ناصر : يا هلا وسهلا
.. وين بديّر ؟ تأخرنا على الجماعة
ناصر لف بأشر بدخول بدر وهو يكلم بتلفونه بجمُود : انا شقلت لك ؟ انت تبي تعال هذا اللي علي عاد انتو طقوا روسكم ببعض بعدين اذا ما تفاهمتوا!
,
دخلـت وهي تشوف الليث مب معاها ابداً ويفكر بشي آخر .. تركت اغراضها وهي تراقبه ورفعت صوتها وهي تناديه .. انتبه لها ونطقت وهي تترك حجابها : فيك شي ؟
الليث تنهـد وهو يخرج برا ويفتح زقارته ليدخـن .. عقدت حاجبها وهي تعدل بلوفرها وتراقبه يدخن سكرت الباب وهي تتقدم بقرُبه : فيك شي صحيح؟
الليث زفر الدخان وهو ينطق بجمود : بقى شوي هانت
نجد بإستغراب : على وشو بقى شوي .. الليث شصاير؟
جلست ع الارض وهو يمد رجلينه ومد كفه طلباً انها تجلس بقربه .. نطق وهو يحاوط كفها ويوريها كفه اللي محفور عليه تاريخ وحرفين قد شافته ليلة عرسهم وهاوشته .. لا زال يذكر حتى اتهاماتها بـ " ملعون وواشم " : قد سألتيني عن هالتاريخ والحروف صح ؟
بلعت ريقها بخوف من نبرته : وجا الوقت ؟
ابتسم بهدوء وهو يعدل خصلات شعرها اللي تمردت ويرجعها للخلف : جا الوقت ياروحي .. ووقت كثير أشياء
زمت شفايفها وهي تعدل جلستها : طيب اسمعك
تنهد الليث وهو يرمي الدخان ويدوسه وأشر على حرف الـ ز : أمي .. حرف أمي
مرر اصبعه للحرف اللي بجنب الـ ز .. وهو الـ ع : وهذا حرف أبوي .. زهرة وعِماد !
ابتسمت بخفوت من حلاوة اسمهم ورجعت تشتت انظارها عليه وهي تشوفه يبتسم بهدوء وهو يمرر صبعه على حروفه .. ظلت لمدة تنتظره يكمل ، وتنهد الليث من استوعب وهو يشوفها تناظر التاريخ : هذا تاريخ قتل امي
شهقت بخفة وهي تناظره بفزع وعدم فهم من سرعة القاء الجملة : كيف ! أمك ماتت مقتولة ؟
الليث بحزن : الله يرحمها
نجد بلعت ريقها برعب : الله يرحمها .. مين قتلها؟ عرفتوه ؟
الليث تغيرت ملامح وجهه للجمود والرعب : شوي واعرف .. شوي بس والله لا اخلي لا ليله ليل ولا نهاره نهار
🌷📚 @storykaligi 🌷📚🖋
🍃🌷
🌷🍃🌷
🍃🌷🍃🌷
🌷🍃🌷🍃🌷ى
أنت تقرأ
شاركيني لو مشينا دروب الهنا واعذريني لو لقيتي بدروبي عنا
ChickLitرواية سعوديه منقولة ( فقدان ، قتل ، ظلم ، محاولة زواج اجباري ، غرور وتكبر ، شجاعة ، مشاعر ، صداقة ، وفاء ، حب ، زواج ، وفاء ، بحث ، تحدي ، نهاية سعيدة ) تابعونا ... @storykaligi 📖
