شاركيني لو مشينا دروب الهنا واعذريني لو لقيتي بدروبي عنا

البارت السابع والخمسين

🍒🍃🍒🍃🍒
🍃🍒🍃🍒
🍒🍃🍒
🍒🍃🍒
57 ..

📚 😍 📃
📖 روايـــــــــــــة ✍🏼
{ شاركيني لو مشينا دروب الهنا وأعذريني لو لقيتي بدروبي عنا }

📖🖌 @storykaligi 🍒🍃

ثنيان بتفكير : وترفّع صوتها وتتمرد على شرطي جمارك كان يقدر يسحب رخصتّها ويوقفها عن السفر بس من حسن نيته تركها
هتان بغضب : شايّل بقلبك اشوف
غمز لها وهو يبتعد بضحكة : الله يسعدك ياشيخه ، ارسلي رقم ابوك بس ولا يكثر
هتان : ترا يمدي ارفض لا تشوف نفسك بس
هز راسه بتسليك وهو ياشر لها بالوداع وانتظرها تدخل وحرك سيارته وهو مو مصّدق أبداً موافقتها !!

.
دخـل غرفته وهو يبتسم كل شوي ، له لقاء مع امه وجدته فاطمه باقرب وقت والاهم يكلم فياض ياخذ له اجازة لجل يروح البحرين ويتقدّم لخطبتها بشكل رسمي وحسب الاصول ~
انسدح على سريره وانظاره على غرفته المظلمه الا من ضوء الشمس الخفيف كون بدايات الصبّاح ..
حط يدينه خلف راسه وهو يتخيّل نفسه ويتخيلّها ، اقرب له من الرمش وتشاركّه بقلبه نطق بخفوت : ياوجهك اللي خلقه الله رضى وضحوك وصوتك اللي من يملّه وهو سامعّه ..
تنهد بعدّها وهو يستسلم لنومّة الراحة ، والهموم بعيدة كاملة البعد عنه بعد موافقة محبوبته

.
هتان اللي من دخلت شقتها وهي تحس لا زالت قيد المشاعر ، تخاف تظلم ثنيان قبل تظلم نفسها ، وتخاف ينعاد الزمّن وبلحظة كتب الكتاب يوصلها خبر موته بعيد الشر عنه تمتمتها مباشره لما فكرت فيها ، رح تموت لو صار هالشي فِعلاً ومارح تقوى بتاتاً لو حدثت الاحداث هذه ، رغُم انها راحت تدرس بالسعودية لجل تنسى احداث البحرين وتنسى اشخاصها الا ان ما كان ضمن مخططها تعيش بقية حياتها ومع حب حياتها
اللي هي ما فكرت ان بيوم ترجع تتزوج غير " حـمد " كونه كان الصديق قبل الحبيب
تنهدت وهي تنسدح على سريرها بعد ما اخذت شور يدها وعينها يبحثون عن رقم " حمـد " كعادتها وكتمتها اللي ما تفضفضها الا لشخص واحد وميّت ! ما يسمعها ولا يشوفها

.
الظـهر ، فياض الجامد واقف امام ٣٠٠ جندي واكثر تحت اشرافّه وتدريبه الصارِم والمعهود بحدِته
صرّخ باحدهم لما شافّه مرتخي وتعبان ولا هو بمكان للتعب ابداً : يا صبِيي ، اصطلب
عقد حاجبه من شافّ تعبهم الواضح بعد ثلاث ساعات تدريب متواصلة في الحر وما وقفّه الا صوت الاذان اللي اصبح بالمكان كله نطق بجمود لجل يسمعه الجميع ورفعه صوت : استراحة صلاة
ابتعد عنهم وهو يسحّب جواله وزفر بغضب من مالقى اي مكالمه او محادثه منها ورمى جواله بغضب وخرّج ليصلّي معهم ..
.

نهاية العصرية دخل ثنيان وهو يبتسم ويشوف امه بجنب جدته فاطمه وفصّخ الكاب وهو يجلس بجنبهم بعد ما القى السلام : جهزوا نفسكم
عقدت ام ثنيان حاجبها : وشوله؟
ثنيان ابتسم لفاطمه بتوسّع : تخطبون لي يمه
ابتسمت ام ثنيان بتوسع : وراه مستعجل ، للحين مالقينا البنت
فاطمة توسعت ابتسامتها وعرفت ثنيان تماماً : واللي تقولك لاقين البنت من زمان
عقدت ام ثنيان راسها وهي تشوف ابتسامه ثنيان تتوسع : مين ؟
فاطمة : هتان ، خويّة نجد
ام ثنيان بتفكير : البحرينية !
هز ثنيان راسه واكملت ام ثنيان : ماعندي مشكلة ، بس من متى هالمعزة
تنهد ثنيان وضحكت فاطمه من تنهيدته : من زمان يا نورة " ام ثنيان " ، ايه بنروح البحرين يمه ؟
ثنيان هز راسه : ادبّر نفسي واشوف موضوع اوراق معينه ، تقدرين تقولين نهايه الاسبوع ان شاء الله
ام ثنيان : وعرس نجد قّرب ! البنت ودها تجهز ماتحس بتتقروش زود بسفرتها؟
هز ثنيان راسه بنفي : يمه محنا مطولين بس نطلبها من ابوها وبعد عرس نجد ان شاء الله احنا
فاطمة بحنية تمسّح على وجهه ثنيان : الله يوفقكم يا يمه
سحب كفّها وهو يقبّلها بشكل طويل : يا راحِتي اللي مالقى مسكن غيرها
ابتسمت فاطمه وهي تسولف مع ام ثنيان عن هتان ، وعن امور كثيرة

.
بالكُوفي ، جالسة بزاويتها اللي تحبّها وتشوف الشمس تدخـل وتنعكس عليها بانتظار نجد اللي طوّلت عليها وبدت تمّل وكثير !

.
عِند نجد ، نزلت وهي تبحث بانظارها عن ابوها ، ثنيان او هجام ! ومافيه اي منهم بالبيت
دخلت المطبخ وهي تسال العاملة عنهم ونطقت العاملة بهدوء : بابا وثنيان فيه يروح بيت بابا عبدالله وهجام ما يجي
لوّت نجد شفايفها بتأفف وهي مخبّرة هتان انها طلعت ! ، بلعت ريقها وهي ماودها ابداً ومن بدايتها لكنها مضطرة .. ترددت تتصل له لكنها تنهدت وهي تخرج الحديقة وترفع جوالها لاذنها ونطقت ببحه اول ما رد : ليث عادي اطلبك شي ؟
عقد الليث حاجبه وهو يعتدل بجلسته ويبتعد عن افراد العصابه : تفضلي ؟
نجد : تقدر توصلني مكان
سحب مفاتيحه وهو يزفر : جايِك

🍒📚 @storykaligi 🍒📚🖋
🍃🍒
🍒🍃🍒
🍃🍒🍃🍒
🍒🍃🍒🍃🍒