شاركيني لو مشينا دروب الهنا واعذريني لو لقيتي بدروبي عنا

البارت الثالث الستين

🍁🍃🍁🍃🍁
🍃🍁🍃🍁
🍁🍃🍁
🍃🍁
🍁 63 ..

📚 😍 📃
📖 روايـــــــــــــة ✍🏼
{ شاركيني لو مشينا دروب الهنا وأعذريني لو لقيتي بدروبي عنا }

📖🖌 @storykaligi 🍁🍃

أنلجم من كلامها وهو اللي كان تعبان ويدور راحته معاها الا ان قام من مكانه تماما وهو يخرّج ، اخذت نفس وهي تزفره وتنزل الفراش ماكان ودها النوم ابداً وقصدها الهروب ، رغُم انها ندمت على كلامها لثواني الا انها جمّدت وهي تنتظره يعتدّل معها لانها تعبت بكل ما تحملُه كلمات العتَب
-
نزّل فياض بضيقه وهو يشتت انظاره على الصاله وماعنده ادنى شي يسويه ابداً ! خاصة ان ثنيان بلا شك خرج الان ومايمدي يلتقيه
نادّى العاملة بجمود وهو يطلب منها تصعّد تجيب بدلته العسكريه .. ماله الا المركز يخرّج عصبيته فيه الان لجل ما يحرقون بعض اكثر ، ما اعتاد الصّد منها وخايف انها فِعلاً مّلت ! ما يقوّى ابداً بُعدّها أو تغيّرها عليه رجع شعره لورا وهو يحس بصدّاع بدأ يداهمه من فرط شعوره اللي نفسه هو مب قادّر يحدده
نزلت بشرى بفزع من علمتها العامله بأنها بتاخذ البدلة وهذا يعني ان فياض بيرجع المركز الى وقت غير معلوم الا لفياض !
بشرى بفزع : من جدّك بترجع المركز وتوّك راجع ؟
فياض وهو يسحب من العاملة بدلته : لجل مانحرّق بعض يا بشرى
بشرى بهدوء نزلت بقية الدرجات : لا تكابر فياض ! خلاص روح نام ونتكلم لا صحيت
ابتسم بسخرية وهو يكمّل يلبس جاكيته بجمود : مو انا اللي احسّب الناس بترجع لي باعتذار ؟ شحصل وتراجعتي
بشرى بهدوء : تعبّـك وارهاقك صدقني فياض لو اقولك كل اللي بقلبي بجيك ضعف الشعور اللي يصيبّك ، انجرحت على جملة مني ؟ اعدّلك كم مرة جرحتني وخرجت فيها من هالباب وفوقها ما تسأل وتنتظر مني رجوع وهدوء بدون ما تسأل ! صدقني لو جينا لحقيقة الزعل بكون انا اللي لازم ازعل ماهو انت
ابتعدت عنه بهدوء : سوّي اللي تبيه ، لاني حرفياً تعبت وليتّني رحت معاهم ع حساب فرحة ساعتين ولا اكتمّ نفسي هنا يومين
ابتعدت عنه وهي تصعد الدرج بهدوء كانت متأكدة ان بيصعد خلفها ، بيرجّع لها وبكلامه الكثير وبترجع تسامحه مثل كل مرة لان لا هي تقوى على صدّه ولا هو يقوى والاثنين يكابرون بطريقة تأذيهم , واثنينهم يظهرون الاهمال لبعضِهم وبسرِهم من الشوق يخلق بحر
-

بعِد ساعـات قليلة , بوسـط بيت العروس وبعد ما اعطتهم خبر بأنها رافّضه العرس وكل هالامور ومكتفِية بملكة وتمشي مع ثنيان ، لان بنظرّها مالها صاحب ولا أُم تساعدها ورح تتضايق كثير
دخـل ابوها بعد ما خرجت نجد اللي من جات وهي بمثابة الاخت لهتّان اللي تبكي بكل دقيقة اشتهت فيها البكاء !
عبدالله بهدوء جلس بقرب هتان وهو يمسك يدها وقبلّها بحزن : يابابا ماهو من احلامج تنزفِين عروس ؟
هتان شتت أنظارها بحزن وهي تنطق ببحه : مابي اتكلم بهالموضوع يبه اخذت قراري وانتهى
عبدالله بقهر داخلي : ليش ؟
هتان عضت شفايفها وهي ماودها تخرّب المكياج اللي عدلته نجد لها : لان كانت معاي خالتي بمثابه امي ! وكانت معاي جدّتي ولان كان معاي حمد يبه مافيه احد منهم الحين وانا ما بنزل نفسي بوقت ضعف مني لاحد
سحبت يدها وهي تنطق بجمود لجل ما تبكي : انا مابي اتناقش عن هالموضوع لاني اخذت قراري وانتهى
عبدالله بغضب : مب بس انا اللي مب موافق ! جدتّج وخالاتج وحتى ثنيان محد راضِي لج بهالشي
هتان بغضب واخلاقها بالارض من الضغط : محد له سلطة علي يبه ! وثنيان انا اكلمه واذا مايبي بالطقاق زين
مسح وجهه وهو يستغفر وفتح عينه من شافها ترجف وعارف بحاجتّها لامها : خلاص يا بابا ، تعالي
سحبّها وهو يحتضنها ورفعت عينها تمسك دموعها بقدر ما تقدر ، ابتعد وهو يقبّل جبينها : يلا انزلي الكل ينتظرج تحت
هتان ببحه : بس اعدل مكياجي اللي اعتفّس والحقك
هز راسه بهدوء وهو يخرج ، عوّدها مايرفض لها طلب
وهذا اللي حصل له ، ابتسم لنجد بهدوء وهو يأشر لها للغرفة : حطي بالج عليها
نجد ابتسمت بهدوء : بعيني لا تحاتِي
ابتسم وهو ينزّل ودخلت نجد وهي تشوف وجهه هتان احمر وفتحت نقابها وهي ترمقها بغضب : والله يا هتان اني ما بحترم انك عروس وبصفقك
ضحكِت هتان وسط دموعها : والله حاولِت بس شسوي !
مسكت نجد وجهها وهي تناظر عينها ونطقت بهدوء : انا ماحب اتدخل بشي قديم وماودك فيه ، ولا اعرف علاقتك في خالاتك وجدتك لان الواضح انها رسميه بزيادة فـ لا تزعلين تمام ؟ اعتبري اني اختك وامك وخالتك وعمتك وكل هلّك
هتان احتضنتها وهي تشد عليها : شوفي بصيح من جديد وبعدين لا تقولين بتصفقيني
شدت نجد عليها واكملت هتان : الحمدلله عليج تدرين؟

🍁📚 @storykaligi 🍁📚🖋
🍃🍁
🍁🍃🍁
🍃🍁🍃🍁
🍁🍃🍁🍃🍁