شاركيني لو مشينا دروب الهنا واعذريني لو لقيتي بدروبي عنا

البارت89

💐🍃💐🍃💐
🍃💐🍃💐
💐🍃💐
🍃💐
💐 89 ..

📚 😍 📃
📖 روايـــــــــــــة ✍🏼
{ شاركيني لو مشينا دروب الهنا وأعذريني لو لقيتي بدروبي عنا }

📖🖌 @storykaligi 💐🍃

فياض بنبرة مخيفة ومهيبة : ان كان فيك خير اطلّق عليها
سُعود أشر لعزام وعسكرين يروحون خلف الرجل
والتفوا بفزع من سمعوا طلقه وصرخت بشرى وركض عزام وسعود تجاه فياض اللي اخترقت الرصاصه ذراعه
ورمى بشرى وهو يركض
صرخ سعود وهو يوقف ويأمر العسكر يحاوطون المستشفى ويركض خلفه بغضب ..
نزلت بشرى ببكاء وهي تشوف عزام ابتعد من عرفها
فياض ببتسامه وهو يشتم الرجل بداخله مد يده ليد بشُرى الباردة : بخير يا قلب فياض انا بخير
بشرى برعب : وش اللي حصل انا مو فاهمة
سحبها بذراعه يحتضنها : حصل لك شي ؟
هزت بشرى راسها وهي توقف وتساعده : يدك تنزف
مسك يدها بحنية وهو ينطق لعزام : سليمة مادخلت الرصاصة كلّم سعود شوفه
عزام ضرب له التحية وهو يرمقه بخوف عليه : الموضوع عندنا يافريق ! روح انت ضمّد جرحك

-
غرفة التضمِيد ..
مستنده ع الجدار بتكتف وتراقب المُمرض اللي يلف الشاش على ذراع فياض اللي يناظرها بصمت وهي تحس برجفة !
خرج الممرض وتقدمت بشرى وهي تجلس معاه على السرير وتفصخ نقابها من تاكدت من عدم وجود احد : وش حصل مين هذا
داهمهّا بحضنه اللي دام فترة وابتعدت بخوف : فياض بالمستشفى حنا !
فياض سند جبهته على جبهتها وتكلم بنبرة هامسة : تظنين أهتم ؟
رفع يده السليمه يمسح فيها خدها : لا تخافين يا قلبي قافِط نظراتك اهدي على نفسك
مسحت على كتفه : احس اني مو مستوعبة شي
تنهد فياض وهو يحكي : وصلّ له خبر موت اخته من خطأ طبي وجا يهدد الدكتور المسؤول وتوقفت حركة المستشفى بسببه
بشرى عضت شفايفها بحزن وهي تحس بالدموع تتجمع لف لها وهو يتأملها من فوق بسبب نزول راسه : ماقلت ما تعضين؟
حررت شفايفها بابتسامه هادية وهي تربط نقابها : ما عضيت .. انا بروح اشوف مواعيدي وانت ارجع البيت ساعه وبكون عندك
هز فياض راسه برفض كلامها وهو يوقف ويحاوّل يلبس بدلته اقتربت وهي تساعده : صبر صبر ! بتفّك الجرح من بدايته
استسلم لها وهو يبتسم بتعب ويشوفها تسكر ازراره
مسك كفوفها وهو يقبلّهم لثواني طويلة وابتسمت بشرى بتوسع : اللهم لا حسد ع النفسية والتصرفات الحلوة
ضحك وهو يمشي معها وصلّها لقسمها وخرج من المستشفى وهو يتصل على عزام

-
باللِيل .. مشى الكل الا هي وثنيان ! تدّق عليه ومايرد
وترددت بالروحه معهم كثير لكنها اختارت انتظاره
عارفة عدّم رده عليها بسبب غضبه من نفسه وغضبه عليها
-

سكرّت شنطتها وهي تتأكد من عدم نسيانها شي نزلت بخوف من وجودها بالبيت الكبير لحالها !
وتتمنى ان ثنيان ما ينساها لان التفكير بهالشي لوحده يرعبّها ، خرجت من المطبخ بعد ما شربت موية وفتحت الباب الخارجي وهي تشد على وشاحها من الهواء القوي والشتاء اللي بدأ يوصل ويفتح ابوابه .. توجهت بخطواتها
بوسط النخل لين وصلت لغرفة المسبِح المفتوح
ما فكرت كثير وهي تظن انهم نسُوه مفتوح تركت جوالها ع الكرسي وهي تدخل وتشتت انظارها على المسبح
برغبة كبيرة بالسباحه لدرجة الغرق ! لدرجة نسيان الهموم ..
فزت من صوت جوالها اللي رن وخرجت وهي تظنه ثنيان وخابت ظنونها من لمحت اسم بدر يضيء شاشتها
هتان سكرته ببرود : اسفة بدر مالي خلق اسولف
رجعت تترك جوالها وتدخل وتقترب من المسبح وبردت ملامحها من شافت ثنيان تحت الماي وكأنه مستسلم وصرخت برعب وبصوت داوي بالمكان .. بنبرة انتشلت احبالها الصوتية : ثنيـاااان !

صرخّت بصوت داوي وهي تسقط ع ركبها بحافة المسبح من ظنت ثنيان انتحر .. مات او غرق واي مُسمى آخر لفقد العيش والحياة ! خرج بفزع من صرختها وبكت من ذهولها وهي تشوفه يسبح بجهتها : هتـان وش حصل
بكت وهي تزحـف للخلف من موضوع الفقد والموت : ليش تحت الماي بهالشكل ! حسبتك مِت
ضحك ثنيان بقوة واستنكرت هتان ضحكه أشر لها : تعالي يا جعلني افّداك تعالي
هتان هزت راسها بنفي وهي تحاول توقف : مابي
ثنيان بهدوء كرر : تعالي هتان
هتان بحزن تقدمت : انا اسفة مو زعلان؟
ثنيان اتكّى على حافة المسبح وهو يتاملها : تعالي واعلمك رضاوّتي
هتان بخوف ابتعدت بخطوات قليلة : لا ..
ما أكملت جملتها الا يد ثنيان تسحبها لداخل المسبح
شهقت بألم ورفعها ثنيان بسرعه قبل تغرق ضربته بغضب وعدم حُب لحركته اللي بنظرها سخيفة : شسويت انت شسويت !!
ثنيان حاوطها وهو ينطق بهدوء : سألتيني زعلان منك صحيح؟
هتان بلعت ريقها وسكتت لثواني وهزت راسها ببطئ : صح

💐📚 @storykaligi 💐📚🖋
🍃💐
💐🍃💐
🍃💐🍃💐
💐🍃💐🍃💐