شاركيني لو مشينا دروب الهنا واعذريني لو لقيتي بدروبي عنا

البارت سادس عشر

🌻🍃🌻🍃🌻
🍃🌻🍃🌻
🌻🍃🌻
🍃🌻
🌻 16 ..

📚 😍 📃
📖 روايـــــــــــــة ✍🏼
{  شاركيني لو مشينا دروب الهنا وأعذريني لو لقيتي بدروبي عنا  }

📖🖌 @storykaligi 🌻🍃

دخل نادِر شقته وضحك من شاف ورد تركض له وحملها مباشره وهو يقبّل خدها : اهلاً بحبيبة خالّها
ورد حاوطت رقبته وهي تحط راسها على كتفه وانتبه نادِر لهتاف وطيف اللي جالسين يرتبون السفرة
ونطق بهدوء : السلام عليكم
ردو السلام وطيف كعادتّها المخجلة ، نطقت هتاف بابتسامه : ماما ورد اتركي خالو يروح يغسل ويبدلّ وتعالي ساعديني انتي
ابتسم نادر بهدوء لورد اللي نزلت بعد ما همست باذنه وضحك وهو يهز راسه بإيجابية وتوجه نادر لغرفته
رمى جاكيته الرسمي وهو ينتبه لكُتب جهزها لطيف بعد موقفهم السابِق رغم ان كان يتخبّط بالاسبوعين اللي مروا
وما كان يشوفهم بالاجمع كثير الا ان جمّع نفسه ورجع لهم
.

هتان ، جالسة بالسكن والملل محتويها رُغم انها جلست اكثر من اللي كانت مخططه له بالجلوس بالبحرين مع اهلها ، الا ان خلصت الايام بشكل سريع جداً من رجوعها البارِح لحد هاللحظة ما قالت لنجد
وانصدمت انها ما سألتها لكن بطبيعة هتان ونرجسيتها تركتها تتراجع عن السؤال وتكتفي بانها تعطي لنفسها كلمة " ممكن مشغولة " داهّمها اتصال منها وفزت وهي ترد بشوق : تبن عليج وعلي يا نجد
نجد بهدوء : ليه بعد ؟
هتان عدلت شعرها وهي تناظر نفسها بالمراية : خلاص ولا شي ، شفيج ؟
نجد : ترجعين السعودية ولا تقولين لي !
هتان وهي ترمش بسرعه بغرور : احم لا يكون اشتقتي يا حبيبي ؟ شلون عرفتي اني وصلت ياليّنية ؟
نجد ضربت جبهتها بقلة حيلة : والله انك غبية ، داقّة عليك برقمك السعودي ! قافطتك بس قلت يمكن تعبانه
هتان جلست بملل وهي تتنهد : اقول نجّودي ، عاد خل نتمشى بموت من الملل
نجد وهي تشوف الساعه : بشمس الخُبر ؟ ودك يصيبنا ضربة شمس بهالحر ؟
هتّان انسدحت بتعب وهي تتنهد : انزين الليل؟
نجد زمت شفايفها : اسفة يا حبيبي عنِدي عزيمة بعايلتنا ماقدر اتركّهم
بلعت هتان ريقها بحسن ونطقت قبل تحس عليها نجد : اوكي ، بكلمج بعدين
ما سمعت رد نجد وقفلت وهي تحس بالدموع تتجمع بعينها
نُقطة ضعفها العائلة ، رغم ان كان قرارها بأنها تسافر وما تدرس بالبحرين رغم توفر التخصص فيه ، وماهي ندمانه ابداً خاصة على معرفتها بـ نجد الا انّها تشتاق لاهلها اكثر ، وتِحسد القليل من الكثير نجد بأنها بقرب عايلتها تنهدت وهي تقوم وتمسح دموعها بعنف : صايرة دليعة يا هتان
.

نزلِت نجد وكل تفكيرها يدور حول هتان وتغيّر نبرتها عارفة ان ما تميل الا لنجد وما تفضفض الا لنجد رغم ان عندهم صديقات مشتركات الا انها معاهم غير ومع نجد غير تماماً ! جلست جنب امها وهي تشتت التفكير وودها تقول لامّها عن هتان ولكنها عارفة رفضّها من بعد اخر موضوع حصل ببيت الجد ، وبكلِمة ثنيان امامهم واللي ماحسب حسابها ونزل ماي وجوههم حسب قولها !
نجد فركت يدينها ببعض وهي تنطق بهدوء : اقول يمه
التفت ام ثنيان لها وهي تعقد حاجبها : شفيك ؟ صاير شي اخوك فيه شي ؟
نجد هزت راسها بنفي : وصل قبل ساعه وما لقى احد وراح ياوم ، يمه هتّان وصلت امس و
قاطعتها ام ثنيان بهدوء : وش قلنا يا نجد عن الموضوع ؟
نجد برجاء : يمه لو جينا بالحق بنشوف انه معاها ! عمة حِصة دايم تتكلم بالشينة عليها واعتقد ان جا من يردعها !
ام ثنيان : بوجهنا يا نجد افهمي ! ما راح يترك حصة تسكت ابد ! غير كلمة اخوك اللي متأكدة ان حصة ما بتمررها مرور الكرام حتى لو مر ع الموضوع دهر
نجد : طيب يمه مانيب رايحة عزيمة اليوم لان ماني مجبورة انافق
ام ثنيان : نجد وش هالحكي ! الحريم كلهم هناك !
نجد : يمه من يومهم يقطون نغزات علينا ! وابوي ساكت لهم وانا والله اني تعبت
ام ثنيان ابتعدت عنها بعد ما نطقت بحدة : نجد الموضوع منتهي لا تجلسين تدخلين المواضيع في بعضها !
عضت نجد شفايفها وهي تلحقها : طيب تكفين بقول لهتّان تجي
ام ثنيان التفت لها : بتجنيني انتي ؟ العزيمة لاهل ابوك لا جات وش نقولهم؟
نجد : صديقتي يمه صديقتي ماهي زوجة ولدك بالسر لجل تخافين
ام ثنيان : انتهى الموضوع يا نجد ولعد تفتحينه حتى البنت بتستحي من كثر ما نرززها معانا وهي ما تقرب لنا بشي
ضربت نجد برجلها الارض وهي تتأفف وتصعد غرفتها

.
توجهت له بعد ما ناداها لما شاف انشغال هتاف بالقهوة و ورد بالرسم وهو يمد لها اربع كُتب : خذيِهم
طيف هزت راسها بنفي وهي تبتعد : شكراً لكرمك ماودي
نادر بهدوء اكبر : يا اخت ثنيان امسكي قِلنا !
التفت لـ مناداته الغريبة وهي تبلّع ريقها : بس فِعلاً ماودي

🌻📚 @storykaligi 🌻📚🖋
🍃🌻
🌻🍃🌻
🍃🌻🍃🌻
🌻🍃🌻🍃🌻