شاركيني لو مشينا دروب الهنا واعذريني لو لقيتي بدروبي عنا

البارت السادس والعشرين

🌻🍃🌻🍃🌻
🍃🌻🍃🌻
🌻🍃🌻
🍃🌻
🌻 26 ..

📚 😍 📃
📖 روايـــــــــــــة ✍🏼
{  شاركيني لو مشينا دروب الهنا وأعذريني لو لقيتي بدروبي عنا  }

📖🖌 @storykaligi 🌻🍃

طيف هزت راسها بإستغراب وهي ترتشف من القهوة

.
بالمركـز .. واقف بعد ما بدّل ملابسه وهو يتكلم مع العساكر بهدوء وتقدم منه الفريق اول " عبدالله " : وين الفريق فياض ماوصل ؟
ثنيان : شوي ويوصل
عزام اشر على الباب : وصل حتى
وقفوا امامه وضرب لهم التحية وردوها ، وتقدم من عبدالله : طلبتنا ؟ آمر
عبدالله : فياض ما اعطيتهم خبر عن مهمتنا؟
فياض هز راسه بنفي : قلت اعطيهم بكرا بس دامك طلبتنا قلت بقولهم الان
ثنيان عقد حاجبه : مهمة وتو راجعين ؟
فياض التف له : ايوه , يحتاجوننا بس هالمرة مُدتها اقل انا وانت يا ياثنيان مُكلفين نروح لمدة اسبوعين ، اما بالنسبة للملازمين وبقية العسكر فـ مدتها شهر الى شهر ونص ، موافقين ؟
ضربوا العسكر تحيتهم ونطق المُلازم عزام : انت تآمر واحنا ننفذ يا فريق
ابتسم فياض وهو يربّت على كتفه : اجل تم ، ثنيان الحقني المكتب
تنهد ثنيان وهو يبتعد عنهم ويروح خلف فياض ، سكر الباب خلفه وهو يتنهد : نجد عرفت عني
فياض التف له بصدمة : متى ؟ وكيف ؟
ثنيان جلس ع الكرسي وهو يمد رجلينه وهو يتنهد : متى ؟ قبل يومين وكيف؟ شاك شاك يا فياض واتركني اتأكد بس والله ما اتركها
فياض رفس رجلينه : اعتدل لا تمد رجلك ، ومين اللي ما تتركها ؟
ثنيان وقف وهو يقترب ويمسك خشمه بصبعتينه : مايخصك
ضحك فياض بذهول وهو يشوف ثنيان بيبتعد ولوى ذراعه : ثنيان
ضحك ثنيان وهو يبتعد : متى المهمة
فياض بهدوء : شوي ونمشي
ثنيان بصدمة : يارب تمزح
فياض : تشوفني اضحك؟ روح دبّر كذبة
ثنيان : ما بتودّع !
فياض بحمق : شيخصك؟
خرج ثنيان بعد ما ضحك وتنهد فياض وتفكيره بـ بشرى ، ابتسم من ذكراها وهو يتنهد بحُب لها
.

قريِب صلاة الفجر ، خرج ثنيان مع فياض متجهين كعادتهم لودّاع الاهل .. بس كعادتهم فياض لـ مهمة وثنيان لسفرة او التحجج بعمله وان صار بعيد والدوام لساعات طويلة تتركه ياخذ فُندق قريب وبالحالتين
لا الاهل راضيِن ولا دارين بطبيعة عمله الحقيقية
فياض وقّف امام بيت ثنيان : بعد الصلاة امرّك
ثنيان : رايح لبيت جدي ؟
فياض هز راسه : مو تطوّل
ثنيان هز راسه وهو ينزل .. ابتسم وهو يرقى لطابقِهم ومثل ما ظن ، امه على سجادتها تقرأ قرآن وتصلي ركعتي الوتر
اقترب وهو يقبّل راسها ويجلس ع الكنب الموجود وابتسمت ام ثنيان له وهي تسكر القرآن بعد ما قبلتّه وتلته بـ " صدق الله العظيم " : ها يمه رجعنا ع دوام الليل
ثنيان ابتسم : وبنرجع ع موضوع الفندق يمه
ام ثنيان رغم عدم رِضاها الا انها ابتسمت : اهم شي انك بخير يا يمه بعيد عن الاسلّحة
ابتسم ثنيان بهدوء : سلّمي على ابوي اجل .. نجد نايمه ؟
هزت اكتافها : ابوك شوي ويطلع للصلاة بتشوفه ونجد شوفها يمه .. وصحيها للصلاة
هز ثنيان راسه وهو يقترب من غرفة نجد .. ابتسم من لمحها نايمة وسكّر الباب وهو يقترب ويفتح الابجورة اللي جنبها

اقترب وهو يجلس على طرف سريرها ويرفع خصلات شعرها البنية ويناديها بهمس لجل ما تفز بخوف ، عقدت حاجبها وهي تبتعد ع الجهة الثانية ، ووقف ثنيان بهدوء : الصلاة يا نجد الصلاة .. خير من النوم
نجد بنعاس : صحينا يا ثنيان
ثنيان : كفو .. يلا قومي رايح المسجد انا لا ارجع واشوفك ماقمتي من سريرك
نجد اعتدلت وهي ترفع شعرها : قمنا يا ثنيان خلاص
ابتسم وهو يخرج متوجه للمسجد
.

دخل فيّاض بيت ابوه وهو عارف ان بشرى نفذت كلامها وراحت لامّه .. ونقطة رابحه لصالحه لجل الوقت
خرج منهم بعد ساعه من الوداع .. بكاء بشرى المعتاد و مسامحتها المباشرة له وفقط ان يرجّع سالِم لها
وصايا امه وطاقة ابوه للدفاع عن الحب وعن الوطن
.

دخل ثنيان مع ابوه للبيت بعد ما ودّعه وهو ينتظر فياض
رفع جواله وهو يشوف اتصال فياض ووقف وهو يسحب حقيبته من سيارته وجا بيخرج وسمع نداء نجد له والتف
ركضت نجد له وهي ترتمي بحضنه ببكاء وخوف : ثنيان لا .. ليه ماقلت لي
ابتسم ثنيان وهو يشد ع حضنها وابعدها وهو يمسك وجهها : نجد ياقلب اخوك ، اول مرة اروح لمهمة ويعرف عنها احد غير فياض اول مرة احس اني اودّع احد من اهلي بصِدق لا تحرميني
شدت على حضنه وهي تبكي : تكفى انتبه لنفسك ثنيان والله يصبرني
ثنيان : انتي انتبهي على امي وابوي ، صرت أامنّك عليهم اكثر من هجام
بلعت نجد ريقها وهي تستذكر : متى بترجع
ثنيان : اذا لي عُمر ، بعد اسبوعين

🌻📚 @storykaligi 🌻📚🖋
🍃🌻
🌻🍃🌻
🍃🌻🍃🌻
🌻🍃🌻🍃🌻