شاركيني لو مشينا دروب الهنا واعذريني لو لقيتي بدروبي عنا

البارت الرابع والاربعين

🌷🍃🌷🍃🌷
🍃🌷🍃🌷
🌷🍃🌷
🍃🌷
🌷 44 ..

📚 😍 📃
📖 روايـــــــــــــة ✍🏼
{  شاركيني لو مشينا دروب الهنا وأعذريني لو لقيتي بدروبي عنا  }

📖🖌 @storykaligi 🌷🍃

ابتعـد هجام وهو يدخل ببرود ويسكـر ، رُغم دموعها اللي تجمعت لكنّها مسحتهم وهي توقف .. نفضَـت نفسها من اثار الرمل اللي جا ع ملابسها وعبايتها ومسحّت دموعها بعنف وهي تناظر بحقد وتتوجه للداخل
متجاهلة تهديد هجام وضاربتّه بعرض الحيط ، ماهي هي اللي تتراجع وعارفة بالغلط وتسكـت ..
نزل ثنيان بغضّب وعينه ع المجلّـس ، تقّدم بقهـر لناحية المجلس ووقف بذهول من شاف هتان امامه
ثنيان عقد حاجبه باستغراب : هـتان ؟ ، شتسوين هنا
هتان ناظرته بحقد وقهر : حتى انت طلعت مثله ! ومحد كاسر خاطري غير الضعيفة اللي فوق تنتظر احد ينقذّها من الحقير اللي بتزوجونها اياه غصب !
لفّت انظاره كفها لما رفعت كفها تأشر ع فوق لما نطقت بـ " الضعيفة اللي فوق " وهو متجاهل شتمها له بمزاجه وانتظرها تكمل : ويحسبّني اخوك اني باسكت لما يهددني ؟ والا يدزّني والله يخسّي وانت تخسّي واكبر واحد فيكم هني راضي يخسّي
فّهم انها فاهمة غلط وابتسم بهدوء وتنرفزت هتان من ابتسامته ونطقت بقهر : لا يكون قاعده اقول نكته وانا مادري
مسح على مقدمة انفه وهو يهز راسّه بنفي ، تقدم وهو يعدم المسافة اللي بينهم ويمسك يدها : هجام سوالّك كذا؟
كانت بتسحّب يدها منّه وضغط عليها بقوه وعضت شفايفها وهي تشتت انظارها بتوتر ونطق ثنيان ينتظر ردها : همم؟
هزت هتان راسها بخفة وهي تنطق : اخر واحد توقعت منه ان يرضي باللي يصير انت ! كسرتها ووايد بعد
سحب يدها وهو يمشي ونطقت هتان بخوف : شتسوي انت هيي !
ثنيان : اسف لك بدل هجام ، ع اللي سواه
سحبت يدها بغضب : لا تضيّع الموضوع ثنيان ! ولا تتأسف لي ! تأسف من اختك اللي خذلتها

ثنيان رجع يمسك معصمها وهو يتركها تجلس جنبه ونطق بنبرة تركتها تصغي له : اجلسي مكانك
اختفى من انظارها ثوانِي ورجع وهو يجلّس بجنبها ويحط علبة الاسعافات قدامه : شقلتي لهجام عشانه مد يده عليك ؟
هتان بقهر وغصة : ممكن ما تغير الموضوع ؟ اللي بيقتل اختكم داخل ! مع اخوك وابوك ! وامك مختفية ؟ لهالدرجة بايعين خواتكم انتوا !
ثنيان هو يضمّد جروحها بالكريم نطق ليهدأها : وتظنين اني موافق ؟
هتان : هذا اللي قاعده اشوفه انه !
ثنيـان رفع انظاره وهو يشوفها ، وسقطت انظارها عليه
وحست بغصّه من تذكرت خطيبها وسحبت يدها بهدوء : لو تحبها صج ، سوي اللي لازم يتسوى لها !
ابتسم ثنيان لها وهو يشوفها تصد بنظراتها عكسّه ! بروده يجلط وعناده اقوى منها بمراحل ، يتأملها بهالقرب
ولا كأن اخته تحترق فوق ! والله يعلّم اي قرار قرروه بالمجلس بدون شُور نجد ! ولأي بند وصلو له
ثنيان بهدوء وقف وهو يعدل تيشرته ويده ع جرحه نطقت وهي توقف بجنبه : شلون جيت وانت
اشر على فمه بالسكوت بمقاطعه : انسّي اني
ونطق بهمس : مجروح
اشر على فوق : صعدي لنجد بغرفّتها وقولي لها امرّها خلص دامه عند ثنيان
هتان بخوف تكتمه : هجام ؟
ثنيان : مايقرّب لك بوجودي وبعدمّه ! بكون اقرب لك من نفسّك
هتان عقدت حواجبها باستغراب وهي تهّرب للأعلى ، مسح ثنيان بغضب بيده اليسُرى " اعسر " على وجهه وهو يبتسم بجمود ويدخل المجلس وتوسعت ابتسامته من شاف تجمد ملامح ابوه وانسحاب لون هجام !

.
بمركز الاستخبارات ,
مكتب الليث .. دخل عسكري وهو يضرب له التحيه ونطق بهدوء : اخت الشُرطي ثنيان اليوم ملكتها
اعتدّل الليث بانجذاب : اي وحده فيهم ؟
العسكري : اللي انقذتها
الليث وقف بجمود : وعلى مين ؟ ماعرفت
العسكري : الا ، ع شخـص اسمه عيسى وهذه اوراقه وصُورته
مدهّم له وضرب التحيّه من شاف الليث يأشر له بالخروج
عقد الليث حاجبه وهو يفتح الملف وبردت ملامحه من لمح عيسى ! عضو معاهم في العصابة ، كيف يتقدّم بخطوه مثل هذه !
جلس ع الكرسي وهو يحس من قوه الموقف والاحداث شابّت رموشه ! اصابه ثنيان الثانيه اللي سمع عنها من رئيسه بالمركز ! وعرف انهم من العصابه وكيف قدروا يسوون هالشي بدون معرفته والان رح يزوجون نفس البنت اللي انقذها منهم لواحد منهم !!
رجف من عجزّه لان مايقدر يظهر امام ثنيـان كـ شرطي استخباراتي ابداً ! وثنيان ماهو بالشي المُستهان فيه ابد وماتمشي عليه اي كذّبه !

🌷📚 @storykaligi 🌷📚🖋
🍃🌷
🌷🍃🌷
🍃🌷🍃🌷
🌷🍃🌷🍃🌷