🌻🍃🌻🍃🌻
🍃🌻🍃🌻
🌻🍃🌻
🍃🌻
🌻 120 ..
📚 😍 📃
📖 روايـــــــــــــة ✍🏼
{ شاركيني لو مشينا دروب الهنا وأعذريني لو لقيتي بدروبي عنا }
📖🖌 @storykaligi 🌻🍃
عقدت حاجبها وهي تلوي شفايفها وتتقرب من النار وتجلس بقربها لتدفى من حست ببرود كفوفها .. فزت من وضع على اكتافها الفروة الخاصة فيه بعد دقايق طويله من اختفاءه ومن هدوءه حتى بخطواته اللي ما انسمعت لين ما وصلّها : سُبق وقلت ان هدوءك وسكوتك يخوفنِي ما يهديني .. ندمان؟
الليث بدون مراوغة : وش ودك تعرفين؟ , الليلة وبهالوقت والجلسـة اقولك كل شي تبينه وبعدهـا تحددين المصير
نجد بذكاء : انت متردد صحيح؟ متردد بشكل وتخاف اني اخون ثقتِك فيني ؟
رفع نظره لها بجمود : كيف عرفتي إني واثِق فيك؟
نجد شدت على فروته : لو مب واثِق كان ما تكلمت معي بهالشكل , وما رضيت تتكلم بأي شي اصلاً وتركتني ومشيت مثل كل مرة .. هالمرة غير هالمرة انت نفسك رافضة تعاند اكثر لانها انهلكت من الصمت
سكتت لثواني ونطقت : لا تخاف , ماني انا اللي بعد ما اخذ نصيبِي من اللي ابيه اتركه
بلل شفايفه وهو يلعب بالعصا من جديد : ماهي وشوم على جسمي ، واعرف الله وأحكامه قبلّك
لوّت شفايفها بعدم اعجاب : اجل وشو؟
الليث ببرود : حرُوق والأسود بقلّم
ضحكت نجد بسخرية ذاهلة : تحرق نفسك لجل مين ؟
الليث : من ضمن العصابة ضروري احفّر لي على رموز العصابة ! لجـل اكون فرد منهم
نجد بتذكـر : الحرفين والتاريخ بعد لهم علاقة ؟
الليث بهدوء هز راسه بنفي وتجاهلت نجد بمزاجها من شافت صمّته : عُمري ٣٢
انذهلت نجد أكثر وهي تعتدل : أكبر مني بعشر سنين وانا آخر من يعلم؟
الليث ابتسم بهدوء : ليه كم تعطيني ؟
هزت اكتافها : ٢٦ اقصى عُمر !! ماتوقعتك أكبر من ثنيان أصلًا
الليث ضحك ببحة وهو يكـح : عوافِي على ذهولِك , ليه بتتراجعين الحين لاني اكبر منك بعشر سنين؟
نجد لوت شفايفها وهي تناظره بتصغير عينها : أثاريك عجوز وانا بريعـان شبابي
رفع الليث حاجبه بذهول وكتّم لضحكته : انتبهِي مني ترا للحيني بعقلي ومافقدته
-
" عِند هجـام "
دخـل البيت بقلة حيلِة , وهو لا زال يبحثّ عن عمـل !
ندّم على كل لحظـة كان فيها مستهتر بشـغلة ومايهتم له
وهو يعرف بصعوبة إيجاد عمل هالفترة !
تنهـد وهو يفصخ شماغه وانتبه لهتان وأمامها بُشرى
يسولفون والواضح انهم بيمشون مع بعض !
صغر عينه وهو يتقدم وينطّق السلام بجمود وشتت هتان انظارها بينما بشرى ردت بخفوت : أخبارك مرة عمي؟
بشرى : الحمدلله بخير
رمّق هتان بهدوء وهو يبتعد ويدخل للداخل , التفت بشرى لهتان اللي تعدل طرحتها ببرود : صاير شي ؟
هتان هزت راسها بنفي ونطقت بشبه حدة : اقولج ابي اروح البحرين عشان ابوي ، تقومين تقولين لهم بتقعد عندي كم يوم ؟ لعب يهال اهوه عشان اخاف ولا بياكلوني مثلاً؟
بشرى : اقول لا يكثر بس ! , حسيت انهم بيسألون مليون سؤال لو قلتي بتروحين بعدين انتي شمدريك ثنيان يتاخر ؟
هتان بظنون عميقة : اسبوعين بظل فيهم بروحي يمكن افقد عقلي فيهم لين مايرجع
ضحكت بشرى بسخرية : اسبوعين؟
هتـان هزت راسها بخفوت بعدم فهم : امشي بس امشي
بُشرى : لازم تجلسين بالبيت وما تتحركين كثير , اول حمّل لك لازم تنتبهي عليه
هتـان مشت امامها وهي تصعد السياره : شدعوه تحسسيني كل يوم اناقز
بشرى : مب موضوع تنقزين ولا غيره كثر ما هو راحة لك , موضوع لعبك بالاكل انسيه بترك العاملة تسويلك اكل صحي على وجبات وياويلك لو ما اكلتي
هتان بعدم اعجاب : لين متى بقعد معاج ؟ ابي ابوي ترا والله ما يوقفني شي ما تدقين علي الا انا بالبحرين !
ضحكت بشرى وهي ترفع بطاقة أحوالها والجواز : اوه صار عندي جواز وبطاقة بحرينية
شهقت هتان وهي تلف : من سمح لج تمدِين يدج تاخذينهم؟
بشرى ضحكت وهي تنطق : انتي ذكية لكني اذكى بمراحل يلا خلينا نمشي
أنت تقرأ
شاركيني لو مشينا دروب الهنا واعذريني لو لقيتي بدروبي عنا
ChickLitرواية سعوديه منقولة ( فقدان ، قتل ، ظلم ، محاولة زواج اجباري ، غرور وتكبر ، شجاعة ، مشاعر ، صداقة ، وفاء ، حب ، زواج ، وفاء ، بحث ، تحدي ، نهاية سعيدة ) تابعونا ... @storykaligi 📖
