شاركيني لو مشينا دروب الهنا واعذريني لو لقيتي بدروبي عنا

البارت 151

🔮🍃🔮🍃🔮
🍃🔮🍃🔮
🔮🍃🔮
🍃🔮
🔮 151 ..

📚 😍 📃
📖 روايـــــــــــــة ✍🏼
{ شاركيني لو مشينا دروب الهنا وأعذريني لو لقيتي بدروبي عنا }

📖🖌 @storykaligi 🔮🍃

وقفت وهي تقترب منه : لاني من لحظة ماعرفت اني حامل وانا انتظر اللحظة اللي القاك فيها سالم واقولك اني حامل بشي يربطني فيك وشي تنتظره ، واقولك اني احبك وبدونك ولا شي !
شتم نفسه بداخله على كثير امور كانت واضحه لكن ما كان وده يشوفها بمنظورها ومبررها اللي متأخر وجداً ، انتبه لها تمسح دموعها اللي تنزل بقوه وما قوى : ليه ماطلتي ومابررتي من البداية ، ليه وصلتينا لين هنا
ابتعد من اتصال داهمه وعقد حاجبه من اتصال ابوه ،
سكره بهدوء وسمع ردها : لاني خفت ، ماتوقعت بلحظة ما جيت امسح كل شي تشوفه ، ماعرف وش اقولك
صدت هتان وهي تسحب اغراضها لجل يدخلون ، بسبب اتصال جده عليه وعقد حاجبه من المسجات اللي جات خلف بعض وما انتبه لها الا تو ، انقبض قلبه ورفع جواله وهو يرد : سم ؟
الجد عبدالله بنبرة حزينة متشبعة بكي : ثنيان ارجع وانا ابوك
انقبض قلبه زود وظن ان مكروه حصل لاهله : وش صاير ياجدي
التفت هتان برعب من نبرته المفزوعه ، الجد عبدالله : حصة ، حصة يابوك
صد عبدالله وهو يتلثم ويبكي ، وسحب هجام منه الجوال وهو ينطق بحزن : ثنيان عمتي حصة عطتك عمرها
شهق ثنيان بخفة وارتعبت هتان وتقدمت منه ..

انلخم ثنيان وهو ينطق : كيف ؟ ومتى
هجام ببحة وهو يخرج من المكان : قبل ثلاث ساعات ، سكتة قلبيـة
زم شفايفه وهو يخلل يده بشعره : طيب ، خارج انا وجايكم ، ساعة بالكثير
هجام هز راسه وهو يقفله ، وانتبهت هتان وهي تشوف ثنيان يسحب نفسه : شصاير ثنيان ؟
ثنيان يمشي بتسارع : عمتي حصة توفت
شهقت هتـان وهي توقف مكانها من الصدمة ، ما انتبهت له وهو يسحب اغراضه وبيخرج بعدم تفكير .. لكنه رجع بعد ما استوعب وهو يحاوط وجهها : لو ودك الرجوع فـ الديار ديارك وعيني ديارك قبل بيتي .. نخلص ايام العزا واجي اخذك
هتان رجعت خطوات للخلف لانهاء النقاش ولجل مايضيع وقت : نتفاهم بعدين
اقترب وهو يقبـل جبينها بعُمق وابتعد .. جلست هتان على عتبـة بيتهم ، تستذكر فيها حصة ومشاكلها معهم ولكن من قبل يوم واحد فقط كانت متصلة لجل تستسمح منها لانها بتسافر لمكة !
عضت شفايفها بتفكير وهمست لنفسها : معقولة كانت حاسة !
رفعت عينها لابوها اللي جا مستغرب جلوسها : وينه ثنيان ؟ يقول بدر هني ؟
هتان وقفت بصعوبة : مشى
عبدالله بصدمة: شلون مشى ؟ شصار قلتي له شي
هتان بعدم اهتمام وزعل لحركة ابوها : عمته توفت
تركته وهي تدخل وتتوجه لغرفتها .. لحظات انهارت فيها عنده وداهمهم الاتصال ووعاها بكثير أمور , وبكلام انقـال كانت تحاول بقدر الامكان ما تقوله حتى ولو رجعت له !

دخل عبدالله بعد ما طق الباب وهو يجلس امامها : لا تسوين زعلانه وانتي بداخلج ميته فرح لانج شفتيه بعد هالمدة !
هتان ناظرته بهدوء وكسرت نظراتها : يبه تعرفني ماحب حركات المفاجئات !
عبدالله ضحك بخفة : انزين شقالج شصار ؟ بتردّين صح ؟
هتان صغرت عينها : انت تبي الفكة مني واضحة ترا !
ضحك عبدالله بعتب : حرام عليج ما يمديني اقول كلمة قلتي ابي الفكة منج , اذا افتكيت منج شباسوي بروحي ؟ انا بدونج اضيع
ابتسمت بخجل وهي تحط راسها على كتفه : باولد هني ، وبعدين يحلها ربي مادري
عبدالله اعتدل بجلسته : شلون يعني ؟ انتي للحين تفكري
هزت راسها بجدية : اكيد ، بعد اللي صار مب شوية لازم افكر
عبدالله : طول الـ ٦ شهور تفكرين وللحين ما قررتي يعني
ابتسمت هتان وهي تهز راسها : تقدر تقول جي
-
.
عند بشرى ، كانت اكثر المتأثرين بالبكاء وتمر بحالة انهيار
اول مارجعو بيتهم وهي مختفية تماماً عن انظار فياض
ضامة نفسها وترجف بخوف من اللي حصل ، موتها كان صدمة للجميع .. ما كانوا يظنون انها بهالشخصية وجروحهـا بتترك اثر عظيم لما تموت !
خاصة وان حصـة قد كلمـت بشرى كثير ولكن بشرى ماقدرت تسامحها !!
تجاهلتها كثير بعدم الرد لين ماقدرت وانفجرت بوجهها على كل ألم كانت مسببتته لها
.
,
قـبل أسبوع ، المرة الاخيرة اللي التقت فيها بشرى و حصة
حصـة جلست وعلى ملامحها التعب اللي تخفيه ، وكسرة الخاطر بسبب بشرى لانها رافضة تستقبلها ببيتها حتى !
لانها عارفة بالموضوع !
تكلمت بشرى بغضب يخرج لاول مرة منها : الحين جاية تقوليلي اسامحك ؟ بعد كل اللي قلتيه والطعن اللي طعنتيه بشرفي واهلي وكرامتي اللي دستيها ! بالروحة والجاية تتكلمين علي قدامي ووراي , تدورين لفياض زوجة وانا على ذمته ! وانتي على درايـة بانه رافض اعمالك لكنه محترم كبر عمرك وعُمره , بعد كل هذا جاية تقوليلي اسامحك وانتي ماتركتي لي بصمة حلوة بحياتي منك !

🔮📚 @storykaligi 🔮📚🖋
🍃🔮
🔮🍃🔮
🍃🔮🍃🔮
🔮🍃🔮🍃🔮