شاركيني لو مشينا دروب الهنا واعذريني لو لقيتي بدروبي عنا

البارت الثالث عشر

🌹🍃🌹🍃🌹
🍃🌹🍃🌹
🌹🍃🌹
🍃🌹
🌹 13 ..

📚 😍 📃
📖 روايـــــــــــــة ✍🏼
{  شاركيني لو مشينا دروب الهنا وأعذريني لو لقيتي بدروبي عنا  }

📖🖌 @storykaligi 🌹🍃

عِند طيف ، خرجت من غرفتها بعد ما حست ان الكل نايم وتوجهت لمكتبة نادِر كعادتها ، تسحب كم كتاب تقراهم وترجعّهم وتتمنى ان ما يحس كون ترتيبهم بعناية وحتى الغبار ما يطيح عليهم ، هدوءه المُريب وشخصيته
اللي تحس انها تخجل حتى لو لمحتّه ! تاركتها تظن شبِه سوء فيه هي مرات تنعد بالاصابع لو كلمّها وردت عليه ودايم بحضور هِتاف !
شتت انظارها وهي تشدّ على قبعه بلوفرها اللي معتمده عليها كحجاب لو خرج نادر صدفة !
بلعت ريقها وهي تدخّل مكتبته بدون ما تنتبه ان موجود بزاوية المكتب !
فتحت الضوء اللي بجوالها وهي تمرره ع الكتب لاجل تختار وشهقت من حست بانفاس ثانيه تشاركها الغرفة ورمت الجوال بخوف من نطق بـ " شتسوين ؟ "

.
في جهة اخرى من بيت الجد ، واقف بجمود وذراعه خلف ظهره والثانية يتأمل رقمها بعدم حب لوى شفته وهو يرفع الجوال لجهة اذنه وينتظرها ترد !
عند هّتان اللي كانت قاعده بمرجيحة الحديقة وبيدها كوب قهوة سادة ، التفتت لجوالها ورفعته باستغراب من
الرقم السعودي لوهلة كون رقمها البحريني ماتعرفه غير نجد ونجد سكرت من عندها تو ، ردت بعد مُدة وهي تسمع نبرته : وش اللي قلتيه لاختي وقلبتيها ؟
هتان عقدت حاجبها لثواني بتفكير لصاحب الصوت لكنها نطقت بحدة : ومنو انت ان شاء الله ؟
ثنيان بغضب : عزرائيلك لو ما بلعتي لسانك وحاكيتني صح !
هتان بتقاوى لان تهديده ما بيضرّها الان كونه بالسعودية : وخبّري نجد تخّر لك كل شي ودامها ما قالت لك يعني ان شي خاص تعرف الخصوصية انت ؟
ثنيان : ما احد بكّاك من قبل ؟
هتان : مايدخلك ، وبعدين انت من وين لك رقمي !
ثنيان بسخرية من سؤالها : شُرطي حدود وهويتك عندي تظنين صعبة علي اطلع رقمك ؟ امم طيب يالقوية ودك اوصل الكلام لعبدالله العامِد ، ابوك يعني !
اعتدلت هتان بجلستها وهي تزم شفايفها وتحاول ما تبين توترها : شبتقولّه يعني؟ ما بيصدّقك هاي اللي ناقص يصدّق الغريب على بنته !
ثنيان وهو يمسح ع شواربه : تبينّها حرب انتي ؟
هتان بصراخ ؛ ماعندك دليل عليّ واعلى ما بخيلك اركبه !
ابعدت الجوال بتسكره واوقفها نبرته الضاحكة من نطق : الكاميرات يا هتان اكبر دليل !
هتان كورت يدها لثواني وبعدها مسحت وجهها : شتبي الحين انت شتبي ؟
ثنيان بجمود : قايلّك عزرائيلك ، بس اتركي بغيّتي منك لا رجعتي بعد ١٠ ايام ، سلام
هتان وهي تحاول تلحق عليه قبل يسكر بوجهها : عسى ما يسلم فيك عظم !
رمت جوالها وهي ترفع شعرها اللي يتطاير مع الهوا : يامن شراله من حلاله عِله !
.

ابتسم ثنيان بخبِث من عرف ان هياطها كله لانها بعيدة عنه ، وهياطها عليه لانها بعيدة عن ابوها وبعدم معرفة ابوها عن سواياها وطريقتها بالكلام !
.

" امريكا "
نادر بجمود : شتسوين !
سقط جوالها بفزع وصرخت لما خوّفها والتف ببرود للانارة وهو يفتحها عدلت ياقة بلوفرّها وهي تسحب جوالها وكانت بتمشي من نطق : اخذي اللي كان ودك بس ماكان له داعي شغل الحرامية
طيف وهي تحاول تكبح دموعها اللي بانت بنبرتها : شكراً بس ماودي
ابتعدت عنه وهي تخرج وتتوجه لغرفتها ، خلعت البلوفر وهي تظل ببلوزتها من حست بالحر وهفّت ع روحها من فرط خجلها امتلت عينها بالدموع !
زفر نادر وهو يتأمل مكتبته وجلس على كرسيه وهو يجلد نفسه بسبب ان خرّب هدوءها بدخوله وخوفّها !
طيف الرقيقة واللطيفة واللي مثل السراب من شهر تمر عليه لدرجة احياناً ينسى تواجدها !

.
بعد العَصر ..
ثنيان اللي يتأمل جدّه الغافي كعادته بعد صلاة العصر
ونجد اللي بالمطبخ تسوي الشاي مع العاملة
جالِس بجنب جدته كعادته وكفه بكفها ونطق بصوت واطِي لاجل جده النايم : اقول يا يمّه
ابتسمت فاطمة بحنية من نطقّه لهالكلمة ، ما ينطّقها الا لا احتاجها فِعلاً : سم يا ولدي !
ثنيان ابتسم بخفوت : سم الله عدوّك ، ودّي اقولك كلام ها بيني وبينك حتى نجد لا تعرفّه
تركت الجدة اللي بيدها وهي تلف له : انطّق يا ولدي عليك الامان !
شتت ثنيان انظاره وهو ينطّق : ابيك تخطبين لي صديقة نجد
فاطمة باستهلال : البحرينية يمه ؟
ثنيان بابتسامه واسعه من عرفتها مباشرة : عليك نور ياجدة البحرينية ماغيرها !
فاطمة : هذه الساعه المباركة يا يمه ! ومن عويناتي اكلم اميمتّك ونشوف قولُها
ثنيان ابتسم وهو يتنهد بخبث عظيِم ، مناقض لشخصيته الهادية واللطيفة .

🌹📚 @storykaligi 🌹📚🖋
🍃🌹
🌹🍃🌹
🍃🌹🍃🌹
🌹🍃🌹🍃🌹