شاركيني لو مشينا دروب الهنا واعذريني لو لقيتي بدروبي عنا

البارت 134

🌷🍃🌷🍃🌷
🍃🌷🍃🌷
🌷🍃🌷
🍃🌷
🌷 134 ..

📚 😍 📃
📖 روايـــــــــــــة ✍🏼
{ شاركيني لو مشينا دروب الهنا وأعذريني لو لقيتي بدروبي عنا }

📖🖌 @storykaligi 🌷🍃

بدولـة شقيقة قريبة .. البحريـن
كان نصيب الشُوق والندم من هتـان أيضاً , بعد ما وصلوا البحرين وتركها ابوها تستوعب اللي يصير بدأت تنصدم من كمية المصايب اللي سببتها .. وكمية الكسر اللي وجهته لثنيان وعارفة بأن ثنيان لحد هاللحظة ماهو فاهم ان حمد شخص تحت التراب ! والسبب يعُود لها طبعاً لأنها رفضت تبرر ولو بحرف واحد حتى انها قلّبت الطاولة عليه وخرجت ببرود راجعة مع ابوها تاركة عواصف وتخبطات وراها !
.
,
مّر الاسبوع بحزّن وفرح .. وميّة شعور على كل بطل بشعور مختلف عن الثانِي ,
مّر على ثنيـان اللي بدأ يختفي عن الكل ويكرّس نفسه للشغل وبس .. لدرجة يهلك نفسه لجل مايختلط بأحد ويسأله عن هتان واللي يصير .. وهو بالمثّل عاطِيها هالاسبوع راحة ويمكن ولو شوي ترأف في حالهم وتتكلم وترجّع ! لا زال يبيها ولا زال يحبها لكن ينتظرها تتكلم وتتمنى ما تخذلّه اكثر من الخذلان اللي سببته لقلبه !
-
وعلى هتـان اللي تحاول تبيِن عدم اهتمامها بشي .. والاهم الحين صحتها وصحة جنينها والباقي بعد ذلك ماهو مهم .. اللي يبي يفّهم الشي يفهمه على الطاير مايحتاج تبرر لأحد .. ولا يحتاج انها تعتذر لان ماتشوف نفسها غلطت حتى انها تحملّه حميع هالاغلاط بثقة تامة !
-
على فيـاض اللي بدأ يرجّع لانغماسه التام .. ولشخصيته المستفزة والسبب هو القضايا اللي تجيه وتشيّب راسـه !
-
بُشرى القلب اللي مكسور خاطرها على هتان بشكل وتحاول تكلمها لكن تشوف ان مالها الحق بالتدخـل وتتراجع .. تداوم بطبيعة العمـل وترجع تعبانه وتنام .. بدون لقاءها بفياض اللي ما يعتبر لقاء لمدة دقايق يسالون عن حال بعضهم فقط فيها !
-
هجام اللي حياتـه بنته حاليـاً .. روحته وجيتّه دوم معاها وما تفارقه وبدأت عايلته تتقبلها وتتقبل هتاف بعد مشاكل كبيرة من ابو أميرة مع ابو ثنيان !
-
هِتـاف .. اللي بدأت تحس بانتصارها خاصة انها تصحى لجل دوامها بينما هجام عاطِل ! وتحس بأنها هي اللي تصرف عليهم هذا بحد ذاته ممسك ذِل على هجام !
-
طِيف .. اللي ماتوقعت ولا ١٪؜ يصير الشي ذا خاصة بأن هتاف مافاتحتها بالموضوع الا يوم كلامها مع امها !
-
الليث ونجّد .. انتهوا من رحلة الاسبوع بالمزرعة والهمام وأديب اللي مشي بعد يومين من رجوع جابر وسديم من جِدة.
تجزّم نجد بأن افضل اسبوع قضّته بحياتها من عرفت الليث فيه .. ماتوقعت كل هالمشاعر وهالحلاوة تطلع من الليث ذاتّه.
.
.
قبـل ليلة .. فيها القمّر مكتمل وجلسة عائلية بحت
بالخارج والاجواء الحلوة والهواء اللطيف اللي يداعبهم
الحليب بالزعفران الخاص بـطيف المشهور بلذّته موجود بجلستهم !
تضم هالجلسة البناتيِة " طيف - ام ثنيـان - نجد - وهِتاف " كانت تنقّصهم هتـان .. تنهدت نجد بحزن من تذكرتها , من رجوعهم العصر من المزرعه وصدمتها بالخبر وهي ماهي بالمُود اللي يخليها تتصل على هتان تعرف السبب ! تشوف اخوها بالاول وبعدّها يحلها الف حلال !
مدّت طيف الحليب بالكُوب الورقي لهتاف اللي ابتسمت لها بشُكر .. تعدلت بجلستها بهدوء وهي تشوف ام ثنيان تلعب مع ورد اللي مشغولة بأيبادها : ياخالة فاضية ؟
رفعت ام ثنيان راسهـا بشد : آمري يابنتي ؟
ابتسمت هتاف وهي تترك حليبّها : والله مستحية وماني عارفة كيف أبدأ
ام ثنيان ضحكت بخفة : تكلمي يا حبيبتي وخذي راحتك لا تخافين
قاطعت دخولهم فاطِمة اللي تمشي بعكازها : السلام عليكم
وقفوا الحفيدات وهم يتقدمون لفاطمه يقبلُون كفوفها وابتسمت هتاف بخجل وهي تسوي اللي سووه طيف ونجد .. توسعت الجلسة لتضّم فاطمه معهم ايضاً ونطقت ام ثنيان وهي تشوف نجد تسال جدتها اذا ودّها بحليب : ايوه يابنتي قولي اللي بخاطرك ؟
هتاف ناظرت طيف وهي تبتسم بتوتر : انتو عارفين اني اكون اخت نادِر صاحب ثنيان
ابتسمت نجد بهدوء من ابتسامه امها .. واكملت هتاف بتوتر اكثر : ونادِر كلمني ياخالة وودّه القرب منكم
ابتسمت فاطمة بتوسع وفهمتها مباشرة .. وربطت الامور ببعضهم .. تلعثمت ام ثنيان من الفرحة وعجزت ترد ونطقت فاطمه بتدارك : هذه الساعه المباركة .. الشرف لنا دام ولدنا نادر ودّه القرب عاد نادر حِسبة وليدي ياكل ويشرب مع ثنيان قبل ! والله وانا أشهد بحُسن اخلاقه
ابتسمت هتاف براحـة : تسلمين يا عمة .. عاد نترك طيف تفكر وبراحتها نادر ماهو مستعجل
-

🌷📚 @storykaligi 🌷📚🖋
🍃🌷
🌷🍃🌷
🍃🌷🍃🌷
🌷🍃🌷🍃🌷