شاركيني لو مشينا دروب الهنا واعذريني لو لقيتي بدروبي عنا

البارت 109

🌻🍃🌻🍃🌻
🍃🌻🍃🌻
🌻🍃🌻
🍃🌻
🌻 109 ..

📚 😍 📃
📖 روايـــــــــــــة ✍🏼
{ شاركيني لو مشينا دروب الهنا وأعذريني لو لقيتي بدروبي عنا }

📖🖌 @storykaligi 🌻🍃

عِند هجام , اللي من احتضانه لبنته لحد هاللحظة ما قامت من حضنـه وتسولف له لين ما داهمها النوم ونامت !
ابتسم وهو ينزل نفسه ويقبل شعرها لثواني , وقاطعه نادر اللي جلس بجنبه : اتركهـا اسبوع بعدها بكيفك , استقر يعني
هجـام : اذا اجلت الموضوع اكثر بكون تافه , اليوم والا بكرا بيدرون ! وانا ماسويت لا عيب ولا حرام لجل اخافه بُكرا امرهم ونروح
نادر تنهد وهو بينزل ياخذ ورد ورفض هجام وهو يشدها : انا اوديها لسريرها
نادر : يلا
وقف هجام وهو يتوجه لغرفة ورد , تركها بسريرها وهو يلحفها وخرج وسقطت انظاره على هتاف اللي تبكي رغم ظهرها اللي تجاهه هجام ومايشوف ملامحها لكن هزة اكتافها واضحة
-
هتان سحبت جوالهـا وهي تدخل الواتساب وارتعبت من نست تأرشف محادثة حمـد , بعد فضفضة طويـلة له
رفعت انظارهـا لثنيان اللي خرج وكأنه قفطـها واستغرب شحوب لونها وتوترها : وش صار ؟
هتان : مب صاير شي
مسك يدها من جات بتهرب وهو يجزم عن موضوع تخبيـه : هتان شفيك ؟
هتان سحبت نفسها ونطقت بتوتر وعدم تفكير : قلت لك حمد مافيني شي !
عقد ثنيان حاجبه ونطق بحدة يحاول يهدأها : مين حمد؟
لفّت له بفتُور وجهها وبرُوده وضحكت بسرعه بتدارك : منو حمد ثنيان؟
ثنيـان بحدة : مابعد انجنيت وصمخت لجل اقّط خيط وخيط , انتي قلتي حمد
بلعت هتان ريقها برُعب من فشل خطتها ونطقت بتسرع : كنت قاعده اتابع بالانسـتا واحد اسمه حمد وشيّر بلساني وناديتّك فيه
ثنيـان وقف وهو يزم يدينه ويناظرها بحِدة اكبر : تعرفيِن اني عسكرّي واقدر اعرفك لما تصدقِين وتكذبين
هتان بتوتر جلست وهي ترجع شعرها للخلف : وانا مب وحده من المجرمين عندك عشان تحقق معاي , زلّة لسان فيها شي ؟
ثنيـان بذكاء اعطاها ظهره بيمشي : طيب يا إيلاف طيب
هتان بغيرّة : ومنو إيلاف بعد ؟
ثنيـان لبس تيشرته وهو يبتسم بتوسع : اوه زلّة لسان
خرج من الغرفة وتنهدت هتان بحنق وهي تمسّح وجهها : جاهل ومجنون
سكتت لثواني ونطقت بحدة لنفسها : كنتي بتنفضحين يا غبيه
-

عِند الليث ونجد ,
نجد : الوجـه من الوجه أبيض , بذكرك بالطِيب رُغم ان مابه طيب جمعنا
قاطعهم دخول فياض واستغرابه من وجودهم مع بعض , شاف ملامح نجد وبردت ملامحه وهو يحاوط وجهها : ياحبيبة عمّها وروحه , وش اللي بوجهك
رجع الليث للخلف وهو يحّد على فكَه من غيرته
نجد باستغراب من وجود عمها : مافيني شي , ليه جاينّي ؟ ماهو اليوم ميلاد بشرى
رجعت للخلف وهي تتأفف : تركتها من جديد صح ؟ مسكينه تنتظرك مـ
قاطعها فياض : والله تو تركتها بالبيت وجيتك بعد ما انتهينا وبعدين اتركي زوجتي وجاوبي علي , وش هالجروح ؟
رفعت نظرها لليث اللي يناظر الارض ووجهه احمر ,

فيـاض التف لليث ورمقه بحدة : كانت ببيتك ؟
قاطعهم دخول ثنيـان وهو يرمق الكل بشرار ,
فياض : محد فيكم يفهمني اللي قاعد يصير , وش صابكم وجه اختك محمّر وانت مجروح وذاك الثاني شوي وبتطلع روحه ؟
الليث نطق بنبرة غاضبِة قبل ينطق ثنيـان : كانت نجد ببيتي , وانا ما حميتّها وخرجت وجا واحد ابن *** وتهجم ببيتي , وبنت اخوك رافضة تقول اسمه
بردت ملامح فياض وجلس : لحظة لحظة فهمني
ثنيـان تكتف ونطق ببرود : ماتسمعه يعترف بقذارته , وكأنه شي يفتخر فيه المشكلة ماهو غلطان كبر غلطنا بوثوقنا فيه
ناظرّه الليث وهو وده يكسّر فك ثنيان , استفزّه كثير وبطريقـة ما يحبها قرطّع رقبته وهو يحاول يحافظ على هدوءه : بتقولِين اسمه والا كيف ؟
فياض بغضب : تهددها قدامي ؟
الليث بصراخ من طفح كيله : لحد يتدخل بيني وبين حرمّي !! قاطعتوا حكيِنا وجايين تستفزوني وودكم اسكت وابلّع موس ؟ ماهو انا اللي تلعبون فيه دوروا ملعب ثانِي
ثنيـان تقّدم له بيرجـع يلمّه تحت قبضته لكن الليث وغضبه كان اسرّع , رّص الليث وجه ثنيان بالجدار وأعاق حركته وهو ينطق بحدة مخيفة بنبرات صوته متجاهل توسّل نجد : حذرتك يا ثنيـان حذرتك , والله أغير خرايط وجهك وما يوقفني شي
سحبه فياض بغضـب : لا والله اضربني انا بعد !!
الليث نفّض نفسه وهو يشوف نظرات الشر بينه وبين ثنيان ونطقت نجد ببكاء : والله ماعرف اسمه والله , هو بس وصلّي رساله وقلتها لليث وبس
الليث ابتعـد عنهم وهو يخرّج كتب رساله سريعه لها وكلمات تخيفها وتتركها تنفذ يطلب فيها توصّف شكله
رمـى جواله وهو متحّلف بقوة باللي فكـر يشتت نجد من بيته .. توجـه لمكان العصابـة ببرود بملامحه
-
خرجت نجد من بينـهم وهي تمسح دموعها وعبراتـها بعد ما شافت ثنيان يقول له اللي صار بالتفصيِل , وعقّدت حاجبها من رصاصة مرميـة أمام المدخـل لبيتهم !

🌻📚 @storykaligi 🌻📚🖋
🍃🌻
🌻🍃🌻
🍃🌻🍃🌻
🌻🍃🌻🍃🌻