شاركيني لو مشينا دروب الهنا واعذريني لو لقيتي بدروبي عنا

البارت الواحد والاربعين

🌷🍃🌷🍃🌷
🍃🌷🍃🌷
🌷🍃🌷
🍃🌷
🌷 41 ..

📚 😍 📃
📖 روايـــــــــــــة ✍🏼
{  شاركيني لو مشينا دروب الهنا وأعذريني لو لقيتي بدروبي عنا  }

📖🖌 @storykaligi 🌷🍃

نزلت انظارها الدامعه لانظاره المرُهقـة وهي تسمـعه ينطق بألم وصوت رايِح : خذي جوالي ودقّي على فياض
هزت راسها وهي تقوم وتسحّب جواله برجفة

.
أمريكا ,
لبسّت قميص ابيض سادة وفوقه جاكيت اسود رسمِي
مع بنطلون اسود ولفت طرحتها وهي تخرج وابتسمت لـ ورد اللي جهزتها هتاف ، نزلت لها وهي ترفعّها وتبتسم : نروح الالعاب ، مبسوطة؟
ابتسمت ورد وهي تهز راسها وتحتضن طيف : مرة
هتاف ابتسمت وهي تشّـد على وشاحها : ما بوصي عليها لاني عارفة بتحطونها بعينكم
ورد بحزن : ماما ما بتجين؟
هتاف مسحت على شعر ورد وهي تهز راسها بنفي : لا يا ماما انا بنام تعبانه ، خالو نادر معك طيب
هزت راسها بهدوء وهي تنزل من حضن طيف : بشوف خالو نادر
ابتسمت طيف وهي تشوف ورد تدق باب نادر وتدخل
: خلاص روحي ارتاحي هي معانا
هتاف ابتسمت لها وهي تشوف ورد تخرج ويدها بيد نادر ، صدت طيف بذهول من شافت نادر لابس نفس ملابسها ونفس الستايل
ضحكت هتاف : متفقين والا صدفة؟
ابتسم نادر وهو يشتت انظاره بإحراج ونطقت ورد بملل : خالو مطولين؟
ضحك نادر وهو يحملها : لا ياقلب خالو ، بعد الالعاب وش ودك تاكلين
حطت ورد يدها تحت فكها بتفكير : جيز برقر وذ فرايز
نادر وهو يبوس اصابعها : ابوس منطوقك ياشيخه
ابتسمت طيف وهي تنطق بهدوء : يلا ؟
.

بالملّاهي ..
سحب نادر البطاقات وهو ينتظر ورد تحدد وجهتها واول لعبّه لهم وانتبه لطيف اللي كانت بتطيِح ومسكّ ذراعها وهو ينطق بذهول : هُوب ، انتي بخير ؟
طيف اعتدلت باحراج وهي تهز راسها : بخير
.

هزّت راسـها وهي تسحب جواله و تدور رقم فياض برجفة ، سقط جواله من يدها مرتين من فرط الاحسـاس ورجعت تاخذه وهي تنزل وتضغط ع جرحه واول ما رد فياض بضحكة : انت ما ابلشتني كل شوي داق تحسب الكل فاضي زيّك؟
انهارت هتان وهي تنطق بتعب : ثنيان ينزف مادري شفيه
فز فياض وهو ينطق : من انتي ؟
هتان بتعب : هتان
فياض سحب اغراضه باستعجال وهو يخرج من المركز وينطق بخوف : ينزف مرة؟
هتان : اييه
فياض : طيب خلك عنده انتي جاي انا جاي
رمت التلفون جنبها وهي تمسك وجهه ثنيان : الله يخليك صحصح لا تنام ثنيان الله يخليك
فتّح ثنيان عيونه بتعب وهو يبتسم : مابموت لا تخافين
هزت راسها وهي تعض شفايفها تكتم شهقاتها : ماتموت وتهدّهم ماتموت وتهدّهم
نطقت بجمود مخيف : ما بتموت وتهدّهم مثل ما هدّني ثنيان سامعني
رفعّت انظارها لـ الاسعاف اللي دخل وهي تزفر بارهاق وارتياح وتركتّهم يشوفون شغلّهم !
خمّس دقايق وماكان بالشقِة غيرها ، هي نفسّها ماتدري كيف ماراحت معاه لكن مشاعرّها الان هي اساس الحدث
جلسـت بانهيار وانظارهّا على يدينها المليانه دم
بدخول فيّاض وهو يناظر بذهول واستغراب : وين ثنيان؟
هتان ببرود : خذوه المستشفى
فياض عقد حاجبه وهو يشوفّها تقوم ويدينها مليانه دم
وواضح انها مو بوعيِها وما ان مرت من جنبه الا سقطت فاقده وعيِها لكنه مسكّها !
فياض : يا الله
نزل وهي بحضنه تاركها بالسيّاره ومتوجه للمستشفى

.
وقـف عِند آخر إشارة لما اقترب من المستشفى وهو يمرر انظاره على هتان ، زفر وهو يسحّب علبه موية من الخلف ويفتحها لجل يرشّها على ملامحها لجل توعّى
تنهـد بإرتيـاح من وعت وهو يلتف للاشارة اللي انفتح : بخير انتي ؟
صدت وهي تحس بغصـة وماردت عليه .. نـزل اول ما وصل تاركها تجي خلفه ولا تمشي براحتـها
نزلـت هتان بتعب وشكلها مبهدل .. لدرجة انها لفتت انظار كل من شافّها وصدت هي بعدم اهتمام وناوية تتوجه للحمام
دخلـت وهي تتنفس بسرعه واقتربـت من المغسلة وهي تفتحها بعنف وتفرك يديـنها بإنهيار وتصرخ : انغسـل مابي اشوفك انغسـل !
فركـت يدينها لين ما قلب لونـهم احمر وهي تبكي بانهيار ولا زالت تصرخ بـ " انغسل " ~
سقطت ع الارض وهي تغطِي وجهها من الذكرى الاليمة ، الدم , العسكر , والرصاص .. رجعوا بنفس القساوه والجرح القديم ! الجرح اللي هربت من البحرين لجله ! والجرح اللي تركت فيه اهل امها !
تنفسّت برجفـة وهي توقف باستنادهـا ع المغاسل وتخرج ، والتفت لها فياض اللي يبحث عنها ومسك ذراعها من شافها مو صوبه ابد : يابنت انادي لك ممرضة من هنا ؟ فيك شي انتي
ابتعدت هتان بجمود وهي تشتت انظارها وتحاول ما تبين له عينها وبكاءها : ثنيان وينه ؟
فياض بهدوء ابتعد : ثنيان بخير بس انتي اللي مب بخير
نطـقت هتان بصراخ : لا بخير ، بخير وايد بخير
شتت فياض انظاره في المكان وهو يمسك ذراعها ويسحبـها وسط صراخها وما سكتت لين وقفـت امام العناية وهي تشوف ثنيان وحوله الدكاترة : اسكتي خلاص

🌷📚 @storykaligi 🌷📚🖋
🍃🌷
🌷🍃🌷
🍃🌷🍃🌷
🌷🍃🌷🍃🌷