شاركيني لو مشينا دروب الهنا واعذريني لو لقيتي بدروبي عنا

البارت الواحد والثلاثين

🌷🍃🌷🍃🌷
🍃🌷🍃🌷
🌷🍃🌷
🍃🌷
🌷 31 ..

📚 😍 📃
📖 روايـــــــــــــة ✍🏼
{  شاركيني لو مشينا دروب الهنا وأعذريني لو لقيتي بدروبي عنا  }

📖🖌 @storykaligi 🌷🍃

دخلّت المستشفى وهي تشتت انظارها على الممرات وبين المرضى .. وقفّت امام العناية المُركزة وانتبه لها سُعود وهو يتنحنح لـ فياض اللي التفت ورفع حاجبه بذهول من وجودها .. تقدم بشبه غضب وهو ينطق : خير!
هتان وهي تبتسم ببرود : ماعتقد اني جيت وسألتك صح؟
فياض وهو بديشبك كفوفه خلف ظهره وهو يضغط عليهم لان بأقصى مراحل الغضب وماوده يطلع غضبه عليها : لو ما انقلعتي من وجهي الان ! بعتقلك
هتان جلست ع الكراسي وهي ترفع نظرها : مارح تقدر لا تحاول .. ثانياً ماعتقد المستشفى بإسمك صح؟
مسك فياض ذراعها وهو ينفضّها وتقدم عزام من حس
بغضب فياض الخاطئ : يافريق صل ع النبي !
دفّها بخفيف وهو يأشر عليها ويصرخ : انقلعي من وجهي وللا بتندمين
هتان بغضب اكبر : لو صار المستشفى مستشفى ابوك اطردني
جلست ع الكرسي وهي تكبح دمعتها : وان فيك خير بعدّني
فياض : ماعندك كرامة انتي ؟ بعدين وش اللي بينك وبين ثنيان ؟ مُثيرة للشفقة على فكرة
رفعت هتان انظارها بكسرة له وهي تتنفس من حكيّه اللي بدون سبب يجرحها .. سحبّه عزام بهدوء واستغفر فياض مباشرة وهو يمسح على وجهه
بللت هتان شفايفها وهي تصدّ عنهم وتحس بأن قلبها
ينعصر هي نفسها مو جاية عشان ثنيان ، جاية تعاند فياض فقط ! وتبيّن له انها تقدر توصل للي ودها فيه وتاخذ اللي تبيه .. لكنها انصدمت من كلامه وعدم احترامه لها رُغم عدم معرفته فيها !

.
طوّل ثنيان ومرت الساعتين وماصحى .. مافيه بالممر غير فياض المهلوك حرفياً لكنه رافض يتنازل ويسمح لتعبّه بالفوز عليه !
وهتان بنفس المقعد ماتحركت والنعاس بدا يستلل لها وبدت تستوعب اللي تسويه والذكرى اللي تمرها والدموع اللي قاعده تنزل بدون ما تحس !
رفع فياض راسه لها وهو يشتته بعدهـا .. تقدم بصعوبة عليه وهو ينطق بهدوء عكس الاعصار اللي يحسه : ثنيان يصحى بيوم وتجينه ! وراك جامعة ممكن تتفضلين وترجعين؟ صار الليل
نطقت بألم ونبرة حزن بدون احساس : السكن مارح يدخلوني الحين
انتبه فياض لساعته اللي تشير لـ ٩ الليل : مو حاكية مع نجد ؟
هزت راسها بنفي وهي توقف من حست بالغصة تزيدها : بمشي انا
استغرب من مشيها ومن كلامها الهادي عكس غضبها
نبرتها ونظرتّها وزفر بعدم اهتمام وهو يتوجه للدكتور لجل يسأله عن ثنيان اللي طوّل بصحوته ، وفياض اللي بدأ يتوتر عليه !
.

بقسِم الاطفال ..
تقدمت ممرضة لبُشرى وهي تشوفها تحكي مع احد المرضى .. انتظرتها لين ما انتهت ونطقت الممرضة : زوجك واقف بالعناية المُركزة .. يقولون فيه عسكري انصاب وكان وضعه حرج
عقدت بشرى حاجبها : فياض هنا ؟
هزت الممرضة راسها : من الصباح واصلين !
ابتسمت بشرى لها بهدوء وهي تبتعد متوجهه لـ العناية المُركزة ، وصادفّت هتان اللي تبكي بطريقها وعقدت حاجبها بخوف واستغراب من وجودها وتقدمت بتسارع وقلبها يدق بسرعه : هتان !
وقفت هتان لها وهي تمسح دموعها بتسارع ، ونطقت بشرى وهي حاطة يدها على كتفها : خير ان شاء الله؟ شفيك
هتان عضت شفايفها : مابي امشي من هني !!
مسكتها بشرى وهي تاخذها لغرُفتها .. مدت لها كوب موية وانتظرت هتان تهدأ : ليه انتي هنا؟
هتان رفعت راسها لها : ثنيان انصاب وتو تستقر حالته
زفرت بشرى وفهمتها مباشرة وابتسمت تطمنها : ارتاحي طيب محد رح يخليك تمشين ، و اعتبري الغرفة غرفتك ارتاحي واضح عليك تعبانه انا طالعه وبجي بعد شوي

خرجت بشرى وهي تسكر الباب بشويش من شافت هتان تمددت ع الكنب وهي تشوف فياض امامها ، وقفت بشوُق له وهي تبتسم بهدوء ونطقت من شافته بيفتح الباب ومسكت ذراعه : البنت داخل فياض
فياض باستغراب : اي بنت؟
بشرى وهي فهمت كل شي ونطقت وهي تسحبه : هتان ، شمسوي لها انت
فياض زفر بعدم اعجاب نهائي لها : اعرف ثنيان مثل ماعرف نفسي ! ما بينه وبينها شي بس ليه هنا ؟ ليه معذبة نفسها وجاية وهي بنت و جالسة بمستشفى مع شخص مالها صِلة فيه !
بشرى مسحت على وجهه بهدوء : وانت حيل تعبان ، انا خلصت دوامي اتركنا نرجع
هز فياض راسه : انتظر ثنيان يصحى ، حاولي بالبنت انتي ! نوصلّها احنا واعرفي بلّاها
بشرى بضحكة : البنت مابيني وبينها غير موقف وحلوة وقوية تعجبني مالي الحق اسألها ، بس وين نجد عنها
فياض : نجد توها عارفّة ووصلت لي بس مشيتها لجل ماتحس امها ولا يفقدها ابوها لان مصيبة ، بس المصيبة والبلا بهذه لا تتكلم
هزت بشرى راسها بنفي : مستحيل واضح مايخبون عن بعض شي ، فماعتقد ان ماعندها خبر عن حالة ام ثنيان !

🌷📚 @storykaligi 🌷📚🖋
🍃🌷
🌷🍃🌷
🍃🌷🍃🌷
🌷🍃🌷🍃🌷