🔮🍃🔮🍃🔮
🍃🔮🍃🔮
🔮🍃🔮
🍃🔮
🔮 159 ..
📚 😍 📃
📖 روايـــــــــــــة ✍🏼
{ شاركيني لو مشينا دروب الهنا وأعذريني لو لقيتي بدروبي عنا }
📖🖌 @storykaligi 🔮🍃
ناظرها باعجاب وهو يلف لهتاف اللي احترقت مكانها وصارت ترسل نظرات للموظفة : شوفيها حلوة صح ؟
هتاف رصت على اسنانها ونطقت بهمس : ليه ما تسألها هي وتاخذ برأيها دامها مدت يد العون ؟
سحبت شنطتها وهي تخرج من المكان وناظر هجام مكانها باستغراب وابتسم من حس بغيرتـها .. فصخ الساعه ومدها للموظفة : اغلفها ؟
هز راسه بنفي : شكراً مابيها
سحب اغراضه وهو يخرج خلفها ويلحق بخطواتها : اسميـها غيرة ؟
ناظرته بحدة : طبعاً لا ! وبعدين ليه ما اخذتها ؟
هجام بهدوء : لان ماودي كل ماتشوفينها علي تذكرين الموقف ، ودي بساعة ثانية لها ذكريات حلوة
خفّت نظراتها له وشتتهم من فهمت قصده ، تنهدت بخفة لدقايق وهي تحس بالذنب .. تغير وكثير ويحاول يثبت بالافعال ماهو كلام ! الا ان ما يلاقي الا الصد والكسر من طرفها !
-
بيوم آخر وبعد مرُور ٢٤ ساعة بالضبط ..
وببيت فاطمة وعبدالله | مجتمع الكل لكن هالمرة ماهو لجل جمعة عائلية وبس
هالمرة فيها أخبار كثيرة .. فيها رجعة غريب وفيها فرحة طفل وفيها حُب جديد وعرس وفرحة جديدة !
الكل مجتمع ينتظر دخول اكثر اثنين تعبوا بالحياة .. وتعبوا بزواجهم بسبب كبرياء الاثنين .. وثالثهم طفل !
طفّل من انولد ما شافه عمه , ولا جده ولا شخص غير خلف الشاشة ، من خلال صور لا غيـر !
ورد وصديقها الجديد آدم اللي تعود عليها وصار يلعب معاها كونهم عمر واحد .. فاطمة وام ثنيان وبقية البنات بالطرف الثاني من الحديقة والطرف المحايد لهم الرجال !
جمعة عائلية بحت منفصلة لكنها تجمعهم ليسمعون اصوات بعضهم ..
التفت انظار الكل للبوابة الكبيرة اللي انفتحت لتدخل سيارة ثنيـان وبقربه هتان اللي بحضنها ولدهم والابتسامة شقت وجوه الكل بلا استثناء !
لطيف اللي تناظر نادر بانتصار بانها ربحت وانتظارهم لعرسهم اللي جهز وباقي موعده اللي يتحدد بفرحة ثنيان ورجوعه مع عايلته .. ولنجد اللي متحمسة لجبر وخاصة بأنها بتصير ام معها ولا زالت ما شاركت الخبر لهم ولابو وام ثنيان اللي يناظرون وعيونهم سبقتهم بالدموع الفرحانة لرؤية حفيدهم !
.
وقـف عبدالله بعكازه ولفاطمة اللي لفت نفسها وتقدمت بتسارع وحُب كبير وشغف لرؤية جبر ..
فاطمة فتحت يدينها وخمّت هتان وجبر بوقت واحد : يا مرحبا يا بعد قلبي .. الله يسعدك سعادة يابنتي على هالجبر اللي جبرتيه بقلوبنا
ابتسمت بهدوء وخجل منهم كلهم واكثرهم ثنيان اللي ساكت ويوزع ابتسامات ويسلم على الجميع |
-
فرحة لأول حفيد ببيت يوسف كانت كافية بأنهم يحسونها كلهم .. وما حسسوها بتاتاً باللي صار وبالعكس رحبوا فيهم وكثير وبولدها
بلعت ريقها نجد وهي تشتت انظارها على الليث اللي اختفى فجاة من بينهم ، وثنيان بعد
اخذت نفس وهي تشوف امها فرحانة بجبر واقتربت منها تتأمله وتلاعبه معاها ..
التفت ام ثنيـان لها وهي تشوف نظراتها الخجلانة : عسى اللي ببالي صحيح يا يمه ؟
نجد بلعت ريقها : وش ؟
ام ثنيان بابتسامة وسيعه همست : حامل ؟
جمدت ملامحها وهي تحس بحرارة وجهها : كيف دريتي ؟
ام ثنيان : ما يخفى علي شي ! شفتك واحنا نسولف فجاة تسهيِن ويدك على بطنك ! الله يتمم لك على خير يايمه
التفت ام ثنيان لفاطمة وهي تضحك وابتسمت فاطمة من فهمت وهي ترفع صوتها : الظاهر ان بيتنا يستقبل حفيد جديد ولا وش قولك يا عبدالله ؟
فز عبدالله : من مِنو !
فاطمة اشرت على نجد واختفت نجد بمحلها من خجلها من سمعت ضحكات الكل وتبريكاتهم لها !
احتضنت هتان نجد من الطرف : اذا بنت لا اوصيج تسمينها هتان
نجد ضحكت وهي تخبي نفسها بحضن هتان : خبيني الحين وبعدين نتناقش
طيف ضحكت وهي تناظر نجد بذهول : سجل ياتاريخ نجدوه تستحي !
بشرى ضحكت بخفة : شدعوة عاد .. نجد من يومها خجولة
طيف : صدقيني قدامك ، من وراك شرشبيل تراها
ابتسمت هتاف على كلامهم وهي تناظر هجام وانفجعت من شافته يطالعها .. خاصة بانها سمعت اطراف الحكي من عبدالله له وهو يقوله " عقبالكم انت وزوجتك تجيبون اخت لورد "
,
اليُـوم المنتظر .. عرس نادر وطيف |
بشرى تلبس الكعب وجهزت وتنتظر فياض يجي مع آدم اللي طلعوا للمغسلة يغسلون ثوب آدم ..
سحبت عبايتها لتخرج من الغرفة بدخول آدم وخلفه فياض وابتسمت بتوسع من منظرهم .. نزلت لتحضن آدم بقوة : وه فديت الكشخـة انا .. من وين اخذتو الشماغ ؟
آدم : بابا مر على محل واشترينا ولبسني ، صرت زيّه
فياض ابتسم وهو يربت على راسه : واحلى مني بعد .. الحين اعطرك بعطرّي بعد وخلاص تصير فياض الصغير رسمياً
🔮📚 @storykaligi 🔮📚🖋
🍃🔮
🔮🍃🔮
🍃🔮🍃🔮
🔮🍃🔮🍃🔮
أنت تقرأ
شاركيني لو مشينا دروب الهنا واعذريني لو لقيتي بدروبي عنا
Chick-Litرواية سعوديه منقولة ( فقدان ، قتل ، ظلم ، محاولة زواج اجباري ، غرور وتكبر ، شجاعة ، مشاعر ، صداقة ، وفاء ، حب ، زواج ، وفاء ، بحث ، تحدي ، نهاية سعيدة ) تابعونا ... @storykaligi 📖
