شاركيني لو مشينا دروب الهنا واعذريني لو لقيتي بدروبي عنا

البارت 127

🌷🍃🌷🍃🌷
🍃🌷🍃🌷
🌷🍃🌷
🍃🌷
🌷 127 ..

📚 😍 📃
📖 روايـــــــــــــة ✍🏼
{ شاركيني لو مشينا دروب الهنا وأعذريني لو لقيتي بدروبي عنا }

📖🖌 @storykaligi 🌷🍃

مسك فياض ذراعه بقوه وبدون ما يلفّت انظار احد : اعتدل بكلامك معي ! وش هالنفسية التبن اللي جاي فيها ؟ حتى عمك ابو زوجتك منت مهتم له ؟ ارتِقي شوي وصير رجال مثل ما تقول واحشّم الضيف اللي متعنِي
ثنيان نفّض نفسه وهو يوقف متجاهل اكبر رجل بالمجلس لاصغرهم وصرخ بوجهه فياض : مالك سُلطة علي اكلم مين , ابداً لا تظن بيوم بتركك تتدخل مهما وصل قرُبك سابع سما لي !
خرج من بينّهم بغضب .. وصدمّة على وجه هجام اللي لاول مرة يشوف اخوه مع عمه بهالشكل ! ولفياض نفسّه اللي اُحمر وجهه من فرط صدمته وفشلّته امام الرجال
وقف ونطق بهدوء مخيف : عن اذنكم
وقف خلفه الجد عبدالله وهو يمسكه : اتركه يا ولدي يمكن معصب من شي , خليه يهدأ
ابتعد فياض بهدوء وهو يبتسم بمجاملة : مابروح له يبه لا تخاف
ابتعد عنه بعد ما قبّل جبينه وهو متحلّف بثنيان بقوة !
,
.
كثّرت المساسرة بوسط الرجال , عن صدمتهم بثنيان وصراخه على عمه فياض ! وعن الفضول اللي ينتابّهم عن الموضوع !
تنحنح عبدالله " بو هتان " وهو يزفر بعدم اعجاب للاقاويل اللي تنقال : استغفروا ربكم الدنيا عيد ونتو ماصدقتوا على الله تحصلون شي تقرضّون فيه !
دخل الجد عبدالله بتوتر وهو يجلّس بقرُب عبدالله الاخر .. ربت عبدالله على ركبّته بتهدئة : الشي طبيعي يابو يوسف .. لا تحاتيِهم !
هجام وقف بهدوء وهو يأشر : عاد عيدكم , عن اذنكم
وصل بقُرب البابا اللي متكي جنبه عبدالله : وين ؟
هجام : بخرج شويات وجاي !
خرَج وهو يلمح ثنيان وفياض من بعيِد والواضح انهم ما يسولفون وبس ! وصلت لمّد الايدي.
-
,
بعد ما تأكد فياض من دخول ابوه , انتبه لثنيان اللي واقف بآخر الممر ويدخن ببرود .. رافّع رجله اليسار على الجدار والثانيه مستقيمة ورافع شماغه ورابطه داخل العقال وفاتح ازارير ثوبه الأولية ليدخّن براحه !
تقدّم بغضب خطواته , وماهو فياض اللي ينرفع صوتهم عليه مهما وصلت الميانه سابع سما .. تقدّم وهو يخنقّه من طرف ثوبه ويشّد متجاهل الزقاير اللي سقط على طرف كتفه من فزة ثنيان وحرّق طرف الثوب !
فياض ناظّره بنظرات مستحقرة ومشتعلّة ونطق بصراخ : انا ياولد اليوم ترفع صوتك علي ؟ .. الظاهر نسيت نفسّك وانهبلت يومك تظن انك بتنزل ماي وجهي قدام الرجال داخل !
ثنيان ابتسم بسخريه وهو يزفر بقايا الدخان من انفه وكح من اختناقه بلكمة فياض بعد ما استفزه بالابتسامـة !
تقدّم هجام بركض وهو ينطق بخوف : استهدوا بالله وش تسوون!
ثنيان انتبه له بحُقد وقرب وهو يدفه : انقلع انشغل بنفسك ومخططاتك يالفاشل لا تتدخل فينا حنا بكيفنا عساك لو تشوفه يقبرّني مالك دخل فيني !
رص على اسنانه وهو ينطق : انسى اني اخوك حتى , وخلك قد كلمتك يومك مسوي لي فيها القوي
رمقّه هجام بحزن ونطق ببحة متجاهل دفة فياض لثنيان ليصمت : عارف بغلطّي واحاول اصلحه , احسن من اني اغلط لجل اطلّع حرتي بس
ابتعد عنه بهدوء وهو يسمع صراخ ثنيان وشتمّه له ! متغير وبالـحيل وماهو ثنيـان اللي تخـرج منه هالتصرفـات !
مسك فياض فك ثنيان وهو يرمقه بغضب : لا قسم انك انهبلت وشكلك تحتاج دورة تهلـك كل خلية فيك ونبدي فيك من جديد
ثنيان دفه : وش تبي مني انت بعد ! كلكم جايين علي تراني انسان بعدوا عني شوي .. تخنقوني تفهم وش يعني ؟
جا بيبعد ومسكه فياض وهو يرمقه بحده : الحين تعلمني وش بلا عقلك المصدّي ذا !
زفر ثنيان وهو يبعده عنه : محد له دخل فيني , بكيفي ماتفهم انك تتركني لحالي ؟ مابي اشوف احد
فياض : وجهك وده يتغير ؟ يدي تحكني وانت الظاهر ودك كثير تتغير خرايطك !
ثنيان جلس ع الارض ببرود : ماعد يهمني شي لو انقبّر بهالارض وارتاح
فياض رمقه وزفر بعدم اعجاب .. دراما زايدة يشوفها لكن ماهي من ثنيـان ! لا زعل ثنيان يزعل جد ولا غضب يغضب من جد .. ماهو كلام فاضي لان ثنيان مايقدر يبين مشاعره بكل مرة ولو بانّت فهي حقيقية لدرجة مو طبيعية ..
-
جلّس بجنبه وهو ينطق : توك الصباح فرحان , وش اللي حصل وتركك تتغير ! من بعد ما رقيِت فوق تسبح وانت نازل معتفس
ثنيان زفر بهّم : ماودي احكي , يصير تسكت؟
فياض رمى انفاسه وهو يناظره وضحك : تكفى قوم نضرب بعض
لف ثنيان له باستغراب من طلبّه الطفولي : انهبلت؟
فياض هز راسه بنَفي : تطلع طاقاتك واطلع طاقاتي
توقف ثنيان وهو ينطق بسخرية : ماني بايع عمري انضرب تحت كفوف يدينك اللي كانها صخر , قم انقلع داخل بس عارف نيتّك انا
ضحك فياض بخفة وهو يوقف وينفض ثوبه : حاول تهدأ من نفسك ولا تطلّع حرتك بالناس
ثنيان رمقه بنظرات واقترب : تصدق فكرت بكلامك , شرايك نتهاوش ؟

🌷📚 @storykaligi 🌷📚🖋
🍃🌷
🌷🍃🌷
🍃🌷🍃🌷
🌷🍃🌷🍃🌷