شاركيني لو مشينا دروب الهنا واعذريني لو لقيتي بدروبي عنا

البارت 87

💐🍃💐🍃💐
🍃💐🍃💐
💐🍃💐
🍃💐
💐 87 ..

📚 😍 📃
📖 روايـــــــــــــة ✍🏼
{  شاركيني لو مشينا دروب الهنا وأعذريني لو لقيتي بدروبي عنا  }

📖🖌 @storykaligi 💐🍃

نطقت حصة باستهزاء غاضب : شفتها بعينك ؟ شفت اللي جبتها لحد بيتنا لا نعرف اصلها من فصلها تتطاول على اللي اكبر منها !! هذه بلا شك ماهي متربية
ثنيان كان بِيرد بغضب لكن افتّلات هتان من يدينه لجل تهاوش حصة واللي وصل ضغطها مليون من حكي حصة وجرحها المستمر : لا عاد ليي هني وبس
تحركت هتان بعصبية لجل تفك نفسها من ثنيان وهي ترمق حصة بنظرات مخيفة ووجها بدا يتصبغ بالاحمر من غضبها
سحب ثنيان هتان وابعد كفه عن فمها ونطقت : والله تصبرين علي وارويج شلون تسبِيني يا عجوز والله ما اخليج
ثنيان صرخ عليها لجل تسكت .. وبكت مباشرة لما صدوا عنهم متجاهلين حصة اللي لا زالت تشتم وسط صراخ هتان وتوسلها بـ أن ثنيان يتركها لين ما حست بضغطه ثنيان القوية على خصرها لجل تهدأ وهي تشوفه يصعد معها ، دفته عنها وهي تكمـل طريقها ببكاء

-
بالاسفل ، تقدّمت فاطمة بغضب من حصة وهي تصرخ : وش مسوية بالبنت انتي !
حصة وهي تسحب جوالها بتمثيل زعل : لا عاد ما بقى الا المتردية والنطيحه تجي تصرخ علي ! انا مالي قعده وما راح اسكت عنها تتطاول على اللي اكبر منها بدون احترام لي تقول عني عجوز
نجد اقتربت توقف جنب امها وانظارها ع الاعلى ، ونطقت فاطمة وهي تمسك ذراع حصة : انتي يا حصة السبب ! متاكدة انك انتي السبب
حصة رفعت جوالها وتتصل على احد اولادها
فاطمة نطقت بحدة : اذا صارت مشكله هنا يا حصة والله ما تلومين الا نفسك ! اعتقي البنت من شرك خلاص
ابتعدت حصة بزعل وهي تصعد لجل تاخذ اغراضها
وزفرت نجد بخوف على هتان .. تقدمت فاطمة لها وهي تمسح على وجهها من حست ببرود ملامح نجد : ماعليك ما بيصير شي سحبها معاه لجل ما تكبر مشكلتها مع حصة
نجد بخوف ورجفة : اول مرة تصرخ بهالشكل ! خايفة عليها وبعدين ثنيان بعد كان معصب
ام ثنيان جات بتصعد ومسكتها فاطمة : اتركيهم .. ثنيان مستحيل يسوي فيها شي ! يحبها اكثر من نفسه
ام ثنيان جلست على الكرسي وهي تمسح على صدرها لتاخذ انفاسها : عفستنا بدقيقتين ونشفت دمنّا ، الله يستر
فاطمة تنهدت من بنتها حصة وصعدت خلفها بغضب
وجلست نجد جنب امها وهي تهز رجلها بتوتر .. اخبَر الناس بهتان هي وقت عصبيتها ممكن ترمي كلام وتندم عليه وعادي جداً تتطاول بكثير اشياء !
دعت ربّهـا تمشي الامور بخير وانظارها للاعلى بخوف وودها تروح توقف هتان قبل ترتكب خطأ مع ثنيان ..
.

سكّر ثنيان الباب وهو يقفله ويناظر هتان اللي تفصخ عبايتها بسرعه وغضب .. ورجفة يدها وفكها يسمعها ويشوفها وانفاسها المتسارعه
نطق بهدوء وهو مستند ع الباب : وش اللي حصل
هتان بتهديد : والله ما اسكت عنها لو ييبون " يجيبون " لي اكبر راس طز فيهم كلهم
ثنيان غمض عينه وفتحها بعد مدة ليسحب غضبه ..
ونطق : علميني اللي حصل هتان !
هتان بعصبية نطقت وهي تحس بحرارة جسمها تزيد من الغضب اللي ودها تفرغه
تقدمت من الباب وهي تشوف جسد ثنيان امامه : ثنيان تباعد عني
ثنيان ببرود : واذا ما بعدت؟
هتان مسكت ذراعه بمحاولة لدفّه : بتتباعد غصب .. يلا وخر
ثنيان ببرود اكبر : هتان اجلّسي ولا تقللين احترامك
هتان بغضب متجاهلة ردة فعله : شنو اللي اقّلل .. من جيت هالعايلة وهمه ما يبوني غير مُرحب فيني خاصة عمتك الـ
بترت كلمتها وهي تعض شفايفها سكتت لثواني واكملت : بالخصوص عمتك اللي بالدخله والطلعة تشتمني وتتكلم من وراي ومن امامي جدام الكل ! هذا كله واقلل احترامي ؟ يا عمي روح زين انا كفايه متحملة هالعيشة والله يكتب أجري!
ثنيان رفع حاجبيه بذهول وحدة : كفاية متحملة هالعيشة؟ ليه يا استاذه هتان ما انتي فرحانه بعيشتك معي ؟
ابتعد عن الباب وهو يفتح قفله بغضب .. اشر لها للخارج وهو ينطق بحدة اكبر : هيا اخرجي الحين ! ، لجل يجيك كلام أكبر من انك مو محترمة ! ودك ترجعين البحرين ؟ لاهلك ؟ ولبدر وناصر وابوك ! برسّم الخدِمة الان احجز لك تذكرة و ترجعين ولا مذلّتك على كل ثانية جالستها معي !
نطقِت بنبرة مبحوحة .. مصدومة ومُتعبة وكل العبرات توقفت بنص حلقها من العتب : الحين صرت انا نذلة واذلّك؟
رفع انظاره لها بصمت بين الاثنين ردد الحوقّلة بنفسه
وهو يحاول يهدأ من غضبه وابتعد وهو يجلس بتجاهل لسؤالها ، وبلعت هتان عبرتّها وهي ترفع عينها لجل دموعها توقف وما تسقط عليه بالذات

💐📚 @storykaligi 💐📚🖋
🍃💐
💐🍃💐
🍃💐🍃💐
💐🍃💐🍃💐