شاركيني لو مشينا دروب الهنا واعذريني لو لقيتي بدروبي عنا

البارت السادس

🌹🍃🌹🍃🌹
🍃🌹🍃🌹
🌹🍃🌹
🍃🌹
🌹 6 ..

📚 😍 📃
📖 روايـــــــــــــة ✍🏼
{ شاركيني لو مشينا دروب الهنا وأعذريني لو لقيتي بدروبي عنا }

📖🖌 @storykaligi 🌹🍃

ثنيان باستعجال وتوتر : تم ، ملابسي !
فياض : ادبّرها لا تحاتّي ، اهم شي تتوجه لـ المبنى الان
حرك سيارته ثنيان باستعجال وهو يشوف الموقع اللي ارسله فياض ، زاد الذهول والخوف من رجعّت سيارته لذات موقع الكوفي اللي فيه اخته !
يفصل بين الكوفي والمبنى شارع !!
نزل من السياره باستعجال وهو يركض باتجاه الكوُفي
صرخ بالموجودين وعينه على اخته يبحث عنها : كلكم صيرو على جنب !!
شاف الذُعر على وجوه الجميع لما شافوه ببدلّة شُرطي
واستجابوا لامرّه بسرعه ، سحب اللاسلكي وعينه تبحث عن اخته : فياض ، قدام المبنى كوفي
فياض استجاب ووقف : لا اله الا الله ، سو اللازم ان شاء الله سليمة !
ثنيان بخوف حقيقي : فياض اختي كانت بالكوفي ! مو موجودة الان
فياض بغضب : ثنيان صحصح اقرب حل تتصل عليها لا تضيّع وقتك
ثنيان : مدى قوة الانفجار ؟
فياض بتوتر : ارسلت قِسم المتفككات ، ان شاء الله سليمة يا ثنيان كلهم بأمانتك
رفع تلفونه وعينه على المبنى من خلف الزجاج ويخطف نظرات لـ الزباين لحسن حظه ان الكوفي ماهو بالزحمة الكثيرة ، ما يتعدون الـ ١٥ شخص
وقف بجمود من سمع صوت نجد : وينك انتي !!
نجد بهدوء : بالكوفي ثنيان !
ثنيان : وين بالضبط !!
نجد باستغراب : بالحمام
ثنيان بجمود : نجد ، اتركيك محلك داخل لا تفكرين تطلعين
نجد بخوف : ليه ! صار شي
ثنيان : لا ، خلك داخل يا نجد وين صاحبتك؟
نجد : برا الحمام ، يعني بالكوفي !!
ثنيان شتت نظراته عليهم : كلكم هنا !!
هزو روسهم بتوتر وانتبه من خلف الزجاج لـ هتان وهي تروح وتجي بالمشي وبالها بالجوال !
رفع راسه لـ المبنى وانفجع من سمع صوت فياض ينطق بخوف : ثنيان ، ثواني بينفجر المبنى !! كلهم بامانتك
ثنيان هز راسه بنفي عن اللي بيحدث وهو يركض ليفتح باب الكوفي وعينه على المبنى ، صرّخ بحدة لهتان : بنـتت !!
مع التفاف هتان له باستغراب وفزع وقفزته عليها لما حس ان مافيه وقت ، شدّها وهو يخبيها بحضنه لجل ما يصيدها ادنى ضرر وهو يدعي ان الجميع يكون بخير وأولهم اخته !
صرخت بفزع وهي تشّد على ياقه لبسه وتنكمش مع انفجار المبنى وصراخ الزباين بسبب انكسار قِزاز الواجهة أثر الانفجار !!
بوصول الشُرطة في الوقت الضائع ، سمعت صوت اللاسلكي اللي يحاكّي ثنيان اللي لا زال شاد عليها
ونطقت هتان بخوف : هييي !!
دوى المكان بصوت صافرات الشرطة والاسعاف تحسباً لاي ضرر ودخول العسكر لداخل المبنى اللي انفجر طابقه العُلوي والاستنفار !
تقدّم المُلازم سُعود لما لمح ثنيان اللي محاوط بنت خايفة : سيدّي !!
هتان برعب : مادري شفيه شكله مات بحضني ذا !
رفّع سعود حاجبه بعدم اعجاب لحكيّها ونطق ثنيان لما خفّت قبضته تاركها تفز بخوف ، سُعود نزل على ركبه وهو يشوف دفاشة هتان : ثنيّان !
ثنيان نطق بعد مُدة : بخير ! حاكّي الفريق أول فيّاض وطمنه
خرج المُسعف بهدوء ونطق : الكل بخير ، الحمدالله الاضرار بسيطة مجرد خدوش بسبب انكسار الزجاج
ساعد سعود ثنيان بالاستناد على الجدار : متأكد انك بخير؟
هز ثنيان راسه وهو يوقف ، رمّق هتان بنظره وهو ينطق بجمود : صابّك شي !
هتان ببرود عدلت عبايتها : جيت مسوي تنقذني وانت اللي يبي لك انقاذ !
سعود بذهول وعصبية نطق : انكتمّي ! صدّق قليلة حيا
رمقته هتان بحدة وهي تدخل للداخل تبحث عن نجد
وزفر ثنيان بغضب من جُرأة هتان ، بعدم احترام حتى للأمن !!
سُعود بغضب : يبي لها تربية ذي
اشر ثنيان له بنفي : اتركها ، وحاكيني كأنّي مدنّي بتجي اختي الان ماودي يعرفون
هز سُعود راسه بهدوء وهو يوقف بعيد شوي ..
هتان دخلت للداخل وهي تنادي بصوت عالي على نجد
خرجت نجد اول ما سمعت صوت هتان ونطقت ببكاء : وش اللي حصل !!
هتان بهدوء مسكت يدها الراجفة : انفجر طابق من المبنى القديم اللي قدام الكوفي ، الشرطة برا صابك شي ؟
هزت نجد راسها بتسارع : اخوي !!
هتان باستغراب : اي اخو ؟
نجد ابتعدت عنها بشتات وهي ترفع يدها لجوالها بخوف وتخرج للخارج ومتابتعها هتان باستغراب : شفيج انتي ، اي اخو ؟
بكت نجد وهي تبحث عن ثنيان ، لفت من سمعت صوته من بعيد ويأشر لها : بنت !
بكت مباشرة من دخلت بحضنه وشدّ عليها : بخير ياعيني ؟
هزت راسها وهي تشد على حضنه : ليه هنا ! وش حصل
هتان اللي مشتته انظارها بخجل من عرفت ان ثنيان يكون اخوها ، وللمرة الثانية تطيح بنفس الاحراج !
ثنيان وانظاره على هتان وابتعدت عن حضنه نجد : اخبَرك بعدين ، يلا نمشي !

🌹📚 @storykaligi 🌹📚🖋
🍃🌹
🌹🍃🌹
🍃🌹🍃🌹
🌹🍃🌹🍃🌹