شاركيني لو مشينا دروب الهنا واعذريني لو لقيتي بدروبي عنا

البارت 104

🌹🍃🌹🍃🌹
🍃🌹🍃🌹
🌹🍃🌹
🍃🌹
🌹 104 ..

📚 😍 📃
📖 روايـــــــــــــة ✍🏼
{ شاركيني لو مشينا دروب الهنا وأعذريني لو لقيتي بدروبي عنا }

📖🖌 @storykaligi 🌹🍃

هتان تنهـدت : ماعرفك وايد صح , بس ثنيان اللي اعرفه قبل يهَد تعب الشغل عند باب بيته ويدخل ماقول كلامي عشان شي بس
سكتت والتفت لها ثنيان باستغراب سكوتها : ليه سكتي ؟
هزت راسها بنفي : خلاص مابي اخّرب طلعتنا بسوالف جي
لفت بحماس جديد وضحك عليها ثنيان : شرايك نروح سينما
ثنيان هز راسه بنفي مباشر : مستحيل
هتـان كشرت بحزن : ليش ! والله فيه فلم نازل يجنن
ثنيان : مب جوي الافلام
هتان فتحت جوالها تدور حجز : يصير جوَك , يلا عاد لا تخرّب طلعتنا
ثنيـان : نروح بحر
هتان برفض مباشر : لا , ماروح ولا ابي واذا بتسويلي هالحركات ردَني البيت اقول
رفع حاجبه بذهول : لا ينط لك عرق بس , خلاص طيب
ابتسمت بانتصار وهي تشتت انظارها على الشارع
-

بـ بيت نادر , جالس نادر وانظاره على هجام اللي ساكت بجمُود
كسر صمتِهم ورد اللي سحبت يد امها لجل تنزل وتسمعها , وبالفعِل دنـت هتاف لورد وهي تسمـعها تنطق : ماما هذا يجينا كثير , مين هو ؟
رفعت هتاف انظارها لهجام وهي تتنهـد وابتسمت بخفوت لورد : تحبينه ؟
ورد ما اصدرت حركة بوجهها وثواني وهزت راسها بنفي
كوّر هجام يده وهو يوقف ويخرّج , عضت هتاف شفايفها وهي تشوف نادر يوقف ويخرج وراه وسحبت ورد وهي تحطها بحضنها : مو دايم تساليني عن بابا ؟
هزت ورد راسها واكملت هتاف بهدوء : ليه ما تحبينه اجل ؟
ورد بعدم فهم بررت : خوفني مرة لما صرخ على عمة طيف بالمطعم
هتاف رجعت خصلات ورد للخلف : ماما ياقلبي هو نفسه اللي طلعّك من الشقة يوم تختنقي
ورد : يعني طيب ؟
هتاف ابتسمت بهدوء : ايوه ويحبّك مرة , ما تشوفينه جاب لك هدية ؟
ورد التفت للهدية البعيدة : كنت خايفة اشوفها
هتاف ضحكت : ليه ؟
ورد نزلت وهي تركض للهدية اللي على الطاولة : خالو نادر ما وافق يقول بعدين تشوفينها مع ماما , ماما عادي اشوفها الحين
هتاف وقفت وهي تمد يدها : اول شي نروح نعتذر من بابا
ورد بخوف : بابا ؟
هتاف نزلت مستواها وقبلّت خدها : ايوه بابا رجع
بلعت ورد ريقها وهي تحس بالدموع بعينها تتجمع
-

عنِد نادر وهجام , سحب هجام من بكت الزقاير وهو يولّع له .. سحـب نادر وحده من مدّ له هجام وولعها له
وقفوا بجنب بعض بصمت ونطق نادر بعد ما زفر : لا تخاف ترا هتاف ماقد جابت طاريِك قدام ورد بسوء .. الموضوع مسألة وقت
هجام ابتسم بسخرية من نفسه : ماني معصب على ردها .. انا معصب على اللي كنت اسويه
نادر التف له ونطق هجام وانظاره للامام بجمود : سنواتِي اللي ضاعت بغباء وطيش وتفكير متحجر , خواتِي واهلي اللي يخافون مني وما يتكلمون معي .. واختك لين وصل الموضوع لبنتي انا اللي ضيعت نفسي بنفسي
نادر ابتسم بهدوء : تحبـها ؟
التفت هجام له لثواني ورجع انظاره للامام من جديد : لو ترجع خمس سنيني برجع احبـها وبرجع الاقيها بمحل الورد .. برجع اناقشها عن اسم بنتنا وبرجع احميـها وبرجع اوقفها بجنبي قدام اهلي بدون خوف وطيش وهروب
نادر : ندمان ؟
هجام زفر بعمق : كثر حبات الرمِل , وعلى كبر السماء وحجمها انا لو اكون بنفس شخصيتي الان قبل خمس سنين ندمان
نادر : تدري انك تقدر ترجَع كل شي , اهلك وخواتك واختي وبنتك
هجام ابتسم بهدوء : ضاع الوقت يا نادر , والوقت ما يبرى الجروح
نادر بصِدق : صح انك كنت بتزوج طيف لكنها ما تزوجت ! , صح انك تهاوش ثنيان وما تحبه لكنه يحبك وصح اختك نجد كانت بتتزوج من راعي سوابق يا هجام لكن ماتزوجت وصحيح امك وابوك يفرقون بينك وبين ثنيان لكنك ولدهم !
هجام : ثنيان اخوي , وهو اللي كان ينقذ الكل من يدّي ! , هو اللي انقذ طيف وهربّها وهو اللي انقذ نجد من زواجها هو اللي يهتم بامي وابوي ! انا مجرد زيادة عدد
نادر اخذ نفس وهو يزفره وربت على كتفه : ماتغير شي وما ضاع شي , عدّل من نفسك بتصرفاتك
هجام بهدوء : خايف على هتاف وبنتي من جُمودهم
نادر ضحك : تصدق اني اكرهك ؟ لكني واثق فيك تخيل
هجام التفت له باستغراب واكمل نادر : واثق ان اختي وبنتها بتكون بأمان ومستحيل تسمح لهم يقولون كلمه لهم , بعدين اهلك يحبونك ليه تفكر بسوء هالكثر تجاهم !
هجام رمى زقارته وداسها : منت خايف من لسان ثنيان وهو يشوف لعبة الزواج من اخت صديقه المقرب على اخوه من خمس سنين وبدون معرفته ؟
نادر ابتسم بألم : شئت او ابيت هاليوم بيجي ماقدر اهرب منه , واذا لي معزة في قلبه بيفهمني لا تشيل همي
التفوا لخروج ورد الراكِض وخلفها هتاف اللي تبتسم , فتح هجام ذراعيِه من شاف ورد تفتح يدينها وتنطق بـ " بابا " , نزل لها وهو يسحبها لحضنه وشدّها لحضنه بقوه وهو يستنشق ريحتها , دمّع من قبح الشعور وانصبغ وجهه بالاحمر ..

🌹📚 @storykaligi 🌹📚🖋
🍃🌹
🌹🍃🌹
🍃🌹🍃🌹
🌹🍃🌹🍃🌹