شاركيني لو مشينا دروب الهنا واعذريني لو لقيتي بدروبي عنا

البارت 141

🔮🍃🔮🍃🔮
🍃🔮🍃🔮
🔮🍃🔮
🍃🔮
🔮 141 ..

📚 😍 📃
📖 روايـــــــــــــة ✍🏼
{ شاركيني لو مشينا دروب الهنا وأعذريني لو لقيتي بدروبي عنا }

📖🖌 @storykaligi 🔮🍃

مشت أيامهم سريعه بانشغال الكل بملكة طيف بثلاثاء الاسبوع .. وتجهيزها ورُغم توتر طيف الفضيع الا انها فرحانة وكثير !
ومن نجـد اللي بعد رجوعها من البحرين مع الليث اللي متغير من لحظة ما شاف الرساله ورافض تماماً بأن يقول لها اللي صار والتزامها بالصمت الا ان داخلها مزعزع وخايف عليه وكثير !
جالسه وتاركة بنت بالمشغل تسوي شعرها .. وتذكرت روحتها لهتان الا ان رجوعها كان صادّم رغم التوقع
-
نرجع لقبل يومينِن .. بالبحرين وببيت عبدالله
عند هتان ونجد |
هتان ابتسمت بمجاملة وهي ترحب فيها لتدخل وعارفة وجداً سبب مجيء نجد بعد كل مدة الفراق بينهم اللي كان سببها مشاغِل الحيـاة ..
نجد مدت يدها لنقابهـا لتزيله وهي تجلس بابتسامة رِضا : كيفك ياروحي زمان عنك وكيف البيبي ؟
بلا شعور حاوطت هتان بطنها وهي تمسح عليـه : وايد زين الحمدلله
نجد : عرفتي جنسه صح ؟
التزمت الصمت لثواني وهزت راسها بعدها بتردد .. وفزت نجد بفرحه : وشو طمنيني ؟
هتان عضت شفايفها وهي تشتت عينها : ولـد
التفت لصفيق نجد وهي تضحك بشدة : الحمدلله يارب .. وصار عندنا حفيدة وجاينا حفيد بعد ! يابختنا
عقدت حاجبها بعدم فهم لـ " حفيدة " : منو عنده حفيدة ؟
توسعت ابتسامتها : هجـام .. عنده بنت مثل الوردة واسم على مسمى
هتان بذهول : اوهه صج ؟ جابّهم يعني
عقدت نجد حاجبها : تدرين عنهم ؟
هتان مسحت ذراعها بتوتر : اي .. من فترة يعني بس مالي دخل اقولكم يعني لذلك سكتت
نجد سكتت لثواني واعتدلت بجلستها بعدها بتجاهل للكلام اللي انقال : طيب هتان انتي عارفة اني جايتّك لسبب صح ؟
هتـان بملل من الموضوع : اذا عن ثنيـان ف بليز نجد سكريـه
تجاهلت نجد توسلّها ونطقت بجِديـة : انتي عارفة ان ثنيـان ماحصلت له فرصّة ان يشهد حملّك بتاتاً وهو من حقه لان ولده ! .. انتي متخيلّة ان ماعاش معاك بحملك الا يوم واحد بس ؟ هتان انتي راضيـة ؟
هتـان ناظرتها بهدوء : نجد ما بتسكرين السالفـة ؟
نجد رغم انها عارفة انها بتنجلد لو عرف ثنيـان انها قالت هالشي الا انها نطقّته بدون تردد : ثنيـان تعبان يـ هتان ! .. من بعد اللي حاصل وهو متخبّط مريض من المركز لين المسجد ويرجع ينام ساعتين ويصحى ويرجع للمركز لجل بس ما يشوف احد مننا ويسّأله عن السبب ؟ هتـان ترا قبل لا تصيرين زوجة اخوي انتي صديقتي ! ثنيـان يحبك يا هتان افهمي .. وتنازلي لو مرّة عشانه
لفّت تسحب شنطتها بعد ما انهت كلامها وعرفت بأن مستحيل هتان تنطق بحرّف : الليث ينتظرني الفجر بنمسك خط نرجع , عاد ودي تفكرين لحد مانمشي يمكن لنا نصّيب كرمك وحضورك معنا نوصلّـك
هتان بلعت ريقها وهي تهز راسها وتوقف لتودعها : ادعيلي نجد .. اللي الله كاتبـة بيّصير بس لا تنسيني من دعواتج
نجد ابتسمت وهي تحتضنها : دوم بدعواتي مذكُورة وما نسيـتك .. ومكانك خالـي بين عايلتنا الله يجمع شملـنا
هتان بخفوت زفرت : يـارب
-
.
بمطـعم من مطاعم البحرين |
الليث شتت انظاره وهو يشوف وضعهم الصامت اللي صار فجاة بعد كومة سوالف وضحك .. وعارف وكثير فضُول نجد عن اللي وصلّه وعفسـه , اعتدل بجلسته وهو يرفع طرف شماغـه اللي نزله
الليث بمراوغة : عجبك الاكل ؟
هزت راسها بصمت وتنهد الليث وهو ينطق : عارف اللي ودك تسمعينه .. اعذريـني ماقدر اقولك
نجد بلعت لقمتها وهي تمسح طرف فمها برقـة : لا تهتم .. دام ماودك
سكتت لثواني وتكلمت بهّم : تتوقع هتان تتراجع عن غرورها وترجع معنا ؟
الليث هز راسه بنفي بواقعية : مانعرف اللي بينهم يا نجـد ! مانقدر نحكم من الغلطان
لفت بانتباه لاتصال جوالها وفتحت عينها بذهول من اسم " هتـان " اللي نور شاشتها ونطقت بخوف وحماس : تدق ! بتجي بتجي !
ابتسم الليث على حماسها وحضـن كفوفـه وهو يتأملها ترد بحماس : هتـان ! أمانة قولي انك بتجِين !
هتان عقدت حاجبها بحزن ونطقت ببحة : داقة عليج عشان اقولج اني مارح أجي أصلًا
كشرت نجد بزعل : ليه هتان ، تكفين فكري باقي ساعتين
هتان تنهدت بهّم وماودها تقولّها : نجد .. انا وثنيان متفقين وربي ! خلاص خليها لا تضغطين
جات بتتناقش وسكتت من أشر لها الليث بانهاء الحديث .. نطقت بزعل : انتبهي لك
هتان بزعل اكبر : اسفة نجد .. وايد محترمَة جيَتك بس ماقدر والله
نجد بصد : مو مشكلة انتي وثنيان تتكلمون واللي فيه خير يقدمه الله
هتان : توصلين بالسلامة .. ممكن تقولين لي لا وصلتي ؟
نجد : طيب مع السلامة ..

🔮📚 @storykaligi 🔮📚🖋
🍃🔮
🔮🍃🔮
🍃🔮🍃🔮
🔮🍃🔮🍃🔮