شاركيني لو مشينا دروب الهنا واعذريني لو لقيتي بدروبي عنا

البارت 129

🌷🍃🌷🍃🌷
🍃🌷🍃🌷
🌷🍃🌷
🍃🌷
🌷 129 ..

📚 😍 📃
📖 روايـــــــــــــة ✍🏼
{ شاركيني لو مشينا دروب الهنا وأعذريني لو لقيتي بدروبي عنا }

📖🖌 @storykaligi 🌷🍃

الليث فتح البـاب من جهتها : تتعرفين على حرمّه؟
ارتعبت نجد وهزت راسها بنفي : اخاف ! ماعرفها
الليث : شويات ويمشون اساساً , تعودّي
اخذت نفس وهي تزفره ونزلت بإستسلام .. مشت بقُربه وهي تنطق : الولد الصغير ولدهم؟
ابتسم الليث من ذكر أديب : ايوه , والله ودّي يجلس عندي دام امه وابوه مشغولين بجِدة بس استحيت اطلب
عقدت حاجبها : قصدك تاخذه هاليومين؟
هز الليث راسه : وش شورك؟
نجد هزت اكتافها بعدم معرفة : ماعندي مشُكلة , احب الاطفال خاصة بعُمره بس ماعتقد ان يتركون ولدهم مهما كان يعني
الليث : لا قصدّك ع الثِقـة .. واثقين بس هل هو وده فينا ؟
نجد بغرور : والله عن نفسِي الاطفال يحبوني
الليث تنهد وهو يمشي امامها تمتم : والله كلنا نحبك مب بس الاطفال

-
دخـل الليث للمجلس بقُرب جابر وهو يجلس .. مد يده يسحب فنجان القهوة وجلس جابر بقُربه ونطق بجُمود : قلت لي انك ماخذ اخت ثنيان ؟
الليث هز راسه بإيجاب .. جابر اعتدل : ماهو ثنيان ولد اخو فياض واثنينهم عسكر ولا ؟
الليث : ايوه ايوه وصلت خير .. عاد لا تسـأل كيف وصلت لهم
ضحك جابر وهو يهز راسه بنفِي : عساهم خير عليك ..
الليث لوى شفايفه وهو يرمق جابر بهدوء ونطق : والله ودِي اطلب واتمنى ما ترفض
جابر عقد حاجبـه بعدم اعجاب : انت تآمر ماتطلب , انطق
,
.
تركت سدِيم كوب قهوة بقُرب نجد وهي ترجع شعرها للخلف : اهلاً وسهلاً ومرحبا نورتيني
ابتسمت نجد بمجاملة وهي تشوف أديب يشرب حليبّه : النور نوُركم , وش اسمّه؟
التفت سديم لأديب وهي تبتسم : حب حياتي أديب
ضحكت نجد وهي تمد يدّها له : والنّعم بالشيِخ ..
ضحكت سديم بذهول وهي تشوفه يجلس بحضن نجد : تصدقين انه ينكر ومايروح لأي احد؟ غريبه جاك
مسكت نجد كفوفـه وهي تقبّلهم : فديِته والله , انا قايله الاطفال يحبوني
استندت سديم وهي ترتشف من قهوتها والتفت للوحة اللي جنبّها وما أكملتها بحُب
وسط ملاعبـة نجد لأديب .. سديم لوت شفايفها وهي تلف لنجد : انتي من الشرقية؟
هزت نجد راسـها : ايوه
هزت راسها وهي تبتسم : ايه حاكيني عنّك .. كيفك وكيف الاهل
,
،
العشـاء ,
نزلّت هتان من الباب الخلفي وهي تجّر شنطتها وتمسح وجهها من البكاء , فز عبدالله من مكانه من لمحها ووراها شنطة : يـه هتان , شفيجج ؟
دمعت هتان مباشرة : برّد البحرين مابي اقعد هني
عبدالله احتضن خصرها وهو يترك وجهها بحضنه : ثنيان زعلّج بّشي ؟
هتان ابتعدت وبكت : عرف عن حمّد شوي ويظن ان عايِش مايدري ان لو عايش جان ماعرفت ثنيان ولا هالمكان بكبره !!
مسّح عبدالله وجهه بدون فهم وهو يفتح سيارته : ادخلِي , وين ثنيان ؟
هتان : مادري ولا ابي اعرف
عبدالله بتهدئة : مايصِير يا بابا اللي تسوينه ! استهدي بالله
هتان بكت اكثر : يبي الانفصـال وانا وافقِت
عبدالله بذهول رمقّها وابتعد : لا اله الا الله , توكم شحليلاتكُم !
هتان سكرت الباب واكملت نحيبِها , وصادّف عبدالله دخول فياض : يا بو غايب
عقد فياض حاجبـه بعدم اعجاب وتقدم : سّم يـ ابو هتان
عبدالله : تعرف وين ثنيان بالله ؟ ضروري قبل امشي اكلمه
انتبه فياض لهتـان وصد : والله خرج من بعد المغرب ماشفته بالمسِجد , ادق عليه يجي الحين
عبدالله زفر بهّم : دّق دّق
فياض رفع جواله وهو ينتظر رد ثنيان : عسى ماشر ؟ صاير شي
عبدالله : انا لو عرفت باقولك , شفتها يايتنّي وشنطتها بيدّها وتصيح !
ابعد فياض جواله : مايرّد , حياك الله ببيتّك .. الليلة عندنا وثنيان اكيد بيرجع
هز عبدالله راسه بنفِي : لو يقدر يتصل لي .. لا يقصّر وعطه خبر ان زوجته معاي
تنهد فياض بعدم فهم للي يصير وهز راسه .. ابتعد عبدالله عنه ودخل فياض وهو يتمتم : وش مسوي يا ثنيان من جديد , الله يستـر !

.
على طرِيق الرجعة .. توتر عبدالله من بكاء هتان
ونطق بحنِية : يا بابا علميني , شلون شاف وليش ما قلتي له عنه من قبل اصلاً !
هتان بغضب رافضة : مستحيل اقوله بابا اني كنت على ذمة ولد خالتي , اهوه بدون شي حارمنِي من حياتي ومتسلطّ .. بعدين انا ما مشيت من البحرين لين هني الا لاني ابي انسى ومحد له حق يعرف اللي مريت فيه قبل ويكسرني !
تنهد عبدالله من تفكير هتان : مايصير اللي تسوينه , الحين انتي حامل ويربطكم ياهِل , ترضِين عليه ؟
هزت راسها بنفي وهي تمسح دموعها وانفها المحمر
: عيّل شلّه تسوين هالشي ؟ انا مب راضي ابداً على روحتج معاي جذي ..

🌷📚 @storykaligi 🌷📚🖋
🍃🌷
🌷🍃🌷
🍃🌷🍃🌷
🌷🍃🌷🍃🌷