🔮🍃🔮🍃🔮
🍃🔮🍃🔮
🔮🍃🔮
🍃🔮
🔮 150 ..
📚 😍 📃
📖 روايـــــــــــــة ✍🏼
{ شاركيني لو مشينا دروب الهنا وأعذريني لو لقيتي بدروبي عنا }
📖🖌 @storykaligi 🔮🍃
خرجت ويدها بيده وانظارها على الميدالية ومشاعر المفاجئة العميقة اللي حست فيها : كنت متفق معهم !
فياض ركب السياره وابتسم لها : اعجبتك ؟
بشرى بتنهيدة : حيل حيل ، بشكل مب طبيعي من جد هذا افضل شي حصل لي بمسيرتي بأكملها .. ووجودك جنب الاطفال كان منظر يستحق التأمل لانك لطيف بقربهم
مسح طرف انفه وضحك بتوتر : اللي ناداك بـ ماما ، انتي علمتيه ؟
بشرى بتنهيدة : تصدق ان لا ؟ صدمني لكنه زعزع مشاعري ياحلو هالكلمة وياحلو احساسها
فياض ابتسم بهدوء : الله كريم ، ودك نمر على مكان ؟
هزت راسها بهدوء وببالها افكار وودها تشاركها فياض لكنها خايفة يرفض
.
بالمركـز ، بمكتب الليث |
حرك رقبته ليطرقعها ببرود وهو يرفع جواله على اتصال نجد : سمي يا حبيبة الخاطر؟
ابتسمت نجد من رده السريع ومن جملته : كيفك ؟
الليث : ماني بخير لاني مو بقربك
اعتدلت بجلستها بخوف وتظن فيه شي : وش حصل لك الليث وش فيك؟
ابتسم على خوفها وجلس وهو يطقطق بقلمه : احبك
غطت وجهها بخجل وانصبغ بالاحمر وضحك من عم الصمت لدقايق : طيب لا تغطين وجهك
رجفت من معرفته لحركاتها واعتدلت : طيب متى بترجع ؟
الليث بروقان : اخر الليل امرك ، عندي شغل يوهه قد شعر راسي
نجد هزت راسها بموافقة : طيب اكلت؟
الليث انتبه لخروج غازي من مكتبه ووقف وهو يسحب مفاتيحه : الحين اكل ياقلبي ، اكلمك بعدين طرا لي شي انتبهيلك
نجد : ليث
الليث خرج خلف غازي بخفة ونطق ببحة : سمي
نجد بهدوء : انتبهلك , تكفى لا تتعب قلبي
الليث ابتسم بهدوء : قد قلت لك انك روحي ؟ فمستحيل أأذي روحي دامك انتي !
رمى جواله بعد ما سكرت وهو يلحق غازي .. وعارف عن روحته لـ الساحرة وعارف بالدوريات اللي يمشون بالطريق الثاني مقصدهم البيت ايضاً ، صار وقت المداهمة وما بياخذ ثاره الا الحين وقبل وصولهم ، الليث بخفة يمشي وراه بحيث ان مايشوفه بتاتاً ويناظر بحقد ووعيد ، اخيرا جا وقت اللقاء !
.
البحرين | ثنيـان وحبيبة قلبـه هتان
مسحت دموعها من ابتعد وهي تكتم شهقاتها .. ميتة شوق وماتوقعت يفرغ شوقه فيها بهالشكل , كانت تتمنى تظل بحضنه اكثر لكنها حاولت تصّد لجل ما تتعب وتتعبه معها
تذكرت كلام ابوها مباشرة بليلة من الليالي ,
عبدالله جالس بقربها وهو يشوفها تاكل بهدوء وهو جالس على اللاب يشتغل ، فصخ نظارته وهو يلتفت لها : بقولك شي
هتان تركت اللي بيدها : شنو اهو
اعتدل عبدالله ونطق بهدوء : دامج قررتي ان طريقج الانفصال ، انا قريت من جم يوم وسألت وقالولي
هتان باستغراب : شنو !
عبدالله : مب ممكن انج متنسية ( متوحمه ) على ثنيان ؟ عشان جي ماتبينه ! وبتندمين كثر شعر راسج بعد ما تولدين وتنتهي نساتج
هتان بتأفف : نروح ونرّد على طاري ياللي ، متى نخلص من سيرة ثنيان
رمقها بحدة واعتدلت بخوف : يعني اقولك ان مادري بس يبه انا بعد اللي سويته ماقدر اقوله رجعني ! شفت اهوه شقد كلمني وحاول معاي وصديته ! الحين شلون ارّد ولا كاني مسوية شي
عبدالله : ثنيان متفهم ، لو علمناه مارح يذلك وانتي عارفته زين
زفرت وهي تشتت انظارها ..
رفعت انظارها لـثنيان وهي تشوفه يتأملها وزفرت ، جا وقت الاعتراف .. بتعترف لتبرّي نفسها وحُبها وعدم خيانتها له مثل مايظن ومن بعد ذلك لا يُهم ، هم حلـين لا ثالث لهم يا الرجوع والنسيان او الانفصال
.
هتان ببحة من بكاءها : للحين ودك تسمع منو حمود ؟
ابتعد بنفرّ منها من تذكر حمد وعقد حاجبه بغضب ، مسكت ذراعه : بقولك وانت حدد !
ثنيان ببرود وسخرية : ليه ، توك تحسين ؟ الظاهر انه تركك
هتان ببرود اكبر : ايوه تركني
ثنيـان رمقها بغضب من عدم اهتمامها : انا الغلطان اللي جيتك
لف بيمشي ومسكت كفه ونطقت بتعب : تركني تحت التراب من ٥ سنين ثنيان ، من ٥ سنين ميت
انتبه بفضول ونطقت بتعب وهي تبحث عن الكرسي لتجلس : حمد ولد خالتي اخو ناصر ، كان خطيبي قبل وانقتل بوقت مهمة بحرية
ثنيان انشد للحوار واقترب : عسكري ؟
هزت راسها : ليه محتفظة بمحادثته اجل ؟ تسولفين مع ميت
هتان دمعت وتنهدت : كان اقرب من صديق واخو لي ، كنت متعودة لا دشيت بمشكلة يساعدني .. يومك شفت المحادثات ماشفت اني الوحيدة اللي اكتب ؟
تذكر ثنيان وشتت انظاره ، ونطقت هتان : بيوم اللي شفته وصار اللي صار كنت فاتحه تلفوني بمسح كل شي يذكرني فيه تدري ليش ؟
🔮📚 @storykaligi 🔮📚🖋
🍃🔮
🔮🍃🔮
🍃🔮🍃🔮
🔮🍃🔮🍃🔮
أنت تقرأ
شاركيني لو مشينا دروب الهنا واعذريني لو لقيتي بدروبي عنا
ChickLitرواية سعوديه منقولة ( فقدان ، قتل ، ظلم ، محاولة زواج اجباري ، غرور وتكبر ، شجاعة ، مشاعر ، صداقة ، وفاء ، حب ، زواج ، وفاء ، بحث ، تحدي ، نهاية سعيدة ) تابعونا ... @storykaligi 📖
