شاركيني لو مشينا دروب الهنا واعذريني لو لقيتي بدروبي عنا

البارت 106

🌻🍃🌻🍃🌻
🍃🌻🍃🌻
🌻🍃🌻
🍃🌻
🌻 106 ..

📚 😍 📃
📖 روايـــــــــــــة ✍🏼
{ شاركيني لو مشينا دروب الهنا وأعذريني لو لقيتي بدروبي عنا }

📖🖌 @storykaligi 🌻🍃

ثنيـان خرج من القاعه ورد على نجد اللي تحاول تتقاوى ولكن نبرة صوتها واضحة وجدِاً لثنيان اللي حافظّها : ثنيان تعالّي بسرعه تكفى
ثنيان بخوف : اشبـك !! , وين الليث ؟
نجد : الله ياخذه ثنيان مابيه !! تكفى تعالي تكفى مابي اقعد هنا
ثنيـان هز راسه بتوتر : توضحين لي ياروحي وش اللي حصل ؟ جايك انا
نجد جلست برعب وانظارها على الباب : ماسوالي الليث شي لكن بسببه صارلي شي تكفى اذا جيت اقولك بس اسرع علي مابي اجلس دقيقة هنا , والليث عفته مابيه ثنيان
ثنيان ركض لداخل القاعه وهو يهز راسه بموافقه وعدم فهم : جايك يا قلبي جايك
سكرّه وهو ينزل لهتان بسرعه : نجد تبيني قومي يلا
هتان باستغراب : شفيها ؟
ثنيان اشر لها وهو يخرج ووقفت هتان بفشلة واستغراب ومليون شعور مزدحم بقلبها
-

صعدت جنبه وتو بتسأله وحرك بسرعه : ثنيان اسم الله عليك شفيك !! شصاير بتذبحنا
ثنيان بتسارع وتفكيره حول نجد : بتركك ببيت جدتي فاطمة لان اقرب , اشوف نجد واجيك
هتان : شفيها نجد ثنيان ! بّجي معاك مستحيل اقعد بخوفي
ثنيان لف لها بقوه وصرخ : هتان ماهو وقت عنادك ارجوك ! بتركك عند بيت جدتي وانتهينا ! اشوف نجد واجيك خلاص
انكمشت على نفسها بخوف وهي تمسك جوالها تكتب لنجد بخوف وتسأل عنها !

-
نجـد المرتعبـة , طرف دقنها مجروح وكفوفها تنزف , واثر طبعه الخد اللي بنجّت فكـها مرسومة عليه
تبكي مُر الشعور ومُر الحياة والف مُـر يمر عليها , من لحظـة ملكتها على الليث للان وهي بخطر لكنها تتجاهله ! وما تشوف من الليث اي حماية !
ماهي بايعـة نفسها لليث ولا لحياته المخيفة واللي مليانه تعب وجروح ! صحيح وافقت لكن لغايـة وما ودها تكمل هالغاية دام صار اللي صار .. كارهة طارّي الليث
واللي صار بكبره ودها تبكي بحضن امها الان وتسمع تهدأة اخوها
-

وقفـها عند بيت فاطمة وهتان خجلانه بدخولها المفاجئ بهالشكل لكنها استسلمـت من حسته معصب بقوه وماهو وقت اسألتها نطقت برعب : لا تنسى تطمنّي عليها
هز راسه وهو ينتظرها تسكر الباب ومن سكرت حرك بسرعـة كبيرة تجاه بيت الليث ومتهدد فيه ولو طاح بين يدينَه بيقتله بلا شك ..
-
نصف ساعـة وصار عند باب بيتهم ومن سوء حظ الليث وصل بنفـس الوقت , تحول وجهه ثنيان من الخوف للحنّق والغضب عنقه واذنيه وكامل وجهه بالاحمر , رمى شماغه للخلف وهو ينزل بغضب تجاه الليث اللي مستغرب من وجود ثنيان الحين وما مداه يسأل الا بلكمة ثنيان على وجهه ادت الى تزعزع حركة الليث وسقط ع الارض , اشر ثنيان باصبعه بتهديد : والله لو اشوف اختي بقدر اصبع مجروحة لاحرق عليك الدنيا يا ليث
ابتعد عنه ودخـل للداخل يبحث عن نجد اللي من سمعتهم تنقبت مباشرة ماودها يشوفون وجهها
وقف الليث بتعب من سقطته وعدم فهمه للي صار ودخل خلف ثنيان
,
شتت انظـارها على دخولهم الاثنين بخوف عليها , تقرَب ثنيان لها وهو يشد على كتوفها ويحاول يفتح نقابها ابتعدت للخلف وهي تنطق ببحه : نروح البيت
ثنيان : شصار لك ؟
الليث يناظرهم باستغراب متجاهل الم جرحه اللي انفتح شوي , حس بشعور قبيح ومخيف لما شاف دموع نجد متجمعة وتناظرَه !
ثنـيان بغضب من انظارها لليث نطق بجمود : وش صار يا نجد ؟
نجد غمضت عينها لثواني ونزلت دموعها اخذت نفس وهي تنطق ببحة : عادي تتركني مع الليث دقيقتين؟ بالسيارة اقولك كل شي
ثنيـان شتت انظاره واخذ نفس وهو يتنهد , هز راسه بموافقة وهو يخرَج ~
وقـف الليث بنفس جُموده وتقربت نجـد منه من شافت ثوبه بدأ يحمر , رجع خطوات للخلف بجمود وهو يكتّف يدينه للخلف بهدوء اكبر : وش اللي حصل بالساعة اللي تركتك فيها ؟
نجد تجاهلت ومدت يدها للجرح اللي بحاجبه ونطقت ببحة : من ثنيـان؟
ابعد وجهه عنها ونطق بجمود وانظاره المخيفة تناظرها : وش قلتي له ! توضحين لي ؟
نجد ابتسمت بسخرية من نفسها وهي تفصخ نقابها بهدوء , بردت ملامح الليث من شاف دقنـها المجروح وخدها المُحمـر
ضحكت بنبرة باكية : تخيل احد يشوف وجهي اللي ساترته اكثر من ١٢ سنة ويتغزل فيه وماهو حلاله ؟
تلوّنت اذنيه بالاحمر وهو عاقد حاجبه بغيرة وينتظرها تكمل واكملت بصراخ : تخيـل احد يمسك وجهي ويقول الليث عرف يختار !
مدت يدها ليده وهي تتركه غصب يمرر كفـه على وجهها : يمسكني كذا يالليث ، كذا !!
رجـف الليث وهو يحـس بألم كبير اكملت نجد بنحيـب : بنص بيتك يا الليث يعتدون علي ! بدون حماية منك للأسف ياحـيف بس
ابتعدت عنه بتخرج ومسكـها وهو يحتضنها بقوة , عارف انها منهارة نفسياً وماله احقية بالاعتراض لكن

🌻📚 @storykaligi 🌻📚🖋
🍃🌻
🌻🍃🌻
🍃🌻🍃🌻
🌻🍃🌻🍃🌻