💐🍃💐🍃💐
🍃💐🍃💐
💐🍃💐
🍃💐
💐 79 ..
📚 😍 📃
📖 روايـــــــــــــة ✍🏼
{ شاركيني لو مشينا دروب الهنا وأعذريني لو لقيتي بدروبي عنا }
📖🖌 @storykaligi 💐🍃
قـبل ساعة ونص وحولها ,
عند الليث تحديداً بغضب امام الرئيس : كيف يعني اليوم؟ انجنيت انت !
الرئيس ببرود : هو كان اليوم اساساً ، بس اعطيتك خبر بانه بعد ايام ؟ وصلني ان ثنيان ماخرج من السلك للحين ! بتغاضى عن كذبك ونلتفت لموضوع ان اليوم ماهو مداوم ف انت بنفسك بتشّرف ع المهمة؟
الليث رمقه بنظرات تحدي : انت تعرفني زين ! لو ماودي اسويه فما رح اسويه ! ماتقدر تجبرني
الرئيس بتصغير عيونه : يعني تعترف انك خاين؟
ضحك الليث : صرت لا رفضت المهمة تتهم؟
الرئيس تقدم له بغضب : اجل اثبت لي
الليث بعصبية : لا تتركني احطّك ببالي .. تعرفني زين
الرئيس بتهدئة وطوالة بال نطق : خلاص ما اجبرك ! اطلب منك برجاء انك تشرف ع الحالة
الليث : اخر مرة تسويها لي ! ماني عبد عندك
ابتعد بقهر وهو يشتمه واتجـه نوح الشاحنات وهو يناظرهم ببرود اطلق تنهيدة من تذكر نجد ونطق : وين كان لازم نكون ووين صرنا
زم شفايفّه بتفكير من سابِع المستحيلات الان يقدر يخبر غازي " رئيس الاستخبارات " بحُكم ان مُراقب ! ومحد عنده خبر بان رح تمشي اكبر شُحنة غير قانونية !
اخذ نفّس وهو يحس بضيق على كُبر المكان ووسعه الا ان انفاسه ضايقه !
-
بعد نصف ساعه توجه فيها للميناء بحكم ان الشحنة بتمشي على طريق بحرّي لسهولة الوضع !
وسط غضب الليث وشتمّه للرئيس بداخله ومتوتر بطريقة رهيبَة وخايف تنجح هالعملية وبسببه هالمرة !
اشر لاحد الرجال ونطق بحدة : اربطوهم زين وبقوة لجل لا يطيحون بالباخرة !
وّسط حوستهم بطريقة نقل الصناديِق التف الليث لصافرات سيارات الشُرطة واضواءها اللي سطّت على المكان برهبة شديدة لجميع الرجال !
صغر عينه وهو يشوف ضوء السياره يتوجه لعينه ومباشرة
جا خيالها بباله ! رغم معرفته بان يخرج من الموضوع بتدخَل غازي .. مثل الشعرة من العجين وما هو خايف بسبب هالشي كثر خوفه عليها هي بالذّات على روحه اللي يعّنيها فعلياً لما قال " ياروحي " ..
الشرطي اشر لهم بالسلاح وهو ينطق بحدة : ارفعو يدينكم ولا تفكرون تتصرفون بغباء المكان محاصر !
الليث تقدم ببرود وهو رافع يده بمعنى الاستسلام
ونطق الشرطي وهو يتراجع : اوقف محلَك
وقف الليث وهو مبتسم بهدوء وسط إستغراب الشرطة من حركاته الواثقه وإبتسامته عكس بقية رجاله الخايفين !
اشر شرطي للثاني لجل يفتشون الليث ورفع الليث ذراعه بهدوء ونطق الشرطي بعد ما شاف فيه شي : نظيف
لوى الشرطي ذراعه وهو يكلبّشه ورفع حاجبه من سمع احد الشرطة ينطق بغضب : ملاعِين تظنون الموضوع بهالسهولة ومافيه حكومة بهالبلد !!
-
بمركـز الشرطة .. وبعد ساعه من انتقاله للمركز وعدم وجود غازي و ماوصله خبر !
بدأ الليث باضطراب انفاسه وعصبيته على اقل شي يهز رجله بتوتر فضيع ينتظر نداءه لـ التحقيق!
رغم ان فرحان ان اُحبطت العملية وماعنده علم بكيف وصلهم الخبر ! وعلى انقهاره من الرئيس .. ويتمنى لو ان كان بمكانه وانتهت هاللعبة
خلل يده بشعره وهو تعبان من شدة تفكيره اللي يوديه ويجيبه حول شخص واحد وبلا شك هو نجد !
-
رجفّت خطواتها وهي تحس باضطراب انفاسها ! رغم اعتدال الجو وميُوله للبروده الا انها تحس بحرارة بجسمها مو طبيعية
سكرت من ابوها ومباشره اتجهت لاسم ثنيان
استغرب ثنيان اتصالها وخرج مِبتعد عنهم وهو يرد عليها : نجد؟ صاير شي
نجد برجفة وعدم قدرة على الوقوف والتكلم : ثنيان تعال لخلف البيت
ثنيان نطق باستغراب وخوف : نجد فيك شي ؟
سكرت وهي تستند على الجدار برعب من حست برجلها تخونها .. بفستانها الاسود اللي يشبه سواد حظّها ويومها
غمضت بهدوء لجل تزيل التوتر وهي تحس بنزف انفها بالدم رفع ثنيان ثوبه بفزع من شافها طايحه وهو يركض باتجاهها : نجد ياقلبي انتي ! وش صاير
نجد بكت مباشرة وهي تشوف ثنيان رغم توتره من اللي صاير يمسح الدم اللي ينزف من انفها بالمنديل : الليث ثنيان
بردت ملامح ثنيان وهو يترقب اسوء الافكار : وش صابه الليث ؟
نجد ببكاء : ابوي دق علي يقول الليث انمسك ! ثنيان ليث انمسك من العصابه اكيد اذا ما طلعوه الحين يتهمونه !!
ثنيان عقد حاجبه من الموضوع واخذ نفس وهو يزفره : من قالك بيتهم هو استخباراتي يا نجد ! امسحي دموعك
نجد زمت شفايفها برجفة ونطقت بجنون : انا مصدومة انا ليه حظي سيئ !!
💐📚 @storykaligi 💐📚🖋
🍃💐
💐🍃💐
🍃💐🍃💐
💐🍃💐🍃💐
أنت تقرأ
شاركيني لو مشينا دروب الهنا واعذريني لو لقيتي بدروبي عنا
ChickLitرواية سعوديه منقولة ( فقدان ، قتل ، ظلم ، محاولة زواج اجباري ، غرور وتكبر ، شجاعة ، مشاعر ، صداقة ، وفاء ، حب ، زواج ، وفاء ، بحث ، تحدي ، نهاية سعيدة ) تابعونا ... @storykaligi 📖
