شاركيني لو مشينا دروب الهنا واعذريني لو لقيتي بدروبي عنا

البارت 86

💐🍃💐🍃💐
🍃💐🍃💐
💐🍃💐
🍃💐
💐 86 ..

📚 😍 📃
📖 روايـــــــــــــة ✍🏼
{ شاركيني لو مشينا دروب الهنا وأعذريني لو لقيتي بدروبي عنا }

📖🖌 @storykaligi 💐🍃

شتت انظاره بعدم رد ينتظرها تكمّل عتبـها .. عتبها اللي ما تكتمه ابد مسحت وجهها وطرف اصبعها يتمرر على عيونها لجل توقف الدمعه اللي على وشك النزول : ساعه نستانس فيها و١٠ ساعات حزن وكآبة ! ليه احسك تندم ع الابتسامه معاي ؟
ضحكت بسخرية وهي تناظره بهدوء : عفواً قصدي مع نفسك ! ترا الابتسامه ماهي عيب يالليث استوعب
الليث طال بنظره لها ، لين توترت نجد من سكوته وخلص كلامها جات بتمشي ونطق هو بهدوء من وقف بوقفته المُعتادة وهو محتضن كفوفه خلف ظهره : طبيعي انك اول جنس لطيف اعاشره ؟ طبيعي اني ماعشت مثل ماعاش اخوك وكيف تتمنيني اكون مثله! طبيعي اني انا الليث وهذه شخصيتي وممنون منها .. على الضغط اللي يجيني الا اني ما اشتكي ! على سوء الظن اللي تظنينه فيني كل ما سرحتي بعقلك واسمّي يسبح براسك ! الا اني احترّم رغبتك وكلامك وحتى حزنك احترمه
ماقدر ينطق بالحُب بهاللحظة ! يحب ، يِحب كلامها ونبرتها وجهها وملامحها .. شخصّها وروحها وكل شي من نجد يحبه ويستلطفه
بلعت ريقها وهي تشيل خصلات شعرها اللي ازعجتها من الهوا : متى بتعتدل معي ؟
الليث بلل شفايفه وهو ينطق ببرود : بعد سنة وحرب
نجد عقدت حاجبها من اجابته المُبطنه ونطقت بمراوغة أكبر : ومتى تنتهي الحرب ؟
الليث : لما اعتدَل
نجد رمقته بنظره غاضبة وهي تبتعد عنه .. لفت من مشت عنه كثير وشافته يناظرها : مابي اشوفك لين يوم العرس ! وليت اصحى من الكابوس اللي فيه قبل العرس حتى

ابتسم الليث بحزن وهو يدخل يده بجيوبه ، اخذ نفس طويل وهو يزفره ويتأملها تبتعد عنه
خلل يده بشِعره وعقد حاجبه من جواله اللي يرن وتأفف بملل من لمح اسم " ن.ع " على شاشته " نايف العصابة "

دخلت نجد بغضب من نفسها وخرجت هتان بوجهها وهي تنطق : وينج انتي ادورج واختفيتي ؟
نجد : برا كنت امشي
هتان : فيج شي ؟
نجد هزت راسها بنفي : وين امي ؟
هتان عقدت حاجبها : بالمطبخ
نجد شافت الساعه ونطقت بحزم : هتان تو الناس شرايك نروح المول ؟ عندي كم شي باقي اشتريه ونتغذا ونرجع
هتان رفعت حاجبها بذهول : متاكدة ؟
نجد هزت راسها بحزم : اكيد ! ، بروح ابدّل وانتي يلا انتظرك
هزت هتان راسها بحماس : انزين خل نروح المطعم اللي قلت لج عنه
نجد : طيب نشوف بس يلا
هتان صعدت خلفها وهي تنطق : بقول لثنيان اجل اننا طالعين
نجد هزت راسها وهي تدخل غرفتها واكملت هتان تجاه جناحهم

-
بالمُسشتفى .. عِند بشرى
بيدها كيس كبير بمساعده الممرضات يحملون هدايا المرضى من بُشرى
بشرى ابتسمت بتوسع من احتضان طفلة لها : يا عيني انتي
لفت تاخذ هدية وتمدها للطفلة من ذوي الاحتياجات الخاصة وهي تقبّل خدها .. كانت كعادتها بقسِم مرضى القلب للاطفال واغلبهم كانو من متلازمة داون ، عِشق بشرى هالفئة

-
عصبت هتان من عدم رد ثنيان واكره ما عليها هو عدم الرد بالرغم من قراءته لرسالتها !!
اتصلت عليه وما رد بالمثل ورمت جوالها وهي تنطق : لكن الشرهه علي انا باخذ اذنك .. بالطقاق
فتحت دولاب الملابس تخرج لها ملابس بتكشيرة بعد ما عدم ثنيان روقانها اللي ماتعرف سببه وهي تسحب بلوزه سوداء علاق وجينز .. التفت تدور احدى العبايات وسحبت عباية بيضاء بزينة ذهبية ع الاكمام وطرحة بذات اللون
لفت طرحته وهي تخرج بخروج نجد وهي ماسكه نقابها : نمشي ؟
هزت هتان راسها بصمت وهي تتحسس شنطتها : نسيت تلفوني ، تقدمّي انتي
مدت لها مفتاح سيارتها وهي تشوف نجد تبتعد
نزلت نجد ودخلت هتان تجيب جوالها وعصبت اكثر من مالقت رد من ثنيان .. شتمته بداخلها وهي تنزل وتحاول تمتص غضبها واستغفرت من شافت حصة بالصالة
تمتمت بداخلها : هذه اللي كانت ناقصتني
التفت تدور نجد بتجاهل لحصة اللي وقفت بتخرج للحديقة واقتربت من جنبها وهي تنطق بخفوت : بنت ** وتتكبّر

هتان رمت شنطتها وهي تلف لحصة اللي اذهلتها بشتيمتها الصريحه : لا عاد لي هنيي وبس مصختيهاا
دخل ثنيان وتوسعت عيونه من شاف هتان بملامح متجهمة بتضرب حصة بدخول نجد خلفه بفزع وخروج الكل .. رفع هتان بيده من شافها تصرخ على حصة
وسط استغراب الكل : ترا كنت محترمة انج عجوز كبر جدتي ومافيه عندج موضوع غيري لان ثنيان خذاّني واقهرج بس تراج مصختيها
حاوط ثنيان خصر هتان وهو يمسكها بقوه .. ومسك فمها وهو يرمقها بشبه غضب على كلامها : هوب هوب اهدّي

💐📚 @storykaligi 💐📚🖋
🍃💐
💐🍃💐
🍃💐🍃💐
💐🍃💐🍃💐