شاركيني لو مشينا دروب الهنا واعذريني لو لقيتي بدروبي عنا

البارت 85

💐🍃💐🍃💐
🍃💐🍃💐
💐🍃💐
🍃💐
💐 85 ..

📚 😍 📃
📖 روايـــــــــــــة ✍🏼
{ شاركيني لو مشينا دروب الهنا وأعذريني لو لقيتي بدروبي عنا }

📖🖌 @storykaligi 💐🍃

نزلت هتان وهي تشتت انظارها بخجل : السلام عليكم
ردو السلام وابتسم ثنيان لها من شافها تتوجه لجده وتقّبل راسه ومن بعده جدته وامه وابوه .. نطق ابو ثنيان بابتسامه هادية : تقبلين الكعبة
هتان بخفوت : يارب
فياض اشر لثنيان : يلا احنا نمشي
ثنيان اشر لهم بالسلام وخرجوا بدخول الليث للمزرعه
تأفف فياض وهو ياشر لثنيان : انتظرك بالسيارة
هز ثنيان راسه وهو يتوجهه لليث : ليه ما دخلت ؟
الليث هز اكتافه بعدم معرفة : انتظر نجد تخرج
ثنيان تذكر حال نجد وابتسم بخفوت : عسى ما تنتظرو الوقت يجمعكم بدون محد يتعب ع الثاني ؟
عقد الليث حاجبه بعدم فهم .. وضحك ثنيان وهو يبتعد من اشر له بالسلام ويصعد جنب فياض

,
دنت هتان بجنب نجد وهي تهمس لها : عمتج النسرة وين ؟
رمقتها نجد بنظرة ضاحكة وهي تاشر بعينها : نزلت
هتان اعتدلت برهبة بجلستها وضحكت بخفة من شافت ملامح بشرى تتغير بالمّثل ..
جلست حصة ووقفوا هتان ونجد : بالعافية حنا بنطلع برا
رمقتهم حصة بنظرات وردت هتان النظرات لها وهي تخرج خلف نجد : اقولج وينهي اللي تعزز لها اميروه؟
نجد جلست ع الكرسي وهي تشتت انظارها ع الزرع : العصر بيجون ، الله يستر
صفقت هتان بحماس : ودي ودي اتهاوش من زمان خاطري
نجد اعتدلت بجسدها بخوف : هيي انتي ! لا ولا تفكرين حتى
هتان سفهتها وضحكت بقوة من تذكرت ثنيان ، عقدت نجد حاجبها وهي تنطق : جنيتي ؟
هتان هزت راسها وهي تحاول تكتم ضحكتها لجل تتكلم وقفت وهي تاشر : بروح اشرب ماي وأجي اقولج نطريني
استندت نجد ع الكرسي وهي تبتسم ورفعت راسها تشوف الجو فزت من سمعته ينطق بهدوء ويدينه خلف ظهره : قُل للمليحة بالقميص الابيض
قاطعته نجد بهدوء وهي توقف : لا هو مطر ولا برد ولا ابي معطِفك لان الرأي رايي
ابتعدت عنه ومسكها من ذراعها وهو يسحبها متوجهين لاخر المزرعه بجمود
نجد وهي تحاول تفتلت منه : ليه تهايط ورا الجوال ومن امامه تتغزل ، مهبول انت؟
الليث بدون تفكير : مهبول فيك !

-
صلاة الظُهر عِند ثنيان وفياض ..
ابتسم ثنيان وهو يرمي الملف من سمع صوت الاذان : صدعني موضوعها صدعني !
رفع راسه لفياض العاقِد حاجبه ويقرأ ملفها بصمت ضرب ثنيان ع طاولة فياض ليوقظه وصرخ فياض فيه من فز : يا كلـب
ضحك ثنيان وهو يوقف ويمدد جسمه من الم جلسته لساعات : اقول قم بس نلحِق ع الصلاة
ترك فياض اللي بيده وهو يوقف بالمثل وتوجهوا للمسجِد القريب من المركز مع عدد من العسكر
جلس ثنيان لجل يتوضأ وهو يفصِخ جزمته بنسيان
والتف لضحكة عزام وسعود اللي انتبهوا بقوة ، لف فياض لهم بغضب من سمع ضحكهم بوسط المسجد
ورجع ناظر لـ ثنيان اللي يناظرونه وكتم ضحكته وهو ينتبه لشراباته رمقهم ثنيان لثواني بعدم فهم وغمض عينه بقهر من تذكر وهو يرمي عليهم الجزمه : وجع يوجعكم يا كلاب
رفع راسه لفياض اللي يهتز بصمت ودفّه ونطق بنبرة مقهورة : حتى انت
-

أمريكـا ,
يوم كامِل مر عليهم بهدوء .. الا باخر ساعاته زلزلهم بطلب هجام اللي قرر ياخذ هتاف وورد معاه ولو بالقانون بسبب كذِبة نادر ليحمي اخته !
دخلت هتاف مع نادر اللي بيفجر راس هجام وطلبّه : نادر اهدأ واسمعني !
نادر ابتعد عنها وهو يخلل يده بشعره والتف بصدمة قهر من سمعها تقول : انا راضية اروح معاه
نادر تقدم لها وهو ينطق بعصبيه: بتجنيني انتي !! ماعندك كرامة
هتاف رمقته بغضب ونطقت : كرامتي انت اللي مسحتها يوم تكذب علي نادر ! المهم انا برجع له لكن بطريقتي
نادر رمقها بنظرات واكملت هتاف بتهدئة : سمعت انه انطرد من شغله ! لا تنسى اني اشتغل ، يعني انا اللي بصرف ! واعرف اذلّه بطريقتي وشي بيني وبينه يعني يا نادر انا برجع له لكن هو بيظن حُباً فيه ! وانا اقولك هنا ان هتاف القبليِة ماتت
نادر عجز يستوعبها ونطق بتعب : كيف يعني !
هتاف ابتسمت بخبث ونطقت وهي تستند ع الباب : بخليه يتعلق فيني وبتركه

,
وقفت بعيد عنه من ترك ذراعها وهي تشتت نظرها ع الزرع بجمود ، تتألم لكن ما تقول وما تخفي على الليث ملامحها
الليث بعادته بتغير المواضيع : باقي ايام ع العرس ، مستعده؟
نجد بقسوة : لا !!
التفت له وهي تزم شفتها تكبح دموع العين تنزل بدون رغبه منها خاصة بهالوقت : من يقرب يوم عرسنا اندم اكثر اني وافقت ! انا كيف وافقت بهالشكل الغبي اللي تاركني بموضع مُغفل اكثر؟ متخيل اني بكل محادثة بيني وبينك اندم اكثر ! انت وش من انسان يا ليث ؟ وشو !!

💐📚 @storykaligi 💐📚🖋
🍃💐
💐🍃💐
🍃💐🍃💐
💐🍃💐🍃💐