🍁🍃🍁🍃🍁
🍃🍁🍃🍁
🍁🍃🍁
🍃🍁
🍁 72 ..
📚 😍 📃
📖 روايـــــــــــــة ✍🏼
{ شاركيني لو مشينا دروب الهنا وأعذريني لو لقيتي بدروبي عنا }
📖🖌 @storykaligi 🍁🍃
عبدالله بشبه غضب : ماتحترمين المريض انتي ؟ وثاني شي كم مرة قلنا كل عايله ولها مشاكلها وحلولها بدون لا تنتشر ! وانتي مالك دخل بالناس !
فياض وقف بضيق من كلام حصة وشبه غضب على اغتيّابها : بشُرى
بشرى وقفت بهدوء : هلا حبيبي
حصة ضحكت بسخرية : ١٨ سنة وحبيبي ! لو انكم توكّم مملكين بس .. ١٨ سنة بلا عيَال وفوقها تاركه اخوي يتحمل مسؤولية انك عاقر
بشرى بلعت ريقها بحزن وهي توقف وتصعد فوق مسح فياض وجهه وهو يرمق حصة ويسمع غضب امه عليها نطق فياض بعصبية : شوفي يا حصة ساكت ومحترَم لجل تعب ابوي ولانك الكبيرة ولكن لا تظنين ان كلامك وجرحَك بسكت له دايم! بشرى وخرّي عنها ومالك دخل بحياتنا ماجيت شكيت لك الحال وقلت لك دافعي عني ! استغفري ربك وراك حُفرة بعدها وش تفيد دنياك وكلامك اذا فيه شخص ماهو مسامحك لانك جارحته يوصلني كل الحكي يا حصة كله .. انتبهي تراك تضايقيني وتعرفين فياض لا تضايق وش يسوي
شتت حصة انظارها وهي تشوف فياض يبعد انظاره بعد ما رمقها بانظار مُرعبة ونطق بجمود : عن اذنكم تصبحون على خير
فاطمة رمقت حصة بعتب وقفت وهي تمشي بسرعه خلف فياض بعد ما نادته : اترك العاملة تصّعد لكم العشا ؟
فياض هز راسه بنفي وتراجع : بشرى تعشت؟
هزت فاطمه راسها ونطقت بحزن عليها : مارضيّت ، كانت خايفة عليك لانك ما ترد عليها وتراها على لحم بطنها حتى غذا شوفة عينك اكلت لقمُتين !
فياض هز راسه : خلاص اتركي العاملة تجهز اشياء خفيفة ما تحب تثقل بالاكل بالليل
فاطمة : من عيوني
فياض ابتسم بتعب لها : تسلِم لي هالعيون والله
فاطمة بحزن مسكت يده : اقول يمه لا تهتم لكلام حصة ترا اللي بقلبها على لسانها وماتقـ
فياض ابعد يده بهدوء بمقاطعع وابتسم بمجاملة : تقصّد يمه تقصّد ، كلميِها لان ماودي اذا كلمتها تزعل مني ما اشّد ولو كلمتها ما بتعجبها نظرتي لكن صبرّي قاعد ينفذ يمه بشرى مو مجبرة تتحمل قساوه اللي تعيشه وسموم حصة خلاص عاد كبار حنا مو من سنتين متزوجين !
فاطمة هزت راسها باحراج من حصة : خلاص يا يمه لا تحط بالك اكلمها انا وابوها ان شاء الله ، عاد بُشرى بعيونا
.
تعبـت من تفكيرها تعبّت من كل شي يذكرها بالطِفل تعبت الحياة وتعبت الزواج .. تعبت الكلام اللي تنطقه حصة بكل جلسة بدون احترام لاي شخص وبدون احترام لها ولمشاعرها ! تترك الكل يعرف بطريقه سيئة ان ربي ماكتب لها اولاد والسّبب يرجع لها !
دخـل فياض وتنهد من شاف حالتها ترجَع .. حزينة ومنطوية على نفسها بشكل كئيب شاده على رجلينها وضامتهم لها وانظارها على اللا شيء الفراغ فقط
-
طقطق بيده بخفوت على رجله وهو يتقدم ويجلس جنبها ، مـد يده لخصلات شعرها القصيره المتمردة على وجهها ونطق : لا تتركين صغار النفوس يستهدفون نقطتك ، كيِف بتصيرين قويه وانتي اي شي يهزك
بشرى : اي شي يهزني ؟
اعتدلت بجلستها ترمقه بحزن : ماهو اي شي يهزني فياض بس هذا غير ، انت عارف وانا عارفه ان غير مهما بيّنت لي انك مو مهتم للامر انا عارفه ان ودَك مافيه احد مايتمنى الطفل
فياض بملل لنفس السيناريو اللي ينعاد وعلى تفكير بُشرى اللي تنشره عليه وتفرض عليه كلام ما قاله وتصدّقه وتزعل : ما قلت ما اتمنى الطفل يابشرى لكنّي راضي بقسمتي ! الله ياخذ ويعطي ! وانا مو يائس من حكمة ربي
بشرى ببكاء : انت رافض اننا نروح نشوف بسبب مين ! طول هالسنين متحمّل كلام الناس وكلام اهلك بأنك انت العقيم ماهو انا !
فياض مسح حاجبه ليهدأ من غضبه اللي بدأ ينتشر : كلام الناس وكلام اهلي ! مايهمني يا بشرى مايهمني
انتي تهميني طيب ؟ بس انتي ! انا مابي اروح معاك ونفحص ويطلع العيب فيك ماهو فيني ! لان بعدها عارف بالكلام اللي بتقولينه ! وبتظلين تصرّين على كلامك وانتي كلك تنافينه بس لجلي يا بشرى لجلي انك مستعده انك تزفّيني بعرسي عليك لجل الطفل انا مابي طفل من ام غير بشرى استوعبي هالشي وشيليه من بالك ! محد تجرأ يفتح معي موضوع الزواج من غيرك لانهم يشوفون اللي ما تشوفينه ! ليه مُصرة تدوسين على قلبك ومشاعرك لجل سعادتي
بشرى ببكاء اكبر : لاني احبك ! ولاني اتمنى انك تعيش اللي ما اقدَر اعيّشك فيه ! فياض عارف ان نسبة العُقم الكبرى مني ! وانا متأكدة ان السبب مني ماهو منك ليه مُصر ان فيه احتماليات تكون منك انت !
🍁📚 @storykaligi 🍁📚🖋
🍃🍁
🍁🍃🍁
🍃🍁🍃🍁
🍁🍃🍁🍃🍁
أنت تقرأ
شاركيني لو مشينا دروب الهنا واعذريني لو لقيتي بدروبي عنا
Chick-Litرواية سعوديه منقولة ( فقدان ، قتل ، ظلم ، محاولة زواج اجباري ، غرور وتكبر ، شجاعة ، مشاعر ، صداقة ، وفاء ، حب ، زواج ، وفاء ، بحث ، تحدي ، نهاية سعيدة ) تابعونا ... @storykaligi 📖
