🔮🍃🔮🍃🔮
🍃🔮🍃🔮
🔮🍃🔮
🍃🔮
🔮 143 ..
📚 😍 📃
📖 روايـــــــــــــة ✍🏼
{ شاركيني لو مشينا دروب الهنا وأعذريني لو لقيتي بدروبي عنا }
📖🖌 @storykaligi 🔮🍃
بشُـقة ثنيـان |
دخلها بتعب الملكة والشغل والنوم واصل الف بعد كل مدة مبيته في بيت جده ونادر لو جا هنا بالفترة الاخيرة , فتح دولابه بياخذ ملابس وانتبه للبكس اللي فوق !
عقد حاجبه منه ورفع يده يسحبه وبردت ملامحه من عرف محتواه !
وكيف ما يعرف وفيه اكثر شي كان ينتظره بحُب وطلّب وانكسر وكثير بعدها !
بلل شفايفه وهو يترك بلوزته اللي سحبها وجلس على طرف السرير وهو يسحب الالبوم ويفتحه بحنين كان التصوير محترف من شابة محترفة عرفت كيف تبرز ملامحهم وأنظارهم
لحظات الفرح وعيونه اللي تناظر هتان , ابتسامه هتان اللي قام يشوفها مزيفـة بعد ما كان بيشتري الدنيا لجل يشوف ضحكتها !
انفتحت جروح وبكل صورة يشوف فيهم حركاتهم , يحس بأنها ملح يلهّب جروحه لا غير !
انتبه للالبوم الصغير وسحبه , من خارجه كان واضح ان عفوي بزياده .. وماهو ألبوم متعوب عليه كثر مافيه ذكريات حلوة !
-
فتح اول صفحاته وعقد حاجبـه من صورته وهو رضيع وبجنبه بنت رضيعه ايضاً بملاحظة بأسفل الالبوم تضم عنوان " ثنيان ١٩٩٠ .. هتان ١٩٩٨ "
انصدم من فكرة الالبوم اللي ماطرت على باله ولا طرى على باله الفضول بأنه يشوف هتان بالسابق ! كان يعرف انها حاضره ومستقبله اللي انهدم فقط وفضوله اللي ما جا ما كان رح يخليه يفتح معها موضوع عادي ويُنسى كذا !
قلب الصورة اللي بعدها وهو مصدوم من وجود مثل هالالبوم وشاف نفسه بعمر الـ ١٢ وحوله وبجنبها صورة هتان بُعمر اربع سنين تقريباً !
بملاحظة باسفل الالبوم ايضاً تضم عنوان " ثنيـان وهتان ٢٠٠٢م "
ومن بعدها وصور كثير تضمهم لبعض !
صورهم بأول يوم بالمدرسة الابتدائية , صورهم وهم خريجين .. بأول يوم دوام جامعي .. صورة لها لوحدها تضم اول يوم شافت فيه ثنيان بالجمارك " ١٥ مايو "
ابتسم بدون شعور وهو يتذكر ان صوّر ايضاً بهاليوم حتى ان طلع له من فترة بالسناب كـ ذكرى !
قلب بفضُول وحنين لوجهها وهو يشوف صور لزواجهم !
ومن بعدها صور لحالها .. بملاحظات زعزعزت كيان ثنيان من التعب ! وقت مُهمته العسكرية ! وصوره لأول سونار سوته وعرفت انها حامِل ! وبعدها صورة لاول رمضان لها كزوجة وبدونه ! اول عيد فطر .. واول عيد اضحى تظنه بيكون بدونه ايضا وحتى انها حطت ملاحظة صغيره تنتظر تتصور فيه لجل تنتهي منه !
سكّر من الالبوم وهو يحس بحرقة عيونه .. وحشته كثير ! وكثر ما وحشته وده يعرف عن ولده اللي ماعرف عنه الا يوم واحد واختفت من حياته بخذلان كبير !
ضغط على عيونه بقهر وماوده يبكي عليها بتـاتـاً , تعب وكثير والكل حاول ولكنها هي الحاقدة اللي تأكد خيانتها برأس مرفوع ! وتاركه ثنيان يتعذب بعيد وينهار
كل شي بالشقة يذكره فيها , بقايا عطورها المتروكة , طرف دولابها اللي بقى منه ملابس كوبها المفضل بالمطبخ اغراض الشور بالحمام , وفساتينها وكل شي !
طيفها موجود بالشقة ! بكنبـها المفضل جالس !
وقف بقهر وهو يشوف التسريحه مليانه اغراضها ورمقهم بتعب وحزِن ! وبدون شعور صرخ وهو ينثر كل ما بقى من اغراضها ونزل وهو يحس بصداع ووده يبكي وكثير ! وده يفهم اللي سوته لان من فرط عدم تصديقه للي حاصل وده يصحى من الكابوس اللي له أيام رافض يصحى منه !
-
.
دخلت هتاف وهي تدندن بفرح وانذهلت من شافت هجام منسدح بثوبه على السرير ويإن بتعب !
زمت شفايفها وهي تظنه نايم طبيعي رغم انها مستغربه نومته بهالشكل ! ومن شكله المبعثر اساساً
اقتربت تتأكد نومه وأكدت انينه وبشعور فطرّي مدت يدها لجبينه تتحسه وشهقت بخفة من شافته يشتعل !
فصخت كعبها وهي ترميه وتنزل عليه وتحاول تصحيه لجل ياخذ شور : هجام تسمعني ؟ قوم .. ساعدني تقوم لجل تاخذ شور حرارتك نار
هجام ثقّل بجسمه وهو يعتدل : ماودّي اتركي
هتاف مسكت ذراعه ونطقت بجدية : ممكن ما تسوي نفسك طفل ؟ ساعدني هيا لازم توقف تحت الموية شوي عشان تنزل حرارتك !
سحبته من مالقت اجابه : هيا هجام !
وقف بتعب وهو يترنّح .. دخلته تحت الشاور وهي تفتحه وتبعد وابتعد عنها هجام من حس ببروده الماي ونطقت بجدية : هجام اوقف هناك مابي اتغرّق انا ! اوقف هيا
هجام بتأفف : بارد !
هتاف ناظرته بهدوء ونطقت ببرود : ممكن تصحصح معاي ؟ طبيعي بارد يا هجام هيا لا تحسسني اني اعامل ورد الحين !
هجام نطق بدون شعور : ليتك تعامليني زيّها وترحميني شوي
سكتت وهي تناظره وابتعدت من تاكدت بوقوفه ..
🔮📚 @storykaligi 🔮📚🖋
🍃🔮
🔮🍃🔮
🍃🔮🍃🔮
🔮🍃🔮🍃🔮
أنت تقرأ
شاركيني لو مشينا دروب الهنا واعذريني لو لقيتي بدروبي عنا
ChickLitرواية سعوديه منقولة ( فقدان ، قتل ، ظلم ، محاولة زواج اجباري ، غرور وتكبر ، شجاعة ، مشاعر ، صداقة ، وفاء ، حب ، زواج ، وفاء ، بحث ، تحدي ، نهاية سعيدة ) تابعونا ... @storykaligi 📖
