🌹🍃🌹🍃🌹
🍃🌹🍃🌹
🌹🍃🌹
🍃🌹
🌹 94 ..
📚 😍 📃
📖 روايـــــــــــــة ✍🏼
{ شاركيني لو مشينا دروب الهنا وأعذريني لو لقيتي بدروبي عنا }
📖🖌 @storykaligi 🌹🍃
هز راسه بموافقة واحترام لرغبتّها : من عيوننا لكنك بتفتحين قلبك لي
هتان : لو فتحت لي قلبك انت بعد وقلت لي عن سبب خوف امك من شغلك
قاطعهّم اتصال من ابو ثنيان .. خرج بعد ما قبّل جبينها وهو يوعدها بالكلام تنفست هتان تكراراً لـ الطاري اللي يرعبها بشكل !
التفت للمراية وهي تعدل شكلها لجل تنزل وترّوح وجنتيِها اللي احمروا
-
عِند الليث .. قبل وصُوله وساعة اختفاءه تحديداً
كان بوسّط مكان مُظلم يتبادل الحديِث مع احدى العصابات بأمر من رئيسه !
ذراعه اليمين المُدعي بإسم بسـام متكتف وهو يناظر الليث بجمود ! رغم رفض الليث لكلام الرئيس لكنه اضطر وبقوه من الروحة واللقاء بـ بسام بعد ماعرف بتهريب ذهّب غير مُصرح ويتمنى تكون هالمـرة
الاخيرة للعصابات وإمساكهم ! بسـام نطق باستفزاز : وراه رئيسك مرسلّي رخمة !
الليث بغضب : وضَح حكيك وما يجيك شي يسرّك
بسام تقدم له وهو يربت على كتفه بتحدي : نظراتك وكلامك المُبهم والغبي ! لهالدرجة رئيسك مايعرف يترك ذراع يمين زي الناس ؟ خلصوا البشر ليختارك؟
لكّمه الليث بغضب من كلامه وضع بسام يده على مكان لكمة الليث وضحك : والله انك ** وما غلّطت
الليث انقّض عليه بعصبية .. اشتبكوا بالضرب رغم ان عارف ان عرسه لكن لجل الوطن والعمل كل شي ينذّل !
توقفت حركة الليث من شعر بوخز سكين تحت صدره من بسام اللي طعنّه وتأوه الليث بشِدة وهو يستلقي ع الارض ! بعد هروب بسام وشتمّه ورفسه لجسد الليث
حاول لدقايق عديدة يخرج جواله ليتصِل لغازي رئيس الاستخبارات '
ومن ورّد غازي الاتصال فزّ بخوف وفزع على الليث !
وصل غازي بعد وقت طويل لكن جسد الليث مستحمل بطريقة فضيعه !
نزف الليث كثير وبدأ يحس بالدوخه وفقدان الوعي بشكل ! ساعده بانه يصعد السياره ويتوجهون المستشفى وسط رعب غازي على الليث ويطلب منه الصمود !
الليث بتسارع انفاسه من حس بثقل جسده وظن ان الموت لا محال وزايره الليلة نطق بصعوبة لغازي : بيهرّبون الذهب بالشاحنات بكرا بهالوقت ياغازي في** ان الله ماكتب لي عُمر ع الاقل وقفت اخر عملية بحياتي
نطق غازي برفض لافكار الليث ويده تضغط ع الجرح : انت عريِس ! لا تترك عروستك يا ليث ارجوك !
رجفت شفايف الليث وعيونه بدت تدمّع من حس بكتم انفاسه وضحك بسخرية : عروسة الليث تنتظر من فراغ الله يصبر قلبها
سقطت دمعته والتف غازي له بحزن عميق من حس فيه يرجف حتى بكلامه .. غازي : تنتظر عروستك تنتظر بس وقت ثاني عرسكم
الليث ناظر غازي بابتسامه باهتة : بالجنة ان شاء الله
غازي صد من حس الدموع تنزل التف من سمع الليث يناديه .. كح الليث بعد ما ناداه وهو يفتح عينه بصعوبة : سامحني يا غازي ان تطاولت بيوم
غازي شد على جرحه : الليث ما تودّع بهالسهولة فاهمني ! تحامل بقى خمس دقايق ع المستشفى ارجوك !
غمّض الليث عينه باستسلام وهو يسمع صدى صوت غازي وتوسلّه بأنه يصحصح
-
بعد اربع ساعات صحى الليث .. ووقف غازي بفزع من شاف عينه تتفتح : الحمدلله ع سلامتك يا عسكري
الليث رجع غمض عينه بعدم استيعاب حمّد ربه على عمره الجديد بقلبه ولكنه يحس بالعطش !
فهمه غازي وعدّل جلسته لجل يشرّبه .. ساعه زمان ورجعوا لغضبهم وتطاول الليث على غازي من قاله ان لازم يروح عرسه
غازي بغضب : مجنون انت ؟ جرحك تو ما صار له ساعات ومخيَط ! تروح وتوقف ساعات
الليث : ينتظروني هناك ! بكون حمار وغبي لو تركتهم
غازي : كون حمار وغبي بس سلامتك اهم
دنى الليث لجزمته يلبسها بتجاهل رغم المه الفضيع
وصرخ غازي وهو يضرب برجله ع الارض : الليث بتشيّب قلبي انت !
ابتسم الليث وهو يوقف بصعوبة : ماهو انا اللي اترك الناس تنتظرني لو على حساب صحتي يا غازي
ربَت على كتفه وهو يمشي بصعوبة وماكان من غازي الا مساعدته بقلة حيلة !رُغم تعب الليث القوي والدوار اللي ينتابه كل شوي الا انه مستحيل يترك نجد تنتظره !
ومتعطش لشوفتها بعد فراق الاسبوع !
🌹📚 @storykaligi 🌹📚🖋
🍃🌹
🌹🍃🌹
🍃🌹🍃🌹
🌹🍃🌹🍃🌹
أنت تقرأ
شاركيني لو مشينا دروب الهنا واعذريني لو لقيتي بدروبي عنا
ChickLitرواية سعوديه منقولة ( فقدان ، قتل ، ظلم ، محاولة زواج اجباري ، غرور وتكبر ، شجاعة ، مشاعر ، صداقة ، وفاء ، حب ، زواج ، وفاء ، بحث ، تحدي ، نهاية سعيدة ) تابعونا ... @storykaligi 📖
