شاركيني لو مشينا دروب الهنا واعذريني لو لقيتي بدروبي عنا

البارت الثاني والاربعين

🌷🍃🌷🍃🌷
🍃🌷🍃🌷
🌷🍃🌷
🍃🌷
🌷 42 ..

📚 😍 📃
📖 روايـــــــــــــة ✍🏼
{  شاركيني لو مشينا دروب الهنا وأعذريني لو لقيتي بدروبي عنا  }

📖🖌 @storykaligi 🌷🍃

بلعت هتان ريقـها وهي تعطي ثنيان ظهرها وتستند ع الجدار ببكي : لا يخليـهم مثل ما خلاني ، لا تخليه يهدّهم
فياض زم شفايفه وهو يركّع برجله لها : ماودك تروحين ترتاحين؟ ثنيان ان شاء الله مافيه الا العافية ! ماتدرين من اللي سوا له هالشي ؟
هتان هزت راسها بتعب : لا لقيته كذا
فياض رفع نظـره لـ الدكتور اللي خرج : الحمدلله ما صابه شي مجرد فتح للـعملية وهو بخير الان .. بنتركه بالغرفة
هز فياض راسه وهو يشوف هتان تمسـح دموعها : لا توصلين شي لنجد واضح ان بيكتبون له خروج اليوم
ابتعدت عنه وهي ترجـف وجدِاً وجلست بأقرب كرسي وهي تبكـي بانهيار .. تتذكر قبل الـ ٥ سنين

بعمُر الـ ١٨ ، حبيبها قبل ينعقد قلبه بقلبها بـ عقد زواج عسكِري في القوات البحرّية البحرينية في وقت ما كانت نهاية الاسبوُع فرحّهم انقلبّ حزن يخيّم على هتان وفجعتّها قبل يوصل لانهيار امه وجدتها !
اول ماوصلـهم خبر باستشهاده لما كـان بيمسـك مجموعه رح يهربُون عبر الطريق البحرّي بممنوعات واصطدم مركبـهم بمركَب الهاربين ومات العسكـري حمد .. حبيـب هتان وخطيبِها !!
لجل هالسبب تكره العسكـر والدم والرصاص وكل شي يخـص الموت والاهم من ذلك البـحر ! اللي اخذ حبيبـها
ولمـا جا فيها الزمان بعد الخمـس سنين وخرجـت من المها يرجع ثنيان يذكـرها فيه .. بالعسكر واطلاق الرصاص عليه والدم اللي تركـها تفقد وعيها !
بكـت هتان بقوه وهي تتذكـر انهيارها وماكان سوا ابوها بجنبـها الكل نسـاه الا هي .. ما تتكـرر شخصيته وحنيته وطيبِته ابداً وبأي احد !
من كثـر ما انها سوت لها حياة بالُسعودية نسـت الكل وماودها ترجـع لتعبها .. ومُراجعتها لدكاترة نفسيين لجل تطلع من حالتها ! حتى نجد ماعندها عِلم بأن هتان كانت تحـب وانخطبت لولد خالتها ! وقصـتها بأكملـها
رُغم ان الاثنين ما يخبّون عن بعض شي صار لهم لكن هتان مخبيّه هالشي لجل تتناساه ونجـد نفسها بتنصدم لو عرفت بأن هتان بيـوم حبّت لان هتان من بعد الحادثة وهي تكره الحُب !
ماحسـت بالعجوز اللي جلـست جنبها وهي تمسـح على راسها بحنيـه : وشفيك يا يمّه عسى ماهب شي قوي
لفّت هتان للعجوز وتجمدت ملامحها من شافتها جدة نجد " الجدة فاطمـة " وابتسمت فاطمة لها : انتي خويّة نجد ماهو؟
مسحـت هتان دموعها بعجلة وهي تهز راسها ، فاطمة بحنيـة : يايمه وش فيك
ابتسمت هتـان لها وهي تهز راسها بنفي : مافيني شي يا خالـه ، الله يخليج لا تقولين لنجد انج شايفتني مابيها تخاف
فاطـمة : متاكدة مافيك شي يايمه ؟ وش مجيبّك هنا
هتـان : تعبـت وجيت بس لا تحاتين
مسحت فاطمة دموُع هتان : لا تتركين هالعين تدمّع يا فديتها وفديتك معها
ابتسمت هتان بتعب وهي تحّب كفوفها : تذكريني بـ جدتي
فاطـمة ضحكت : يابختي اجل
هتان ونقِطة ضعفها " كبار السن " ولو تجلـس معهم ساعات مستحيل تمـل ! كانت فاطمة مثل الطبطبة عليها وكانت الدقيقتين كافيـة بتغيير نفسيـة هتان تماماً

.
بـعد مرور ثلّاث ايام ، ببـيت عايلة ثنـيان
بـعد صلاة العصر ، نجد بغرفتها منهـارة لان ساعات وتفصّلها عن عقد قرانـها بالمدعـو عيسى وقبل العشر دقايق داخل هجـام يتطمن على وضعـها !
عـرف ان ثنيـان ما وصلـه الخبر وفرّح لان مو مهم حضُوره ، بقّد حضُور وموافقـة ابوه رغم اصرار امهم على انهم ينتظرون رجوع ثنيـان الغير معلوم لهم لكن اقناع هجام كان سبب في سُكوتهم !
دخـل هجام بعد ما طـرق الباب عليها وهو يشوفها تبكي ونطقت بذهول : تبكين على وش يابـنت لايكون ما تبينه ؟
نجـد : ابي ثنيان هجام مو من حقك ما تعطيه خبر
تأفف هجام وهو يرمي عليها الصندوق : هذا وانا جايبلك فستانك مسوي هديـة بس ما انتي بكفو ، البسـيه يلا حتى لو دقيتي الحين ما يمدي يجي
انهارت نجد وهي تبكـي وكارهه الكل ، وما كلمت امها من بعـد ماعرفت بأنها معهم ! وموافقة بسكوتـها !
سحـبت تلفونها وهي ماعندها غير هالطـريقة رُغم انها عارفة ان هتان مارح تقدر تسوي ولا شي وعارفة بجاحة اخوها وتمردّه وكُرهه لهتان ، لكنها دقـت لعل وعسى يتأخر الموضوع وقفت بخوف تنتظـرها ترد ومباشرة من ردت نطقت ببكاء : هتان بيزوجنـي ! لحقيني ملكـتي اليوم
فزت هتان من مكانها وهي تنطق : شنهو شفيج لحظة صبري من بيتّزوج !!
نجد ببكاء : واقفة على الله ثُم عليك هتان تكفين ساعديني مابـيه !
سحبـت هتان عبايتـها وهي تركـض : يايتـج ، ربع ساعه وانا عندج والله ما تتزوجينه الا على جثتـي وتعلمِيني الموضوع ..

🌷📚 @storykaligi 🌷📚🖋
🍃🌷
🌷🍃🌷
🍃🌷🍃🌷
🌷🍃🌷🍃🌷