شاركيني لو مشينا دروب الهنا واعذريني لو لقيتي بدروبي عنا

البارت الثالث والعشرين

🌻🍃🌻🍃🌻
🍃🌻🍃🌻
🌻🍃🌻
🍃🌻
🌻 23 ..

📚 😍 📃
📖 روايـــــــــــــة ✍🏼
{  شاركيني لو مشينا دروب الهنا وأعذريني لو لقيتي بدروبي عنا  }

📖🖌 @storykaligi 🌻🍃

دخل فياض خلفها وفزت بُشرى وهي تلف له ونادته بدون شعور من ربكتها : فياض
فياض بهدوء وهو يتقدم ويرمي شماغه : بُشرى
اخذت نفس وهي تكتمه بداخلها وتشّد على يدها ونطقت بتبرير سريع : اعتقد اني وضحت لك ، ماله داعي هالكّم من الغضب
ابتسم فياض بسخرية وهو يدّنو راسه لها بسبب فرق الطُول : له داعِي لانك زوجة الفريق اول
بشرى بغضب من استهزاءه المُبطن : وانت تكون زوج مسُتشارة الاطفال بُشرى ، بُشرى يا فياض ! يكفِي ما تعبت ؟ كم مرة قلِت لك امور شغلك لا تطبقّها هنا غضبك وحزنك ونفسيتك بشغلك تنساها اول ما تحطّ رجلك عتبة باب هالبيت ! فياض ترا كلنا نعيش بصراع الله يقويك بشغلك ما انكر بس ما تعبت ؟ وانت كل ما عصبت من شغلك حطيت الحرّة فيني ؟ ع اشياء ما تستاهل وما تسوى بنظرّي
رمقها بحدّه بعد ما ابتعد عنها بداية حديثها : لا تفكرِين تتكلمين بسوء عن شغِلي
ضحكت بشرى : ما تكلمت !! بس ما يكفيك ؟ وانت دايم تشوف نفسك فوق ! فياض مهما وصلّت للي وصلت له لا تغتّر ! ترا وربي تنكسر بعدها
اقترّب فياض منها وهو مكتف يدينه للخلف وواقف وقفة عسكري : ما عاش اللي يكسرّني بشرى ، لاني اكسّره اكسرّه بالحيل وبدون ما يرف لي جفّن حتى لو كنتي انتي و الحين روحي بدلّي هالتبن لا احرقّه
ناظرته بذهول من نفسيته اللي فِعلياً بالارض ! وابتعدت عنه بغضب كبير من كلامه ومن هواشاتهم اللي ما تخلّص وكلها امور تافهة ! رُغم حُبهم وتفاهمهم مع بعض لكن لا روقان بُشرى يكِمل ، ولا غرور فياض يخلصّ
.

أمريكا ..
مستنده ع باب الشُرفة وبيدها كوب قهوة سوداء مُرة وانفاسها اللي تزفرّها بالصمت اللي يحطيها والبخار اللي يعكسه من انفاسها ، انظارها على الناس القليلة اللي تمشي بحيّهم .. جسدها موجود وعقلِها مشغول بـ وطنها بـ نجد وامها واخر حدّث .. بإحساسها اللي يجي بوقت غلط بأنهم نسوها بس هي ماقدرت تتقبل حتى بعد مرور هالمُدة فكِرة بقاءها قلبّت كلام نادر بعقلها وحسّته معقول !
خرّج نادِر من غرفته وهو يضّم شنطته بيده ومتوجِه ناحية الباب بغيّر حذاءه وبيتوجه للجامعه .. حست بخروجه والتفت وهي تراقبه تركت كوب القهوة بالخارج وهي تشد ع طرحتها وتدخِل متوجهه له
طِيف وهي تتقدم من نادر : نادِر
رفّع انظاره لها بهدوء ولاسِمه اللي لاول مرة تنطّق فيه
ابتسم بحنية لها وهو يسمعها تقول : فكرّت بكلامك وقررت اطبقه .. دامّ اني مب عارفة متى برجع فـ بكمل دراسة وودي اسجّل بمعهد لجل اتعلم اللغة
رفّع انظاره للساعه وهو يشوفها تشير على السابعة والرُبع .. هِتاف وورد نايمين ع الاكيد
تنهد وهو ينطق : اجهزّي انتظرك .. بنروح نسجلّك
ابتسمت له وهي تهز راسها وتتوجه بخطوات سريعه تجاه غرفتها .. ترك نادِر اغراضه على الطاولة وهو يخرج
للشُرفة ابتسم من كوب قهوتِها اللي موجود ع الطاولة
اقترّب وهو يرمقه والواضِح انها ما ارتشفت منه الكثير
رفّعه بهدوء وبرود وهو يرتشف منه وينتظرها تخرج
.

خرّجت وهي تشد على جاكيتها وجوالها بيدّها تكتب لثنيان ومانتبهت لخروج نادر من الشُرفة اللي كانت بتتوجه لها بتاخذ قهوتها ، وصقعّت بصدره وارتدت للخلف باحراج وألم من نطق بـ " هوب هوب يابنت "
~

خرّج ثنيان من شقته وهو ينزل ، لمح غرفة نجد مسكرة وتنهد وهو ينزّل ابتسم لوجود امه وابوه وتقدم وهو يقبلّهم بعد ما نطق السـلام
جلّس لدقايق وهو يسولف معهم وخرج من عندِهم بعدها .. يعرف بالضبط كيف يراضِي اخته

.
جالسّه بـ احد افرع كوفيِهم المفُضل ، لابسه نظارتها والايربودز ، شادة ع عبايتها اللي باللون الكحِلي والطرحة ع شعرها براحة انظارها على اللاب وتشتغل بهدوء
.

وقف امام هجام اللي يدخّن ومستلقي على الكراسي الخارجية ، شّد على بدلته وهو يلوّي شفايفه من حال هجام وعارف وراه بّلا لكن شِغله ونداءهم له للاستلام تاركّه مو عارف يجلس معاه ويكتشفه
بيعتذّر بطريقته اللطيفة على اسلوبه معاها ، ثنيان كريم ونجد تستاهل ..

توجِه لـ الكوفي القريب من بيتهم واللي تحبّه نجد وكثيِر وعارف انها رح تروّق بكوب كوفي ورِسالة لطيفة منه زفّر اول ماوقف امام الكوفِي وهو ينزّل متوجه للداخِل
وقفت هتان وهي تتقدم ناحية الباريستا .. بترجّع تطلب حَلا بجانب قهوتها والتفت لـ صوت ثنيان اللي جنبها يطلّب قهوة نجد المُفضلة
ابتعدت عنه بخوف قبل يلّمحها وهي تحمد ربها بأن مكانها ماهو بوجه ثنيان ابداً

🌻📚 @storykaligi 🌻📚🖋
🍃🌻
🌻🍃🌻
🍃🌻🍃🌻
🌻🍃🌻🍃🌻