🔮🍃🔮🍃🔮
🍃🔮🍃🔮
🔮🍃🔮
🍃🔮
🔮 145 ..
📚 😍 📃
📖 روايـــــــــــــة ✍🏼
{ شاركيني لو مشينا دروب الهنا وأعذريني لو لقيتي بدروبي عنا }
📖🖌 @storykaligi 🔮🍃
واتجهت هتاف لـ جهتها تنسدح بعد ما طفّت النور , وظنته نام وأربكها صوته اللي جا هامِس وكأن احد يسمعهم : ندمانه ؟
هتاف رجعت اعتدلت بسدحتها بعد ما كانت بتقوم تشوفه : على ؟
هجام : على الخمس سنين , قبل تعرفيني وبعدها .. قبل تصيرين حرمَي وبعده وبعد ما صرتي أم من لحظة ماعرفتي انك حامل ورفضتك جُبن مني وبعدها
بلعت مرارة الماضِي وتذكرهم لهالحدث : ماني ندمانه اني حملت وجبت ورد , يمكن لولاها كنت مشتتـه وماكنت باحتمالية كونِي الان
هجام سكتت لدقايق ونطق : كونك رديتي على الثانية وتجاهلتي الاولى , فـ ندمانة على انك عرفتيني
هتاف بللت شفايفها من حست بالدموع تجمعت : المهم ورد تحبك .. هذا المهم
هجام : وانتي ؟
لفت راسها له وتشوف اطياف ملامحه من ضوء اللمبة اللي بالشارع , اخذت نفس وهي تزفره بصوت مسموع ومن نظراتها اللي طولت وهي تشوف فيها عيون هجام , سمعت ضحكته الساخرة وعرف جوابـها
سكتت لدقايق طويلة جداً ونطقت بـ اي بعد تفكير طويل , ظنته سمعها ولكنها لفت وشافته غارق بنومه !
ماهي بجنب الندم حتى ولا زالت تحبـه ! لكنها تحس بانكسار داخلها رغم اعتذاراته بتصرفاته او اقواله الصريحة الا انها تشوف انها مب قادره تسامحه !
.
الصباح , المركز |
ثنيـان دخل وهو يبحث عن فيـاض بعينه , وانتبه لسعود اللي تقدم وبيده ملف ومتوجهه لمكتب فياض : سعود
لف سعود : سم طال عمرك
ربت ثنيان على كتفه : فياض هنا ؟
هز سعود راسه : لا
عقد حاجبه بصداع داهمه واشر على الملف : هذا وش ؟
سعود : ملف قضيـة التوأم
اخذه من عنده : خلاص انا احطه على مكتبه
هز راسه سعود وهو يضرب التحيه ويمشي من جنبه , دخل وهو يحس ان مصدع الف ويحتاج اجازة سريعة
٣ شهور مرت زود ومافيه تغيير بحياته , يظن ان مكرس حياته لشغله لجل مايفكر فيها لكنها شاغله تفكيره تماماً ومحتلـته حتى !
الشوق وصل ألف لها , وده لو يسمع صوتها بس !
مصبّر نفسه على صورها اللي بالالبوم وماعرف عنه الا بعد ما راحت وكأنها تحلف بأنها تزيد على جروحه ملح لجل تلتهب !
يتصل لابوها يتطمن على ولده , بعد ماعرف عن جنسه ..
شتت أفكاره وهو يشوف دخول فياض وابتسامته على وجهه .. واختفت من شاف ملامح ثنيان المنُهكة , المُتعبة .. هالاته اللي صارت علامة جُودة تحت عيونه
ضُعفه المخيف ! وكأن هتان مشت وسلبت معالم الراحة من ثنيان ..
فياض : السلام عليكم
ثنيان ببحة : اهلاً وعليكم السلام
ابتسم بعد ثواني : علمنا وش السر , ورا هالضحكة ؟
ضحك فياض وهو يجلس بمحله : اول شي ، نايم انت ؟
ثنيان ضحك وهو ياشر على بكت الدخان : خلها على ربك , ساعتين وفزيت
تنهد فياض وهو يغير الموضوع لان عارف سبب فزته : طيب
سكتت ثنيان ونطق بعدها : مابتعلمني ليه تضحك يعني ؟
ضحك فياض وهو ينطق بفرحة : زوجتي عندها لقاء بإحدى البرامج , وكلموني لجل يسوون لها مفاجئة
ابتسم ثنيان بفرّح : تطورناا , هيا كل خير لها يارب تستاهل
ابتسم فياض وهو يتنهد وشتت أنظاره بفرحة خلفها همّ كبير ! برنامج اللقاء فكرته جديدة , ومختلفة والتكريم اللي بتحصله بشُرى تكريم على مستوى !
رُغم انها ما جابت أطفال الا ان جميع الاطفال اللي بالبرنامج .. يحبونها وتعرفـهم عز المعرفة وماكانت بتكون بالمكان غير من فضل الله ثم فضلهم وطلبهم بأنهم يكرمونها لانهم يشوفونها الاُم اللي ماشافوها !
رفع فياض راسه من القضية اللي لا زالت مشيَبه راسه .. اختطاف التوأم وحصولهم شي اصبح مستحيل لان القضية لها سنين مفتوحة !
دلـك جبينه وهو يحاول يغير الجو اللي بينهم ونطق لثنيان : كيف الاهل ؟
نطق ثنيان بهّم من تذكر : ياخي الله يعين , امي حالفة تدور لي عروس جديدة
ضحك فياض وهو يرتشف من كوب الشاي اللي بيده : من جدها ام ثنيان ؟
ثنيان هز راسه : تقول لي منت راسي على بر , بشوف حرمتي اللي بتختارها ببيتي وبغرفتي فجاة ومجهزة نفسها
ضحك فياض بقوة : ماشاء الله بهالسهولة الوضع
ثنيان ضحك بحزن : تزوجت مرة ونهايتي واضحة , مستحيل ارجع اكرر اللي سويته
اعتدل فياض بقعدته وهو يحس نفسه غبي بضحكته : كلمتها ؟
ثنيان عقد حاجبه : مين؟
فياض : حرمـك !
ثنيان هز راسه بنفي : لما تولد بيصير الطلاق رسمي , ماودها بشي غيره
انسدت نفس فياض من كل شي وتنهد بحزن على ثنيان .. ورفع راسه : بعطيك اجازة هالمرة جد
ثنيان ابتسم : محتاجها والله !
فياض اشر بالقلم : بشرط !
ثنيان : وش ؟
🔮📚 @storykaligi 🔮📚🖋
🍃🔮
🔮🍃🔮
🍃🔮🍃🔮
🔮🍃🔮🍃🔮
أنت تقرأ
شاركيني لو مشينا دروب الهنا واعذريني لو لقيتي بدروبي عنا
ChickLitرواية سعوديه منقولة ( فقدان ، قتل ، ظلم ، محاولة زواج اجباري ، غرور وتكبر ، شجاعة ، مشاعر ، صداقة ، وفاء ، حب ، زواج ، وفاء ، بحث ، تحدي ، نهاية سعيدة ) تابعونا ... @storykaligi 📖
