شاركيني لو مشينا دروب الهنا واعذريني لو لقيتي بدروبي عنا

البارت الواحد والستين

🍁🍃🍁🍃🍁
🍃🍁🍃🍁
🍁🍃🍁
🍃🍁
🍁 61 ..

📚 😍 📃
📖 روايـــــــــــــة ✍🏼
{ شاركيني لو مشينا دروب الهنا وأعذريني لو لقيتي بدروبي عنا }

📖🖌 @storykaligi 🍁🍃

تقدم ثنيان وهو يجلس جنب امه بفزع من بكاءها
ومن بكاء نجد وهي محتضنه امها ومسك يدها بكفه والكف الثانيه على خدها ونطق بعد ما قبلّ يدها : يمه بخير انتي ؟
سحبّت ام ثنيان كفها ونطقت بعتب : انا يا ثنيان ؟ انا تسوي فيني كذا
عقد ثنيان حاجبه باستغراب : وش سويت يمه؟
ام ثنيان ببكاء : انا يايمه تسوي فيني كذا وتوعدّني وتخلف بوعدك؟
ثنيان بردّت ملامحه وهو يناظرها بهدوء ، كسّرت قلبه لما سحبت يدها منه ونطقت بصرامة : والله انّي ماهقيتها منك يا ثنيان والله .. لي الاجر على حزني لي الاجر
ابتعدت عنه وراح خلفها وهو ينطق بتبرير : والله يايمّه انِي احبك وماهو مقصّدي اني اخلّف كلام ووعود بس
قاطعته ام ثنيان وهي تدخل : بس بس مابي اسمع منك كلام بعد
وقف ثنيان بمكانه بجمود وهو يحس ضاقت فيه الدنيا بزعل امه عليه ! تجمّعت الاحداث وارتبطت ببعضها وعرف ان هجام سمّعه وقالّهم ! وخرج للخارج وهو يدور عليه والغضب معميِه لكن هجام حرّك من فترة وماله اثر
ضرب ثنيان الباب بقهر وتجاهل الالم والجروح اللي تشاركت على كفوفه ودخل للداخل وهو يخلل يده بشعره بقهر عظيم يحس فيه ولو يحرِق المكان لاحرقه من كمية المشاعر .. تقدم فياض من شاف الكل دخـل يشوف ام ثنيان ويهديها : ماعليه ممكن خيِرة يا ثنيان
ثنيان بقهر : وش خيرتّه فياض ! امي زعلانه علي متخيّل ؟
ضحك بسخرية من نفسه : متخيَل حظي التبِن وصلني لان امي تزعل علي متى؟ بيوم ملكتي فياض
فياض بجمود : تتدبر ! انا عارف امي مستحيل تتركها وبتفَهمها رغم صدمتهم ! هونّها وتهون
ثنيان ابتعد عنه وهو يدخل داخل وصّد فياض بهدوء وهو يخلل يده بشعرّه من كمية الاحداث !

.
دخـل ثنيان داخل وهو يبحث عن امه بيبرر لها .. مايقوى على زعلّها ابداً ويحس ان حياته تظلّم لمجرد ما يعرف ان امه زعلانه عليه !
خرجت فاطمه من غرفة ام ثنيان وهي توقف امام ثنيان اللي جا بيدخل : اتركها تهدأ يا رجل
ثنيان وهو يكتم قهره وغبنته وكل شُعور مُر تجمّع عليه : امي زعلانه علي وين اقدر اشوف الهداوة بعدها
مسحت فاطمة على راسه بحنيه : روح وكمّل تجهيزك وانا اكلمّها
ثنيان هز راسه وهو يبلع ريقه : بتصل لعمي اقوله ماراح نجي
نطقت فاطمة بصرامة : انهبلت؟ البنت تنتظرك والموضوع سهل وعندي شفيك ؟ خلاص امك يوم يومين وبتتساهل مع الموضوع
ثنيان : ما اخرج من هنا وهي زعلانه علي
فاطمة اشرت له : روح انت ماهي زعلانه عليك بس مصدومة
تنهد ثنيان وهو يبتعّد عنها بحزن .. صعد لشقته وهو يسكر الباب عليه ويستند بقهّر ! يحِس بغدرة اخوه تطعن اكثر من اي غدرّة ثانية ! غدّرة قريب توجّع مية مرة من غدرّة بعيد ~
.
بعد ساعِه من اقناع فاطمة ، والجد عبدالله اللي تعزّهم ام ثنيان كثير ، ودخول فياض واقناعها بالمثل بأن ثنيان عاشِق لشغله وبندقيته و شخصيته وعملُه مُهم جداً
ولحظات من اقناعها بكثير امور بدت تهدأ فيه ام ثنيان رغم عدم مسامحتها لـ ثنيان ..
.

خرّج فياض من بيتهّم بتعب بعد ما ارسل لثنيان ان خرج وامه فاطمه تبيه وهو يتوجّه لبيته ، اسبوع من اخر مرة سمع صوتها والشوق تعدّى رُغم المكابر بين الاثنين .. لولا العاملات اللي يطمنوُنه عليها لكان فياض متوسط بيتهم من لحظة عدم ردها ويظن ان مكرُوه صابّها !
حبّس انفاسه رغُم العصبيه اللي محتلته من تصرفها اللي بنظره طفُولي بعد اعتيادهم طول هالسنين على شخصيات بعض !
دخـل فياض بعد ما وصل وعينه تبحث عنها بجمود
مع نزول بُشرى اللي تجمدت بوسط الدرج وهي تنشر نظراتها على ملامحه الشِبه غاضبه وتترك الفوطة اللي كانت تجفف فيها شعرها بخفوت من شافِته بلعت ريقها بصعوبة وهي تشوف نظراته الحادّة تجاهها ومن دون شعور فياض بسبب عينه الحادة اصِل ، وما يتصنعها ابد
رغم شوقها وانتظارها لكلمه منه بردت ملامحها من صعد الدرج وابتعد يكمله بعدم اهتمام لها ، رفعت انظارها له وابتسم بخفوت من حس ببرود ملامحها وصدمتها من تجاهله لكن فياض رايِق ومواله طويل معاها
انتشِلت مرارة الشعور بجمودها وهي تنزل تكمل خطواتها تجاه المطبخ لتسحّب قارورة موية ببرود خارجي متجاهلة رجفة يدها من مُر تجاهل فياض لها
رُغم انها كانت تتوقع الاسوأ من ردة هالفعل ..
اخذت نفس وهي تزفّره بقوه وماودها تصعد وتشوفه رُغم ان النوم متمكّن منها وبشِدة
التفت للعاملة اللي نطقت بهدوء : مدام يبي يحط اكل لمستر فياض اند يو ؟
هزت راسها برفض : اتركيه للعشا مو مشتهيِة
العاملة : مستر فياض ؟
هزت بشرى اكتافها وهي تترك كوب الموية وتبتعد : اسأليه

🍁📚 @storykaligi 🍁📚🖋
🍃🍁
🍁🍃🍁
🍃🍁🍃🍁
🍁🍃🍁🍃🍁