🔮🍃🔮🍃🔮
🍃🔮🍃🔮
🔮🍃🔮
🍃🔮
🔮 155 ..
📚 😍 📃
📖 روايـــــــــــــة ✍🏼
{ شاركيني لو مشينا دروب الهنا وأعذريني لو لقيتي بدروبي عنا }
📖🖌 @storykaligi 🔮🍃
بدر بابتسامه : انت , ما جبتوا ولد شتنتظرون تسمون على اسمي !
ثنيان رمقه بنظره : تخسي
بدر حك خده : افا ، تمون تمون
ثنيان اخذ نفس وزفره ونطق بتردد : بيودون الولد لامه ؟
بدر : قصدك الياهل ؟ ايه ما بتدش انت
ثنيان اخذ نفس وهز راسه بتردد : مادري
مد بدر يده لثنيان : ادخل ، تراه ولدك مثل ماهو ولدها .. وترا انت زوجها للحين يعني حلالك لو دخلت غصباً عليها وماعليك ترا هتانوه راسها يابس بس بالنهايه بترضى
تأفف بخفوت وهو يمسح على شعره بهّم
.
انتبه للممرضة اللي تجر السرير الصغير , بداخله طفلّه
وقطعه منه .. ابتسم وهو يوقف امامها ويناظر ولده بابتسامه كبيرة .. مسح على خده بطرف اصبعه وهو يفتح المجال للممرضة تدخل وعينه مافارقت ولده
-
دخـل خلف الممرضة وهو يشوف هتان متحجبة لوجود بدر وناصر .. ابتسم بخفوت لتغيرها وانتبه لها تلاعب طفلهم وانظار الجميع عليهم الاثنين .. بولهه من ثنيان وعدم مبالاة من هتـان اللي حقيقةً صملت على موقفها والطلاق اكبر حل .. لان ثنيان ما يناسبها ولا يناسب اللي هي عليه ويستاهل احسن منها
-
عبدالله بابتسامه : يابوي ثنيان قرب .. شوف ولدك تعال قرب
تنحى عبدالله متجاهل نظرات هتان اللي ارتفعت رافضه .. وتقدم ثنيان ليجلس بقرب سرير ولده وسريرها
ناصر بابتسامة : ها شبتسمونه ؟
ثنيان قاطع هتان وهو يناظرها بحدة قبل رفضها : جبـر
بدر عقد حاجبه من الاسم : جابر قصدك؟
ثنيان هز راسه بنفي : جبر .. صار ببالي لما كان فيه امل رغم ان بدايته ما اخذ نصيبه من الاسم ، لكن لربما يكون جبر يحس فيه اللي مايحس وينجبر خاطري
بلعت هتان ريقها من شافت نظرات العتب بعيون الكل سواه هو ، كانت التجاهل ! يحاول مايبين انه انكسر للمرة المليون من رفضها واتخاذها للطلاق اللي هو بيبدأ في اجراءاته قبلها .. دام هذا ردّها الاخير اللي انتظره فـ وداعاً لحبيبة قلب كانت بحياته
رفعت عينها لفوق تحاول ما تبكي ، قصده من الاسم ومعناه ان كان يظن ان بينهم أمل بعد اخر لقاء وحضن وبكاء , وكأن تطمنه بانها بترجع له .. وسرعان ما خابت ظنونه منها ومن رفضها التام واتخاذها لقرار قوي عليها لكن لصالحه هو مو لصالحها .. يستحق الافضل
ثنيان يستاهل الحُب .. ويستاهل وحدة تقدّره اكثر منها
هي ما تستاهل ولا شي بسبب غرورها الكبير وتمردها وبرودها !
.
عند الليث |
من سيئ لاسوء ..
يهز رجله بتوتر وهو ينتظر دخول غازي عليه .. بعد ماطلب لقاءه بشي حاسم وخروج مستعجل !
وقف من دخل غازي ونطق غازي بتسارع : ما كنت ابي هذا الشي لكن لجلك ولجل معزتك يالليث بسويه .. اتمنى ما تفيض عواطفك وتسوي شي بقرار ما ناخذه
الليث بتوتر : وش صاير ياغازي ، تراك موترّني من اول !
غازي بهدوء : بتجي معنا ، تم القبض على العصابة .. وحددنا موقع الساحرة بنلقي القبض عليها بسرية ما عندنا امر بالاطلاق ارجوك لا تشوفها ويزيد حقدك وتسحب السلاح عليها ولو تحس انك بتسويها من الان سلم سلاحك يالليث والا بتتعرض لمسائل !
ابتسم الليث بخبث : جا اللقاء تظن اني بقتلها بهالسهولة ؟ بعذبها ياغازي والله مايكون اسمي الليث لو ماخليتها قبل موتها تنطق باسمي خوف !
غازي : يعني تقدر تتحكم باعصابك ؟
الليث هز راسه وهو يبتعد ليجهز نفسه للمهمة .. مهمة لطالما انتظرها وماتوقعها بالساهل تجيه وبهالشكل ! ومن غازي |
-
-
مصدوم كيف تم القبض على العصابه اللي يشتغل معها لسنوات بهالسهولة ! وما تعمق مع غازي بالموضوع لان اهم شي الحين هو ميساء .. وراس ميساء امامه " الساحرة " كيف قتلت امه بدم بارد وهربت ! امه اللي ظلت بحياته بعد ما مات ابوه بحادث مخطط له وماهو بعيد يكون بسببها ايضاً !
يتمتـه بصغره .. وهو طفل ما يقدر على هالاشياء !
ولولا عمـه اللي اخذه ورباه لكان الان الله يعلم بحاله ! محّد قساه بهالحياة غير اللي عاشه من ظلم وتعب نفسي
,
نزل من السياره وهو يلبس خوذته السودا ويعدل بدلته والسلاح بيده .. يتمنى يتحكم باعصابه مثل ماوّعد غازي
دقايق فقط وتم مداهمة مكان السحر بسهولة .. وسحب الناس المرتدة لعمل الباطل عند هالمخلوقة !
كان يبحث بعينه عليها .. وهو يشوف زملائه يسحبون فلانه وعلانه امامه .. بعضهم سحرة وبعضهم مجرد زباين ! يعرف وجهها وحافظه ومستحيل ينساه !
هو كل يوم يتذكره لجل مايروح من باله ادنى تفصِيل لها !
🔮📚 @storykaligi 🔮📚🖋
🍃🔮
🔮🍃🔮
🍃🔮🍃🔮
🔮🍃🔮🍃🔮
أنت تقرأ
شاركيني لو مشينا دروب الهنا واعذريني لو لقيتي بدروبي عنا
ChickLitرواية سعوديه منقولة ( فقدان ، قتل ، ظلم ، محاولة زواج اجباري ، غرور وتكبر ، شجاعة ، مشاعر ، صداقة ، وفاء ، حب ، زواج ، وفاء ، بحث ، تحدي ، نهاية سعيدة ) تابعونا ... @storykaligi 📖
