شاركيني لو مشينا دروب الهنا واعذريني لو لقيتي بدروبي عنا

البارت 101

🌹🍃🌹🍃🌹
🍃🌹🍃🌹
🌹🍃🌹
🍃🌹
🌹 101 ..

📚 😍 📃
📖 روايـــــــــــــة ✍🏼
{ شاركيني لو مشينا دروب الهنا وأعذريني لو لقيتي بدروبي عنا }

📖🖌 @storykaligi 🌹🍃

دخلـت خلفـه وهي تشوفه يسحب اللحاف ويعدله لجل ينـام : ما تنام يا الليث الا وانت مجاوب على سؤالي ؟ وش هاللي بجسمك ؟
الليث بتجاهِل واللي فيه مكفيِه , هو بنفسـه رافض اللي بجسمه لكنه مضطر لجل يدخل بالطريقه الصحيحة مجبور يسلـم كل شي ويوافق على كل شي !
الليث : اشتري سلامتـك يا نجد لاني ما اضمَن لك تصحين بنفس مشاعر الغضب اللي فيك الحين
نجد رغم خوفها نطقت : وش مشاعري بتكون ؟
الليث بجُرءة : خجـل وممكن كُره , لذلك اشتري سلامتك وحياتك
نجـد بحدة : عاجِـز , وما بتقدر تسوي شي لي
الليث ترك اللحاف وهو يتقّرب منها : اوريك عجزّي ؟
رجعت للخلف وتجمعت الدموع بسرعه ووقف هو مكانه ونطقت برجفة : ليه حارق نفسك ليث !
سـكت ومسحت دموعها هي من شتت نظراته عنها : ليه متزوجني ؟
الليث بهدوء اعطاها ظهره : بتكثرِين اسئلة؟
نجد : ما تنام الا مجاوب على سؤالي !
الليث : اختاري , اي سؤال ؟
نجـد سكتت لثوانِي ونطقت : التاريخ والاحرف , لمين ووش قصتهم؟
الليث تجاهل سؤالها بتهرب : الوقت تأخر وانا احس اني مصدع من الجرح , لا خلصتِي بربرتك سكري النُور
نجد رجعت لكومة الغضب : قلت اختار سؤال !! ليه جبان وما تجاوب ؟
الليث بجمود : أنا مسؤول أمام الله عن صدقي وعنْ نوايا قلبي , مانِي مسؤول عن تفكيرك ولاني مجبور على الرد
نجـد تكتفت بعناد : تدري اني ما بخليك تنام الا مجاوب على اسألتي ؟
الليث : بالعـة راديو؟
نجد بتجاهل : قول اللي تقوله , ما تنام الا مجاوب يعني مجاوب !
انسدح الليث بتجاهلها بكبرها , وصدمته لما صعدت بجنبه على السرير وتربـعت .. غمـض عيونه لجل مايشوفها وهو يحاول ينام ويتجاهل الافكار والاحداث اللي تجيه وصوت نجد الداوِي والزنـان عليه بشكل مستمر بـ تكرار لـ " ليه توشم وانت تدري حرام , طيب واضح لشي ليه ما تخبرني ؟ , مو معقول انك ما تشاركني شي , ليه شخصيتك كذا ؟ , وش سالفة الحرفين والتاريخ يا ليث ! , والله ماتنام وتتركني اتخبط باسألتي ! "
هزتـه من شافته مغمض وظنته نام فعلاً ونطقت بتأفف : ليث ما اهتم لتعبك اصحى وعلمني
الليث تكلم بحدة : نجد اذا ما سكتِي والله ما يوقفني شي !
نجد : قلت ما تقدر يعني ما تقدر ! ، دامك ما نمت قوم وعلمني , والله ترا بقول لابوي وثنيان وعمي فياض
الليث بسخرية فتح عينه : شوفيني ارجـف خوف ! اعلى ما بخيلك اركبيه
نجد بغضب : اجل لا تسكتنـي ! بظل احّـن
غمـض عينه بقوه وهو يسمعها تتكلم , راسه من الاساس مصدع فتح عينه ومسك وجهها بحركة سريعه وهو يطبـع شفايفه على شفايفها لتصمـت
ارتخـت حركتها وسحبـها لجل تنسدح بجنبه وابتعد عنها بهدوء من وقفت حركتها ونظراتها الراجفة : كذا اسكتـك , يلا نامي

ارتخـت حركتها وعيونها بدت تلمع من رُعبها .. ابتسم الليث وهو يرجع محله ويغمض وطيِف ابتسامة على محياه بعد ما هجدّها
التفت نجد للجهة الثانية وهي تشد على المخدة وسقطت دمعه تجهل سببـها وتحس على كثر برودة المكيف الا ان جسمها شّب حرارة من خجلهـا.
-

الصـباح , ببيـت يوسِف " ابو ثنيان "
على طاولة الفطُور ، هتان جالسة بملل بحكم ان نجد تزوجت وماعندها احد تسولف معه وخاصةً وطيف ماهي بنفس اسلوب نجد ابداً وما ترتاح معها !
انظارها على الصحن بهدوء وكل شخص مشغول بحياته
رفعت هتان انظارها من سمعت نبرة هجام الهادية بالسلام عليهم ، تبادلوا النظرات بصمت وكسرتها هتان وهي تشتتها بخوف من ملاحظة احد
كسر صمتـهم دخول ثنيان بجمود ملامحه ونطق ببحة وهو يشيل نظراته : السلامُ عليكم
رفعت هتان راسها له بغيـض وزاد غيضها من تجاهله لها وهو يتقدم لابوه وامه يقبّل راسهم
نطقت ام ثنيان بتساؤل من شافته بيصعد : ما بتفطر يمه ؟
ثنيان هز راسه بنفي : مو مشتهي وفيني نوم
تنهدت هتان بملل من شافت انظارهم عليها : بالعافية عليكم
ابتعدت عنهم وهي تصعـد لشقتـهم بتحلطم

-
تبادلوا النظرات بغضب اول ما دخلت هتان غرفتهم وهي تشوفه يفصخ بدلتـه ..
تكتفت بغضب وهي تنطق : ترا ابداً مب طبيعي اللي تسويه ثنيان ! وفوق ما انك غلطان تزعل ؟ مب طبيعي تراك
ثنيان : مصدّع , اخرجي برا مابي اتكلم
ضحكت هتان بسخرية وذهول على كلامه وتقدمت وهي تاشر له بيدها : هييي نسيت شكلك ؟
تأوهت من لف يدها لخلف ظهرها وهو يلصق ظهرها بصدره ونطق بهدوء مخيف : انتي اللي لا تنسين , ويدك هذه ما اشوفها ترتفع علي
هتان بتأوه : بس انت حلال ترفعها وتألمني ؟
ترك يدها وهو يناظرها بجمود ونطقت بحزن وهي تحاول تتغاضى عن صدمتها : اخر شخص توقعته يسوي اللي سويته الحين , الشرهه مب عليك والله

🌹📚 @storykaligi 🌹📚🖋
🍃🌹
🌹🍃🌹
🍃🌹🍃🌹
🌹🍃🌹🍃🌹