شاركيني لو مشينا دروب الهنا واعذريني لو لقيتي بدروبي عنا

البارت السابع والعشرين

🌻🍃🌻🍃🌻
🍃🌻🍃🌻
🌻🍃🌻
🍃🌻
🌻 27 ..

📚 😍 📃
📖 روايـــــــــــــة ✍🏼
{  شاركيني لو مشينا دروب الهنا وأعذريني لو لقيتي بدروبي عنا  }

📖🖌 @storykaligi 🌻🍃

نجد دمعت بخوف وهي تفكر بنهاية الاسبوع القادم ملكتها على " عيسى " مثل ما نطق هجام وفيه شي يردعها عن التكلم والخوف
ودّها تقوله كل شي لكن مستحيل ، وقته ضايع ويمكن يفقد شغله او اي شي من هالقبيل لو ماراح وفوقها بتصير مصايب له هو ولهجام وبتندم اشد الندم حزتها عقد ثنيان حاجبه وهو يمسح دموعها : خلاص لا تبكين
هزت راسها وهي ترجع تحتضنه : انتبه على نفسك ثنيان تكفى
ثنيان : طيب يا بنتي خلاص لا تشوفك امي
مسحت دموعها وهي تبتعد وتشوفه يبتسم لها ويخرج متوجه لسيارة فياض وتنهدت بألم وهي تفكر بحل لـ مُصيبتها مع هجام ، وخايفة جداً ان نهايتها تكون موقعة على ورقة الزواج
.

بعّد مرور اليومِين بحرارة الشمس الملُتهبة واللي تضربها على الكتيبه بشكل مُستمر ..
واقف ثنيان يتنفس بتسارع بسبب قِلة الاكسجين ودخول الرمال بعينه وانفاسه : يافريق القوات المسلحة بالجهة الثانية يحتاجون عساكر اكثر !!
فياض وهو يحاول ما يشتت انتباهه بين الطلّق وحكي ثنيان قاطعتّه صرخة من عزام بأن دخيرته نُفذت !
فياض وهو يناظر ثنيان : بدوا يهدأون !!
اخرج ذخيرة من بدلته وهو يحطها بيدّ ثنيان : يحتاجونك روح
ثنيان ابتسم بتعب : حاضر سيِدي
ترك بُندقيته بجنب فيّاض وضامن السعادة ، خرج من التلة اللي كانو محتمين فيها وهو يركّض باتجاه عزام لكن رصاصة اخترقت جسمه لما قرَب وسقط على وجهه بألم وهو فاقد حيلّته ، اقترب عزام بتسارع وهو يرفّعه من الارض ويقلبه ويسحبه جهته : ثنيان !!
فياض اللي شاهد الحدّث وانهار محله لكن ما يقدر يسوي شي !
عزام سحبّه لجهته وهو يشوف بقية العساكر تقترب لـ تساعد عزام ونطق بغضب جامد : نزّف دم وما تحمّل واغمى عليه مُباشر لكنه عايش ، انتبهو لجرحه
.

نزلّت نجد وبيدّها الكُتب وهي تشوف امها جالسة لحالها وتناظر بشتات ، استغربت وهي تتقدم وتجلس بجانبها : يمه ، صابِك شي ؟ صاير شي
التفت ام ثنيان اللي تحس بضيقة داخلية ما تعرف مصدرها : لا يمه مافيني الا الخير ، رايحة الجامعه
هزت نجد اكتافها وردت بهدوء : مع هجام ، يمه ليه ما تروحين عند امي فاطمة ؟ احسن من قعدتك بالبيت واتركي ابوي يخلص شغله ويلحقك ؟
ام ثنيان : وانتي ؟
نجد : لا انا اليوم بتأخر محاضراتي مطولة
ام ثنيان ابتسمت : نشوف يمه ، روحي لا تتأخرين على اخوك الله يوفقك
نجد ابتعدت بعد ما قبلّت راسها وهي تلبس نقابها ، وزفرت بعُمق من اقتراب الايام !

.
صعدّت السيارة وهي تنطق بهمس : السلام عليكم
رد السلام وهو يترك جواله ويتوجه ببرود لـ الجامعة
صمت من الطرفين .. وتكلمت لما حست بُقربها من جامعتها : هجام عادي اطلبك شي ؟
هجام ناظرها لثواني وهو يصد : قولي
نجد وهي تفرك يدينها ببعض : عادي تأجل الملكة شوي ؟ لما يرجع ثنيان
هجام لف لها بغضب : لجل يمنع الزواج صحيح؟ مثل ما عبى راس طيفوه ! لكن وربي لو سويتي سواها اوصلك واذبحك فاهمة
ارتعبت نجد وهي تاخذ انفاسها بعد ما حست بكتمه : ثنيان لازم يكون موجود ، مارح يمنع الزواج هجام حرام عليك احنا خواتك !!
وقف امام الجامعه وهو يناظرها بغضب : الخميس زواجك يعني الخميس !! بوجود اللي تسمينه اخوك والا بعدمه
نجد بلعت ريقها وهي تلف له وتحاول تكبح دموعها : هجام تكفى ! مارح يمديني اسوي شي هالاسبوع .. اتركها الاسبوع الجاي وعد هجام مارح اقول لثنيان شي ولو سألني بقول له موافقة برضاي تكفى هجام ! كون عادل لمرة بس
زفّر بغضب وهو يلف للجهة الثانية .. مسحت نجد دموعها بهدوء وهي تنتظر رده ، تنهد بعد ثواني وهو يهز راسه : طيب يا نجد طيب
نجد ابتسمت وهي تزفر براحة : شكراً
عقد هجام حاجبّه وهو يشوف هتان تنزل من سيارتها وتأشر لنجد : من هذه ؟
نجد : صديقتي
رفع حاجبه بعدم اعجاب : تسوق لحالها وحجابها ماهو حجاب وعبايه مفتوحه ؟
نجد وهي تفتح باب السيارة : ايوه ، فيها شي ؟
التف لها وهو يشوفها تنزل : نشوف وضعها بعدين اوريك فيها ولا مافيها .. ماعجبتني
سكرت الباب بشبه غضب من تحكمّه .. وتصرفاته اللي تبيّن لهم عدم حبه وكأنهم اعداءه !!
هتان رمقت هجام بغرور وهو اللي يرمقها بنظرات استحقار رغم عدم معرفتها فيه وهي تتقدم من نجد : ببّط عينه لو مانزلها منو ذي بعد!
نجد وهي تمسك ذراع هتان : امشي بس
هتان باستغراب : لايكون ذي اخوج بعد؟ عاد اخوانج كلهم سايكو مادري شلون طلعتي انتي كتكوتة
نجد وهي تناظرها : مدح لي وذم لاخواني ؟ انتبهي ترا ما ارضى
هتان ناظرتها باستخفاف : كلش عاد بنطرّج ترضين بالطقاق
نجد بغضب : وجع
ضحكت نجد وهي تمسك يدها : امشي بس لا طردتنا تصير ببيزة
نجد : ياحلو لهجتك بس
هتان بغرور : احم ، داريّة اصلاً داريّة
نجد ضحكت : ياشينك هتانوه لا اغتريتي

🌻📚 @storykaligi 🌻📚🖋
🍃🌻
🌻🍃🌻
🍃🌻🍃🌻
🌻🍃🌻🍃🌻