شاركيني لو مشينا دروب الهنا واعذريني لو لقيتي بدروبي عنا

البارت قبل الاخير 160

🔮🍃🔮🍃🔮
🍃🔮🍃🔮
🔮🍃🔮
🍃🔮
🔮 160 ..

📚 😍 📃
📖 روايـــــــــــــة ✍🏼
{ شاركيني لو مشينا دروب الهنا وأعذريني لو لقيتي بدروبي عنا }

📖🖌 @storykaligi 🔮🍃

ضحكت بشرى وهي توقف وتناظره بإمتنان لحياتـها : الله يخليك لي
اقترب فياض بابتسامه وهو يقبل جبينها بعمق : ويخليك لنا يا روحي
بشرى بلعت ريقها لجل ما تبكي : خلاص يلا نخرج ؟ لجل ما نتأخر عليهم ينتظروني
آدم : بس بابا برش لي من عطره
فياض أشر على خشمه : على هالخشم يلا قدامي على الغرفة تختار العطر اللي ودك وحلالك يا حبيبي انت !
-

عِند هجام وهتِاف |
لابسة فستان سماوي طويـل .. مكياجها فخم لأبعد درجة .. هالمرة ما كانت طلّتها عادية ! إنما لسبب .. بنفس يوم عرس نادر وطِيـف انعقد القلب بالقلب قبل الـ٦ سنين بملكتها بهجام .. يمكن ناسِي ويمكن متذكر ويتناسى لكن كون مرّت ٦ سنين بينهم ما حبت تختم الليلة غير بمصالحتها بهجام اللي تأكدت ان مشاعره وتصرفاته وتغيره حقيقي وبادر منه .. انتبهت لدخول ورد وبيدها باقة ورد حمرا وكبيرة ، وتدور بفستانها بفرحة : ماما شوفي
ابتسمت هتاف للورد : الله من وين ؟
ورد : من عند بابا ، لك انتي
عقدت حاجبها : هو قالك؟
هزت راسهـا وهي تمد الورد : ايوه
اخذتهم هتاف بابتسامه توسع ودخل هجام بهدوء : مانسيت .. مرت ٦ سنين على توقيعك لتصيرين حلالي واصير حلالك
اختفت ورد وهي تسكر الباب .. وابتسمت هتاف له : كنت اظنك جاي لجل تاخذ ورد مني وتتركني .. بس انت تتقرب مني اكثر منها .. ظنيت فيك السوء وكثير وسامحني
هجام ابتسم : اللي سويته ماهو قليل وعارف غلطِي ، والحمدلله عليك وعلى ورد وعلى كل شخص غيرنَي .. ولولا الله ثم زوجة اخوي ثنيـان لكنت بنقطة الصفر وما جبتك هنا
احتضنته بقوة وبدون تردد ، قسوا على بعضهم كثير .. وماودهم تكمل سنينهم بذات الحزن والصدود ~

.
بداخل القاعة .. محشورة من امها وجدتها فاطمة رافضين انها تتحرك كثير .. وميتة من القهر على ضحك هتان عليها !
نجد : صدقيني بضربك هنا !
هتان بضحك : والله وجهك يضحك ، كل ما رفعت تلفوني بصور معاج اشوفج مبوزة .. بعدين ترا صح كلامهم حامل توج ولابستلي كعب ؟
نجد بقهر : عاد صدق اخر وحدة تتكلمين انتي ! نسينا من اللي كانت حامل بالشهر الثالث ورايحتلي تركض مسوية رياضية على اخر عمرك ؟
هتان شهقت بخفة : شوف الهبلة تدعي علي تبيني اموت ! بعدين ترا الرياضة زينه للحامل .. وكنت لابسه جوتي مب كعب ٧ متر بمشي فيه القاعه وبلف ! خلاص اقعدي
نجد تكتفت : اننن ، اسكتي بس لا اناديلك ثنيان
هتان بتمثيل للرجفة : خفت عاد تكفين سامحيني
نجد تعدلت بجلسـتها وهي تتاملها : الا اقولك صدق ، ثنيان ماشافك ؟
هتان تنهدت لما تذكرت بأنها ما جات معاه اساساً وهزت راسها بنفي : فاتّه نص عمره
هتان بصراحة : ما جيت معاه اساساً ، جيت مع عمتي " ام ثنيان " ، ثنيـان ماشفته من العصر واساسا ما نتكلم
نجد عقد حاجبها : ليه ! تو كنتو حلوين
هتان ابتسمت بحزن : معاه حق على كل اللي سويته فيه هو ما سوالي شي وبالعكس يكلمني عادي بس نجد تخيلي ما يناظر بعيوني ! وما ياخذ جبر لو كان جنبي ابدا ، حتى بالليل ما يجي الا متاخر ويطلع قبل لا اقعد ! .. يحاول يرجع ولو شوي من اللي سويته ولكن مع ذلك حنون ومايقدر !
نجد تنهدّت وجات بتتكلم وقاطعـها اتصال الليث ، ابتسمت هتان بهدوء وهي تشوفها مترددة : ردي عليه ، بس لا تركبين فوق
مدت يدها لاخر القاعه : شفت اول ما دشيت حجرة هناك روحي كلميه عن الازعاج
هزت نجد راسها وهي توقف وتتوجه لـ الغرفة اللي ببداية القاعه
-

نجـد : اهلاً
الليث ترك دخانه وهو يدوسه : تعبتي ؟
نجد : لا ، اساساً من جيت وانا جالسة امي وجدتي يقولون انهم بيقطعون رجلي لو شافوني اتحرك
ضحك الليث بهدوء : ايوه كفو عليهم
نجد بزعل : ليييث ! والله العظيم تعبت من الجلسة واساسا انا عارفة نفسي ولو تعبت بجلس !
الليث بهدوء : لا ، اجلسي واساساً ساعة وانا جايك
نجد بفزع : مستحيل ! اختي مادخلت لسى وبعدين انا اخت العروس مايجوز اتركها
الليث : بحالتك يجوز ، وطيف عاذرتك
نجد : تكفى ليث برجع معاهم لو خلصو
الليث : مستحيل ، ساعة وجايك ومابي اعتراض والا اجيك الحين
تأففت وهي تسكر الجوال ، رجعت لهتان وهي تحاول ما تبكي وهزت هتان راسها بتساؤل : شفيج؟
نجد : بالله انا جيت العرس ليه ؟ قاعدة طول العرس وفوقها بعد ساعة بمشي
هتان فتحت جوالها : عادي ياروحي اساسا لازم ترتاحين انتي أديتي الواجب واساسا طيف عاذرتك يعني لو مشيتي وما حضرتي زفتها عادي !
نجد بحزن : مهو عادي ، انا زعلت خلاص
ابتسمت هتان : خلاص عشانج انه بعد برجع بعد ساعـة .. اساساً جبّر بالبيت مع العاملة مابي اخليه بروحه وايد
نجد ضحكت بحزن : تقولين يعني لبى خويٍ مايخلي خويه ؟
هزت هتان راسها بضحك وهي تمسك كفوفها .

🔮📚 @storykaligi 🔮📚🖋
🍃🔮
🔮🍃🔮
🍃🔮🍃🔮
🔮🍃🔮🍃🔮