شاركيني لو مشينا دروب الهنا واعذريني لو لقيتي بدروبي عنا

البارت الخامس والاربعين

🌷🍃🌷🍃🌷
🍃🌷🍃🌷
🌷🍃🌷
🍃🌷
🌷 45 ..

📚 😍 📃
📖 روايـــــــــــــة ✍🏼
{  شاركيني لو مشينا دروب الهنا وأعذريني لو لقيتي بدروبي عنا  }

📖🖌 @storykaligi 🌷🍃

خرج من مكتبـه متجهّ بغضب ناحية مكتب الرئيس ورمى الاوراق امامه بغضب : ماوصلني الملف الا بعد ماوصلك ! كيف تسمـح بالسكوت عن هالشي
نطق الرئيس بغضب : لان عيسى ما جا من جهة العصابة ! جا من جهة اخوها
الليث بهدوء ارتخى : من ثنيان؟
هز الرئيس راسه : الثاني ، يكون صديق له ومالك الاحقية تتدخـل
الليث بغضب ضرب ع مكتب الرئيس : ناوي تجنني انت ! اقولك معانا بالعصابة تقول لي مالي الاحقية اتدخّل ! تبيني اشوف الغلط و اسكت ؟
الرئيس بغضب وقف : كفاية استهتار ليث ! ، كفاية لا اسمّع انك مسوّي شي مجنون ! لا تحدّني اسحب رُتبتك ليث ، زودّتها بأفعالك
الليث بغضب مسك رتبته وهو يفصخها ويرميها بوجهه الرئيس : خذّها ، بس ما توقفني ع اللي بسويه
خرج وهو يصّفق الباب خلفه وسط قهر الرئيس اللي بيشيب من تصرفات الليث الطائشة ! رُغم ان شرطي فوق الممتاز وشغلّه عشقه الاول وماترقى الا من كثر ما يشوفون صرامته بعملّه ! والمعلومات اللي يقدر يجيبها بدون ما يترك خلفه دليل ، خسارة لهم ماهي له لو تركوه وجردّوه من شغله !

.
ثنيـان دخل بهدوء وهو ينطـق : السلام عليـكم
ابتسم من شاف برود ملامح ابوه وانسحاب لون هجام وهو يناظره بتوتر وسط انظار عيسـى المشتته خوفاً من ثنيان .. نطق ثنيان وعينه بعين المملك بجمود : ماعندنا زواج ، توكلوا
هجام بصرامة : وانت مين؟
ثنيان اقترب من هجام وهو ينطق بنبرة مخيفة : اخوها يا هجام .. اتركهم يمشون قبل امشيِهم بطريقتي
عيسى بلع ريقه وهو ينطق بهدوء : مالك الحق بموافقتها والعدم بتكون حرّمي
ثنـيان اعتدل بوقفته وهو ينطق بغضب وانظاره مُصوبة على عيسى : حرمّت عليك عيشتك يا خسيس شيِل المبتقي من رجولتك واخرج من هنا قبل لا اتوطّاك
ابو ثنيـان بهدوء : استهدي بالله يا ثنيان نجد موافقة
ثنيان بهدوء : يبّه اطلع منها ماودي ازعلّك
ثنيـان لف لعيسى ونطق : بتطلع ولا شلون؟
.

بغرُفة ام ثنيان .. تبكي بنحيب على مُستقبل بنتها وتدعّي ربها وهي تصلّي .. وقفت هتان من خطواتها السريعه وعينها تبحث عن غرفة نجد ولفت لام ثنيان اللي تبكي وبلعـت ريقها بغضب منها وهي تصد
زادّت نبره بكاء ام ثنيان وذّب الرعب في قلب هتـان
وهي تبلع ريقها بشوق لأمها .. مشت خطوتين ورجعت الف خطوه تجاه غرفة ام ثنيان من سمعت شهقاتها تزيد
وانخطف لون هتان من شافت انقلّاب لون ام ثنيـان
وهي تحاول تاخذ نفـس لدرجة انشحاب لونها وتحولّ شفايفها للبنفسجي .. جمدت ملامح هتان وهي تصرّخ بخوف وتنادّي بـ نجد و ثـنيان !
جلست على ركبّها وماودها تشهد احتضار شخص اخر ، وماودها يعيشون اللي عاشتّه بدون شي يضوّي حياتهم " أمهم " مسكت راسها وهي تترك راسها بحضنّها وتنطق برجفة : يمه تسمعيني ؟ خذي نفس يمّه !
انهـارت هتان وهي ترجف وماعندها اي خبّر باللي تمّر فيه ام ثنيان

#يـــــتـــــــبــــــــــع...

🚫  يسعدنا مشاركة الرواية ولكن لا نبيح ولانحلل حذف توقيع القناة 🚫

https://t.me/joinchat/AAAAAD1p6TqBBTyITQumpA

🌷📚 @storykaligi 🌷📚🖋
🍃🌷
🌷🍃🌷
🍃🌷🍃🌷
🌷🍃🌷🍃🌷