شاركيني لو مشينا دروب الهنا واعذريني لو لقيتي بدروبي عنا

البارت الثاني

🌹🍃🌹🍃🌹
🍃🌹🍃🌹
🌹🍃🌹
🍃🌹
🌹 2 ..

📚 😍 📃
📖 روايـــــــــــــة ✍🏼
{  شاركيني لو مشينا دروب الهنا وأعذريني لو لقيتي بدروبي عنا  }

📖🖌 @storykaligi 🌹🍃

زفرّ بعُمق بعد ما تأكد من طيّران طائرتها وتوجه للسياره
استند على الكرسي وهو يفكر ونطق بتنهيدة صادرة من اعماق قلبه : حسبي الله ونعم الوكيل
حرّك من السياره متوجه لبيتهم بعد ما تلبّس قناع البرود من جديد دخل بعد وقت لبيته وهو يشوف الهدوء ضحك بسخرية وهو عارف ان هالهدوء بتتليّه مصايب كثيره .. دخل غرفته وهو يشوف نجد تعض اصابعها بتوتر وفزت من دخوله ، مرر نظره سريعه على الممر وهو يسكر الباب ويشوفها تتقدم له : ها بشر شصار !
ثنيان زفر براحة : توصُل بالسلامة
زفرت نجد بعمق وهي تحاول تكبح دموعها هزت راسها وهي تبتعد : الحمدلله .. تراك تعبان ريّح طيف بتكون بخير وبحفظ الرحمن
ثنيان كان بيتكلم لكن تركته وهي تسكر الباب خلفها
زفر وهو يرمي اغراضه على طرف السرير وبعدها جسمه بارهاق وما حس على نفسه الا ودخل بسابِع نومة .
.
فزّت من نومها برعُب من الكابوس الدايم وهي تسمّي باسم الله لاكثر من مرة ، التفتت لنصف فراشها الاخر تبحث عن مُلاذها اعتدلت بجلستها وهي ترفع شعرّها من على وجهها وتطلق تنهيدة من اعماق قلبها : لا إله الا الله
نزلت بعد فترة وبيدّها روبها وكانت بتنادّي جولي " العاملة " وبترت ندائها من شافت فياض يدندن وهو يرتب السُفرة ابتسمت وهي تترك روبها واغراضها عند مدخل المطبخ وضحكت من صفّر بذهول لما شافها : يا صبّاح الخير فِعلاً
بشرى ابتسمت وهي تقترب منه وتوسعت ابتسامتها من قبلّها بجبينها : انت الخير نفسه لو ما دريت
فياض ابتسم وهو يمسك الكرسي ويبعده لها : تفضلّي
ابتسمت وهي تجلس وسالته من شافته جلس امامها : غريبة مروّق واليوم؟ لحظة لا يكون اليوم جُمعة وانا مادري
رفعت جوالها تشوف اليوم واستغربت اكثر من لمحت يوم الاربعاء : ياربي فياض بنص الاسبوع مروق ؟
ضحك فياض بذهول ؛ افا ، طايح من عينك؟
بشرى : والله لو ما اعرف كان قلت انك مروق دايم مو كانك امس اكثر شخص على وجهه الكرة الارضية نفسيه ، لو يطلع نار من الانسان كان حرقتنا من كبر التنفيسة
اعتدل فياض بملامحه : هو انتي تحارشيني وودك انفّس والا كيف ؟
ضحكت بشرى وهي تهز راسها وترتشف من الشاي : لا والله مو قصدي ، دوم يارب والله يعطيك العافية دوم بشغلك
فياض ابتسم بهدوء : اجمعيّن يارب
وقفت لما شافت الاتصال : تاخرت انا ، شكراً يا عيوني على الفطور .. اشوفك ع العشاء ؟
هز فياض راسه : شغلي يبدأ بعد العصر
بشرى لوت شفتها وهي تهز راسها : طيب اشوفك لين وقت الشوف ، مع السلامة
فياض : بحفظ الرحمن
.
وعى بفزع من سمع دقات الباب القوية ، ومن شدة قوتها حس ان بينكسر ما استوعب حتى الساعه ، هل هو فجر والا مغرب وتقدم وهو يفتح الباب بشبه نرفزه
وخصلات شعره نازله على عينه : خيرر!
لجم كلمته من شاف امامه ابوه : مصيبة حلّت ع روسنا وانت خبر خير !!
ثنيان عدل شعره وهو ينطق بتعب : شفيه يا يبه ، نهاية العالم ؟ تعبان ومصدّع حتى بنومي حاسديني
ابو ثنيان بغضب : اعتدل لا بارك الله فيك ولا في اخوك ، صحصح وانزل نشوف حل لمصيبتنا كفاية اخوك مقوّم الدنيا علينا
ثنيان بعقدة حاجب : عسى ماشر !!
ابو ثنيان ابتعد عنه بغضب وهو ينزل ، استغرب الغضب ودخل غرفته متوجه للحمام " وانتم بكرامة " .
.
عدّل تشيرته وهو يخرج من الغرفة وينزل بهدوء وبرود اعتادوه عليه ووقف بلا شعور وقفة عسكري وهو يزم يدينه خلف ظهره ، و تارك مسافة بين رجلينه
ناعس العينين خلقة وعاقد الحاجبين فِطرة : عسى ماشر ، قامت القيامة ؟
هجام بغضب : ليتها تقوم ، وليت تعصف باختك اللي ما تستحي على وجهها يومها سودّت وجوهنا وتشيلّها من على وجهه الارض
ثنيان صحصح واستوعب الان ووقف بجمود : اي اخت؟
هجام بسخرية غاضبة وهو يشوف نجد الخايفة بحضن امها المنهارة : والله مدري يمكن اختنا السابعه !! مجنون انت؟ من بالله غير السلقة طيفوه؟
ثنيان بغضب : انتقّي الفاظك ! شمسوية طيف ؟
ابو ثنيان بغضب : ما صحينا الا مافيه قطعة قماش حتى بغرفتها !! ندق عليها مقفُل !! الله يسود وجهها يومها بتسود وجهي قدام الرياجيل
ثنيان ببرود استند : هربت؟
ضحك بسخرية وهو يحد نظراته تجاه هجام : وش متوقعين منها ؟ ترضى بالستيني اللي اخترتوه!!
هجام : ستيني وتتزوج ويستر عليها ، ولا تعنّس عندنا قليلة الاصل !!
ثنيان بغضب صرخ : هجامممم ، اعيد لك كلمتي انتقّي الفاظك والا ما بيحصل طيب
هجام بغضب وهو ياشر على ذراعه : اقص يدي من هنا لو ما لك يد بموضوعها !! دايم مسوي نفسك الـ فري واللي مب هامك لا سمعة عايلة ولا كلام قبيلتك وشفيه الستيني رجال مصلّي ومسمي ! بِيصونها و بيحفظ شرفها

🌹📚 @storykaligi 🌹📚🖋
🍃🌹
🌹🍃🌹
🍃🌹🍃🌹
🌹🍃🌹🍃🌹