شاركيني لو مشينا دروب الهنا واعذريني لو لقيتي بدروبي عنا

البارت السابع الثلاثين

🌷🍃🌷🍃🌷
🍃🌷🍃🌷
🌷🍃🌷
🍃🌷
🌷 37 ..

📚 😍 📃
📖 روايـــــــــــــة ✍🏼
{  شاركيني لو مشينا دروب الهنا وأعذريني لو لقيتي بدروبي عنا  }

📖🖌 @storykaligi 🌷🍃

الليث تأفف من صوتها وهو يلتف لها يسحب جوالها وشنطتها ويرميهم بالقُرب منه : اسكتي ! و اهجدي محلك
بكت نجد وهي تغطي وجهها وتنهار بصوت وكتمت صوت بكاءها من صرخ الليث وهو يضرّب الدرسكون بغضب : قلنا اسكتي !! لا تبكين
اهتزت بصمت وسط تأففه وانفاسه .. انظاره وعقده حاجبه ورجفتها وفزعّها .. توالت الاحداث الكثيرة على عقلها لدرجة انها اهتزت بخوُف وبدأ انفهّا ينزف
حطت يدها وهي تحاول توقّف وتتنفس ونطق الليث بعد ما زفر : وين بيتكم يا بنت؟
نجد بدموع : وش تبِي ببيتنا !
الليث التف لها ولمح يدها ملّيانه دم وانفجع من المنظر : تنزفين من وين انتي ؟
نجد ببكاء : انفي
سحب مناديل وهو يمدّها لها : لو ودك توصلِين سالمة علميني وين بيتكم ترا اعرف عنك كل شي !! وبنت مين واخت مين هيا ترا ماعندي وقت
ضغطت نجد على انفها وهي ترمقه بعدم تصديق ..
ونطق الليث بجمود : لا تظنين ان وقتي فاضِي !
اعطته نجد موقع شقِة اخوها وهي بين التصديق وعدّمه ، افزّعها منظره وطريقته في الكلام وصدمّها بأن رح يرجعها بيت اخوها رُغم ان كلّم شخص تجهله بـ " البنت معي " لكن من خوفها اللي تاركّها تلتزم الصمت من غير انفاسها السريعه ورجفة يدينها ~
.

عِند ثنيان .. يطّقطق في اللاب بهدوء ينتظر رجوع نجد وانظاره ع الساعه كل ما مرت دقيقة ، بدأ يتوتر واخذ جواله بيدّق على عزام وداهمته رِسالة من مجهول تحتوي على جُملة " سلّم على الغالي يا ولد ابوك ، ورجلك فوق راسِك "
عقّد حاجبه وهو يعتدل بجلسته وتأوهه من ألم الجرح
: مين انت ؟
جاه الرد بسرعه " لا تنتظر اختك تراها ماهي واصلِة "
اتصّل عليه وجاه الرد الالي بأن الرقم مش موجود وجّن جنون ثنيان وهو يوقف بتعب ، بحّث عن رقم نجد وهو يتصل وانهار تماماً من ما لقى الرد منها ..

جلس وهو يهدأ نفسه ويحاول ما يفكّر بسلبية لكن هزتّه لرجله بدون شعور والرهبة اللي سرت في جسده خوفاً على نجد من الاذيّة تركت اذنه وعنقه يحمرّون من كتم الغضب .. دقّ على عزام وهو يبرر لنفسه بأن ممكن جوالها طافي او ماسمعت وفز من رد عزام بقروشه وتوتر لان تأخر على نجد : عزام اصدقّني القول وطمنني ، نجد معك ؟
تنهد عزام وماقدر يكذب ونطق بهدوء : صار لي حادث واضطريت اتأخر عليها .. الحين بطريقي لها واعتذر
صرخ ثنيان وهو يرمي جواله ليتفتت في الجدار وجلس على ركبته من حس بأن قواه خارت وبدت
عيونه تحرقه .. نطـق بضعف : يالله احميِها يارب استودعتك روحي يارب
سحب جواله اللي من قوة الرميّة تفتت شاشتّه واصبح لا يُرى وهو يبحث عن الرقم المجهول اللي كلمه بجنون ولكن ما شافه !
لفّ لطرق الباب ووقف بتّعب وهو يتمناها اخته وان كل شي كابوس ومجرد أوهام
فتّحه وهو يشوف الليث واقف امامه بجمود وخلفّه نجد الراجفّة .. ابتعد الليث بهدوء وهو يترك نجد ترتمّي بأحضان ثنيان اللي مو جالس يستوعب شي من اللي يصير !!
ابعد ثنيان نجد من ذراعها بجمُود وهو يرمق الليث وينطق : مين تكون؟
الليث ببرود : المُفترض خاطّفها
شهّقت نجد بخوف من شافت ثنيان يلكّم الليث : وتقولّها عادي ؟
ابتعد الليث وهو يحط يده ع حاجبه بشبه ألم ونطق بسخرية : اعسّر وبهالقوة ؟ قلنا خايف بس مو تشوه وجوه الناس ! لو تلاحظ اني رجّعتها سالمة وهي عندك اسألها
التف ثنيان وهو يلهث لنجد : سوى لّك الـ** شي ؟
الليث وهو يستند ع الباب ببرود : الالفاظ يا حضرة الشُرطي !
رمقّه ثنيان بحده وهو يسمع نبره نجد الخايفة : ماسوى لي شي والله
الليث اعتدل بوقفته من سمع نبرتها الهادية : امشِي انا ، انتبه على اختك المرّات الجاية ماهب كل مرة بتطيح بيديني واجيبّها
سكّر ثنيان الباب بوجهه وابتعد الليث وهو يقبلّ صبعتين ويمررها على فمه وجبهته : الحمدلله والشكِر لك يارب
.

بمِستودع العصابة ,
واقف الليث قدام الرئيس وهو يشتت انظاره ويصفّر ببرود امام عصبية الرئيس : ليه تركتّها !
الليث : صدّعت راسي بصراخها وتركتها ، ثاني شي احد يلّوي ذراع ثنيان بأخته !
الرئيس بغضب وهو يضرب الطاولة : انا اللي احدد ينلوّي ذراعه من مين ما تشوف كمية الخسارة اللي قاعدين نعيشِها !
الليث وهو يرتدي الكاب ويمشي متجاهل غضبه : مثل ماعرفت تلِوي ذراعه فكّر كيف تتخلص منه ، سلّام
شتّمه بألفاظ بذيئة وهو يشوف الليث يخرج ولا كأنه مسوي شي ، التفت للرجال اللي جنبه وهو ينطق : هالمّرة الضرر بيجي شخصي ، لا توصلون الكلام للـيث بنتخلص من ثنيان نفسه
هز الرجل اللي جنبه راسه وهو يلتفت للأمام .
.

🌷📚 @storykaligi 🌷📚🖋
🍃🌷
🌷🍃🌷
🍃🌷🍃🌷
🌷🍃🌷🍃🌷