شاركيني لو مشينا دروب الهنا واعذريني لو لقيتي بدروبي عنا

البارت 140

🌷🍃🌷🍃🌷
🍃🌷🍃🌷
🌷🍃🌷
🍃🌷
🌷 140 ..

📚 😍 📃
📖 روايـــــــــــــة ✍🏼
{ شاركيني لو مشينا دروب الهنا وأعذريني لو لقيتي بدروبي عنا }

📖🖌 @storykaligi 🌷🍃

نفضت نفسها منه ونطقت بحدة : انجرحت؟ زعلت ؟ من جد ! هذا ولا شي من اللي سويته فيني وابداً لا تظن اني برجع احبك واعرف اني صابره على اللي قاعد تسويه ورادة لك لان ودي اشفي غليلي وتدري بعدها وش بسوي ؟ اتركك مثل ماتركتني
رمقها هجام بنظرات متفاجئة من كلامها القاسي مباشرة !
لكنه رجع احتقن بالحُمرة ونطق بغضب : تخسين وتعقبين واللي ماتطولينه بيدك طوليه برجلك يابنت ابوك
خرج بعد ماصفق الباب بقوه ادى الى خوف هتاف من حدة كلامه ونظراته .. رغم انها متاكدة ان انجرح وكثير لذلك ابتعد وخرج عنها

.
من رجعت من الدكتورة وماوقفت بكي بعد ماعرفت عن جنس جنينهم .. بكل مشاعرها مندفعه تكلمه وتعتذر وترجعه لها ويقضون وقتهم بأحضان بعض ، ميته وبتموت اكثر لو ظلت ! تحس بأن مشاعر الشوق وصلّـت سابـع سمـا وودها الحين يجيها كتمت نفسها بمخدتها على السرير ورفضت تاكل بعد ماعرفت بأن " نُـوح , يوسف , قصي , عبدالله , او احمد " قادم ..
ماحـددت اسمه بعد ماعرفته بانه ذكر , ولا صار بينهم موقف هوشتهم على اسم ترفضه هتان او يرفضه ثنيـان ! وماقد جاب طارِي بأن رح يسمي باسم ابوه ! وهي كذلك
رُغم حبها الكبير لأبوها ولكن ماودها تسمّي بإسمه لان ابوها مختلف واسمه مختلف شعوره
مسحت دموعها وهي تسحب انفاسها من سمعت طرق الباب وحست بأن ابوها .. مشتتـة وكثير وماتعرف من يجمع شتاتـها بعد ماكان يجمعه ثنيـان , ضايعه بدونه وكثير وحاسة بغيابه .. لدرجة انها تعترف بأنها تحبه وكثير وماحست بقيمته الا بعد اللي حصل !
نطقت ببحة بكاءها لتأذن دخول ابوها : تعال يبه
دخل عبدالله راسه وهو يناظرها : شفيها حبيبتي ؟
ابتسمت هتان بتعب وهي توقف وتتقدم لتحضنه : يبه مشتته
عبدالله ابتعد عنها وهو يمسك كفوفها : اجمّع شتاتك يابعد الدنيا .. وش وظيفتي بالدنيا غير حمايتج ؟
جلس وهو يجلسها بقربه وشبه بحضنه : سمعت انج رايحه للدكتورة تسوين سونار
ابتسمت بخفة وهي تنطق بعد ماهزت راسها : عرفته
ابتسم عبدالله بحماس : اي .. شنو اهو ؟
بلعت ريقها وهي تناظره بدموع : ينتظر سماوتك يبه
قهقه بقوه وهو يحس بدموعه تتجمع من الفرحة .. قبّل جبينـها وهو يشكر الله : الولد ولدكم ياروح ابوج .. الله يرَد ابوه لامه يارب ويحفظه لكم
هتان شتت انظارها وهي تتنهد ..
رجَع خصلات شعرها للخلف وهو يناظرها : تعرفيني ياحبيبي ما ارجع اتدخل اكثر من مرة .. لكن لو ودج اكلمه من يديد عشانج اكلمه
هزت راسها بنفي : مب الحين يبه .. نشوف شاللي الله كاتبه
تنهد عبدالله من رفض واصرارها الاكبر وابتعد عنها وهو ينطق بهدوء : بخلي العاملة تسويلج اكل , اكلي ونامي انزين بابا ؟
هزت راسها بموافقة وما ان خرج ابوها انسدحت على الكرسي وهي تبحر بأفكارها ..

#يـــــتـــــــبــــــــــع...

🚫 يسعدنا مشاركة الرواية ولكن لا نبيح ولانحلل حذف توقيع القناة 🚫

https://t.me/joinchat/AAAAAD1p6TqBBTyITQumpA

🌷📚 @storykaligi 🌷📚🖋
🍃🌷
🌷🍃🌷
🍃🌷🍃🌷
🌷🍃🌷🍃🌷