شاركيني لو مشينا دروب الهنا واعذريني لو لقيتي بدروبي عنا

البارت الثامن والخمسين

🍒🍃🍒🍃🍒
🍃🍒🍃🍒
🍒🍃🍒
🍃🍒
🍒 58 ..

📚 😍 📃
📖 روايـــــــــــــة ✍🏼
{ شاركيني لو مشينا دروب الهنا وأعذريني لو لقيتي بدروبي عنا }

📖🖌 @storykaligi 🍒🍃

انتظرته بهدوء وهي تطقطق بجوالها وتكمّل كذبتها من خوفها من هتان بأن زحمة الطريق قويه لان ويكند
وقفت من دقّ عليها يخبرها وصل وخرجت له ، نطقت بهدوء وهي تسكر الباب : سلام عليكم
الليث بجمود : وعليكم السلام ، وين بتروحين؟
نجد بهدوء : لصديقتي ، كوفي **
رفع الليث حاجبه بعدم اعجاب ونطق : تطلعين كثير كوفيهات ؟
هزت راسها : بس ذا اروحه يعني
الليث : قللِيها
رفعت نجد حاجبها بعدم اعجاب من طلبه : بس متعوده اروح ! وانا ما اتاخر
الليث ببرود : وانا الحين ولي امرك ! ثانياً لا تنسين انك لا زلتي بخطر التهديد لا تعطين نفسك وجه واجد
نجد : ممكن تعدل اسلوبك شوي ؟
الليث هز راسه بنفي : ماهو انتي اللي تعلميني اسلوب الكلام
نجد كتمت غضبها وهي تسكت عنه ، ماودها توجّع راسها الحين ابد معاه
الليث وقف على جنب بغضب : كلمي صديقتك بانك ماراح تروحين
نجد بغضب : نعم؟
الليث بغضب : بسرعه
نجد : بدق على ثنيان
تكتف ببرود وهو يرمقها : دقِي على ثنيان تخوفيني يعني !
نجد بهدوء بلعت غصتها لجل ما تبكي : وش وراك انت ! من بدايتها تعامل زفت ؟

.
وقفت بملل وهي تتقدم لـ البارسيتا وتطلب منه قهوه
وصدّت وهي تشتت انظارها بجمود على الاغراض ، استغرب من وجودها ونطق بهدوء : هتان ؟
التفت هتان له بذهول ونطقت : ثنيان ؟ هلا
ثنيان لوى شفايفه وهو ينطق بـ هلا ، ونطقت هتان : وين نجد ؟
عقد ثنيان حاجبه : نجد ؟ بالبيت
ضحكت هتان : شلون بالبيت واهيه تكلمني تقول انها معاك وجايّتني ؟
ثنيان : كنت مع جدتي !
هتان عضت شفايفها بغضب : حسبي الله عليها
ابتعدت عنه بهدوء وهي تتصل عليها بجمود ومن ردت نطقت بغضب : ماشاء الله يالجذابه عيّل انا مع ثنيان ها
نجد بغصه : شفيك ؟
هتان : ثنيان هني وانتي مب هني ، وينج انتي ؟
نجد رمقت الليث اللي نزل من سيارته يدخن ونطقت بهمس : هتان ماراح اجي
هتان بشك : لحظة لحظة ، شفيه صوتج؟
نجد : شفيه؟
هتان : مع منو انتي ؟
نجد بهدوء : مو مع احد هتان ارجعي ماراح اجي
هتان بغضب : تشوفين بس ان صدتج
قطعّته وهي تلف لثنيان اللي عاقد حاجبه : وينّها؟
هتان : بالبيت مارح تيي " تجي " ، انا برجع مع السلامه
ابتعد عنها بهدوء وابتسم من شافها لاول مرة تسحب كوفيها ، تأشر وتتكلم بالاتصال وتاخذ اغراضها بيدها اليسرى وعرف انها " عِسرى " مثله

.
نجـد التفت وهي تشوفه يصعد بجنبها ونطقت بصرامه : لا تظن ابد اني راح اسمح لك بكل مرة تسوي اللي سويته معي ! لو من بدايتها كذا انا اقدر اتراجع
الليث رمقّها بحده وهو ينطق بجمود : لو ودك صديقتك تنطر كملي على هالموال طيب ؟
نجد كتمت صرختها وهي تشوفه يسوق ببرود ، ماهي فاهمة تناقضه وكلامه ومنعه لها وكيف هي ما كلمت اخوها فعلا!
.

بنهاية الاسبوع .. وقبل ساعات من سفرهم للبحرين
بعد موجة الاحداث الخفيفة اللي مشت بشكل روتيني
هتان رجعت البحرين بحكم ان عندها اجازة وبعد ما اعطاها ابوها الخبر .. ثنيان اللي كان يراكّض لجل يخرج اوراق الزواج وياخذ اجازة
بشرى اللي حرفياً صادّة وبكل مافيها عن فياض اللي ما شافته من اسبوع بعد ماخرج لجل الدورة التدريبية
وما اتصلوا لبعض الاثنين
نجد والليث ، معاملته اللي من سيئ لاسوأ معاها وهي متجاهلته تماماً لجل تعرف خاتمتّه معاها !
هجام وهدوءه الفتره الاخيرة تارك الكل ينشغل بالهم عليه
طيف اللي ماقدرت تسافر السعودية بسبب ثنيان اللي رفّض ، وكسرة نادر وقتها لان كان بخاطرها لكن ثنيان ماوده يخاطر فيها بهالوقت
وهتاف وورد على حالهم ، وذكرى هتاف بالفتره الاخيرة يدور حول هجام وطلاقه وحكيّه وانبعاث سمومه ..

.
نزلت نجد وهي تشوف امها تجهز هدايا هتان وتحطهم بالسياره وابتسمت بتنهيده : ماتوقعت بيوم ان صديقتي تكون زوجة اخوي ، الله يتمم لهم على خير
ابتسمت ام ثنيان لها : ولا انا توقعت بهالسهولة وبهالسرعه بتطلع اجازة اخوك ولا فحص الزواج
نجد ضحكت وهي تساعدها وسط سواليفهم عن زواج نجد ، وطيف اللي مشتاقين لها ولثاني اخوانها يتزوج بعدم حضُورها ..
بيطلعون بعد ساعتين لجل يوصلون العصر ويرتاحون ويروحون لهتان بالليل ..
.

امريكا ,
طيف اللي ما اكتفت من البكاء وسط مواساة هتاف لها : يمكن خيِرة
طيف مسحت دموعها من حست بالصداع : ثاني اخواني هتاف ثاني اخواني يتزوج وانا ما اكون موجودة ! طيب ليه

🍒📚 @storykaligi 🍒📚🖋
🍃🍒
🍒🍃🍒
🍃🍒🍃🍒
🍒🍃🍒🍃🍒