شاركيني لو مشينا دروب الهنا واعذريني لو لقيتي بدروبي عنا

البارت112

🌻🍃🌻🍃🌻
🍃🌻🍃🌻
🌻🍃🌻
🍃🌻
🌻 112 ..

📚 😍 📃
📖 روايـــــــــــــة ✍🏼
{ شاركيني لو مشينا دروب الهنا وأعذريني لو لقيتي بدروبي عنا }

📖🖌 @storykaligi 🌻🍃

اشر على شارع مطاعم : وصلنا وجهتنا عزيزتي جوعان حِدي يلا ننزل
هتان بخوف : تخيل ثنيان بالغلط جاي مع واحد من ربعه يتغذا؟ والله يهّد الغذا ويتغذا علينا
بدر : ايه يشوفنا ويقتلنا بعدها يشوينا عاد يمكن يبهرّنا ويمكن لا
هتان ضربته : ويّعه ان شاء الله خلاص انسدت نفسي مابي اكل
بدر : كيفج والله , بتندمين ! الحين نضرب على بخاري ياسلاممم وانتي اكلي اصابع الندم والخوف

-
بمكتِـب فياض ,
ثنيان جالس جنبه بملل ويرتشـف قهوته بهدوء ويشتت أنظاره على فياض اللي مشدود بالقضيِة !
ترك فياض الملف بعد دقايق وهو يزفر : كلمت حرمك ؟
ثنيان بنسيان : عن ؟
فياض : نسيت ؟ عن المُهمـة
ثنيان زفر وهو يعتدل بجلسته ونطق بتكذيب : قلت قلت وتفهمّت
فياض ناظرّه بسخرية : متاكد انها متفهمّة ؟
ثنيان : اجل تحسب زوجتي مثل زوجتك ؟
فياض رمى القلم عليه : سكّر فمك عنها لا ادّق فمك بالارض
ضحك ثنيان وهو يشوف الساعه : خلص الدوام صح؟ انا اختفيت
فياض سحب جواله وهو يوقف : انتظرنِي جاي معك
-

نجد بغرفتـها متوترّة بشكل فضيِع , جزء منها مرتاح لأنه ما جا وجزء منها ميت من التوتر والاحساس الفضيِع لانه ما يرد !
ارسلّها وقت نومها جُملة " والله ما اخلِيه لو على حسب موتي " وسكر جواله من بعدها ما توصلّه اي رسائل وتوسلات واتصالات نجد !
الساعات الماضيِة اللي قضتها مع اخوها واختها بين السينمـا وتمشيِة على البحر وضحكهم وتذكرّهم للماضي ! الماضي البعيد اللي من بعدها طيبّة هجام تحولت لقسوه , أيامهم الحلوة بمراهقة هجام وطيف وطفولة نجد بينهم !
ما تنكر انها مصدومة من تغير هجام اللي محد يدري سببه غير طيف وهتان , الا انها بأشد اوقاتها فرح وحُب لأخوانها

-
وصـل ثنيان بوصول سياره بدر ومعاه هتان !
ماتت هتان من رُعبها وهي تشوف السيارات أمام بعض
بدر اللي ضحك بقوه : بدأ الفلم بدأ الفلم
هتان بخوف فضيع ورجفة : والله بدأ الاجرام يا بدر يلعن شكلك الحين !! موتِنا والله العظيم موتنا
بدر بحِدة تمثيلية : عن المصاخه يلا ونزلي عاد ! انتي وايد اوفر ترا ودراما كوين
هتان تجاهلت وهي تنزل برجفة وتشوف ثنيـان يحوس بجواله ونزل بعدها بدر , دخل ثنيان جواله وهو يبتسم بمجاملة لبدر ومدّ يده يسلم : يا هلا بأهل البحرين
بدر بابتسامه : ياهلا فيك شلونك شخبارك؟
ثنيان تجاهل نظرات هتان المصدومة : بخير الله يسلمك
بلعت هتان ريقها وعيونها تتوسع من الصدمة وسوالفهم , وهدوء ثنيان وعدم سؤاله نطق ثنيان بهدوء : تفضل داخل
بدر : لا والله بنمشي الليل , رايح للربّع اشوفهم لاني طلعت مع اختي هتان
ثنيـان ناظره بصمت ونطق : اجل ترجع بالسلامة ان شاء الله طمّن هتان عاد
بدر : يوصل يوصل , يلا مع السلامة
مشت جنب ثنيان بعد ماودعت بدر , ونطقت بعدم صبر : بتقتلني بروحي بعد ما مشى بدر ؟
لف لها باستغراب : ليه اقتلك؟
هتان بخوف : لاني طلعت بدون ماقولك ؟
ثنيـان تجاهل وهو يدخل وابتسم لفاطمة وقرّب منها , صعدت هتان عنهم برُعب وهي تظن ان ثنيان ساكت بهدوء قبل العاصفِة , رمت اغراضها وهي تجلس على طرف السرير وتاخذها افكارها لجميِع الاجرام والافلام اللي تابعتها وطريقة قتلها ودمعت من فرط احساسها !

-
باللِيـل , عند فياض وبُشراه
نطقت بشرى بحزن : لاول مرة فيه شخص ثاني بيحس بخوفِي
فياض بمقاطعه قبّل جبينها : نرجع لسوالفنا ؟ خلاص يا بشرى قلبي خلاص
تنهدت بشرى وهزت راسها وهي تمسح دموعها : خلاص والله بسكت
فياض : لا , لا تسكتين احب صوتك واحب كلامك وودي اغرق فيه بس ذا الموضوع نبعد بعيد عنه
احتضنته بشرى وهي تشد عليه بحزن عميق و ..
-
عِند ثنيـان , يدخن بالحديقة ببرود وهّم وهو يستذكر كلامه مع هتان بعد ما راح خلفها
كانو يسولفون عادي وسط صدمة هتان من عدم تكلمه ابداً عن موضوع بدر ! لكن ما راح عنها ملامحه وهدوءه ! وتجاهلت بمزاجهـا اللي يسويه وتقلّب مزاجه لانها سألته وماجاوب
سولفو كثير , ويتذكـر جُملتها بشكل واضح لما جس النبض ونطقت بالصريح " اخاف الموادِع , وماحبه لان يحسسني بنهاية الشي "
-

قاطّع افكاره اتصال فياض اللي يقوله بأن قرب من بيتهم لجل يروحون للمركز وينطلقون بعدها للمُهمة !
تنهد ثنيان وهو يدوس على زقارته ويصعد فوق بعد ما شاف الظلام منتشر بكل مكان , ودّع اهله اكملهم ولحسن حظ ثنيان و سوء هتان كانت نايمه .. بقى هي وما يقوى وداعهـا ابد خاصة انها المرة الاولى لها يجهل خوفها من هالشي لكنه يحترمّه يعرف ان اللي يسويه غلط لكن افضل من الوداع الصريح ..

🌻📚 @storykaligi 🌻📚🖋
🍃🌻
🌻🍃🌻
🍃🌻🍃🌻
🌻🍃🌻🍃🌻