شاركيني لو مشينا دروب الهنا واعذريني لو لقيتي بدروبي عنا

البارت الثلاثين

🌻🍃🌻🍃🌻
🍃🌻🍃🌻
🌻🍃🌻
🍃🌻
🌻 30 ..

📚 😍 📃
📖 روايـــــــــــــة ✍🏼
{  شاركيني لو مشينا دروب الهنا وأعذريني لو لقيتي بدروبي عنا  }

📖🖌 @storykaligi 🌻🍃

وقفت نجد امام فياض غير مُبالية لكمية العسكر المُحيط بالمحل : ثنيان وينه عمي هو بخير؟
فياض عقد حاجبه بغضب : نجد؟ قلت لك تعالي انا؟ مو قلت لك بعطيك خبر؟ من جابك وكيف جيتي
اشرت نجد على هتان : جيت مع صديقتي واتركني من ذا كله ثنيان شفيه ؟
فياض زفر وهو يشتت انظاره عن هتان من عرفها : ادعيله ، قال الدكتور وقف النزيف بس بيظل تحت المراقبة
اشر فياض للعسكر اللي منزلين راسهم من شافو شكل هتان وبكاء نجد .. بلعت ريقها بشكل متتالي وهي منزلة راسها لجل ما تلمحهم .. تلمح ثيابهم ووقفتهم
فياض بهمس جامد لنجد بعد ما شاف ملامح هتان : شوفي صاحبتك وانتبهي لها الظاهر ما تتحمل
التفت نجد لشكل هتان اللي يبين عليها الاختناق من وجهها اللي قلب لونه للبنفسجي
ابتعد فياض عنها وهو يمرر انظاره بجمود على الغرفة اللي تحتضن ثنيان
وتقدمت نجد وهي تمسك ذراع هتان وتجلّسها من حستها جسد بلا روح : هتان ياويل حالي فيك شي ؟
اخذت هتان نفس بصعوبة وهي تزفره بعُمق واستوعبت سرحانها ومسحت على وجهها بتعَب ؛ لا لا
نجد : مستحيل اقول هالحال بسبب ثنيان وانا اللي عارفة محارشتك له وهو بالمثل ؟
هتان وقفت بجمود وتغير للموضوع : شدخل ثنيان بالموضوع ، آخر همي بروح اخذ نفس
رفعت نجد حاجبها بذهول ونطقت بهدوء يمتزج بزعل قبل تمشي هتان : آخر همك بس اول همّي هتان
لفت هتان لها وهي تزفر وتحس الدموع تتجمع بعينها ورجعت تجلس جنبها وهي تحتضنها وتبكي : مب قصدي نجد والله لا تضغطين علي
ربتت نجد على كتفها وهي تبعدها وتبتسم : روحي خذي نفس يابنت لا تنكتمين
ابتعدت هتان عنهم وهي تخرج خارج المستشفى وتاخذ نفس وتزفره وكررّتها لاكثر من مرة لجل تستعيد انفاسها
وتنشف دموعها اللي ماودها تلّمحها نجد رُغم انها لمحتها وخلصّت ..
.

" أمريكا "
استغربت من الوقت اللي مر ومارجعت فيه هتِاف
وكانت بحيرة انها تدّق وتسأل عنها لكنها تراجعت من تذكرت نفسيِتها .. ارسلت لثنيان بإهتمام وشوق بسبب عدم ردوده في الفترة الاخيرة واللي بدت توترّها بشكل مو معقول رُغم انها على علم بشغله العسكري بعد ما اتفق معها عن مهمته الاولى واللي وضح لاهله ان مسافِر لها

.
شدّت على الروب وهي تحرر شعرها لانها جالسة لحالها بالشِقة .. دخلت غرفتها بعد ما سحبت كِتاب من كُتب نادر واللي قررت انها تكسر حاجز الخوف والتردد له
واهم ماعليها الان " التثقيف " لانها جاهلة المكان اللي هي فيه وجاهلة لُغته تقريباً .. سحِبت الولاعه وهي تشوف شمس هاليوم باردة ورُغم برودتها الا انها ظاهرة
اشعلت احدى الشموع المعُطرة الموجودة بالغرفة وهي تعدل النبتّه اللي رشتها بقطرات الماء خلفها وتعدل جلستها اللي كانت بالارض وعِبارة عن وسائد حولها
وتحتضنها بقرب من مكتبِتها الصغيرة ~
شدت على نفسها وهي تفتح الكتاب وتسبّح بعوالمه وقراءته الا من دق الباب القوي اللي ازعجها وخوفها بذات اللحظة كونها لحالها بالشقة ، ومستحيل نادر او هتاف لان معهم مفتاح !!
.