💐🍃💐🍃💐
🍃💐🍃💐
💐🍃💐
🍃💐
💐 76 ..
📚 😍 📃
📖 روايـــــــــــــة ✍🏼
{ شاركيني لو مشينا دروب الهنا وأعذريني لو لقيتي بدروبي عنا }
📖🖌 @storykaligi 💐🍃
وقـف الكل بحيرة وسط بكاء طيف اللي بالمكان وصراخ هتاف ومحاولة توقيف طيف لها
هتاف بصراخ وهي تدف طيف : بنتي داخل يا طيف اتركيني
نادر ركـض باتجاهم من كان يمشي وانصقّع من التجمع
صرخت طيف بخوف على هجام من دف الرجل اللي يمنعه وصعد بدون خوف !
صغر عينه من قوه الدخان وهو يشوف الرؤيه تختفي بزدياد الدخان وكح بقوه ، ممكن ينخفّض ضغطه باي وقت لكنه مافكر بهالشي ! ابداً مارح ينتظر الدفاع المدني يوصّـل على حساب روح بنته !!
رجع للخلف بذهول من شاف الشقه مدّخنه وبلا شك ورد بخطر الان !
والرؤية انعدمت من كمية الدخان الخارجة من الشُقة
ضرب الباب برجله لمرات لين انكسر وهو يدخّل ، مايمديه يصرخ باسمها من كتم انفاسه ! خاصة ان بدأ يفقد نفسه وهو يحس انفاسه بدت تكتمه ، وضع ذراعه على انفه وهو يفتح الابواب بجنون ويبحث عن ورد
مايعرف كيف وصلّ غرفتها وشافها والرعب اللي انتابه اول مالمح جسدها الصغير ع الارض مرمي !
وكيف قدر ينزل الدرجات بخوف لانقاذ بنته ! رغم عدم قدرته على خطو خطوة زياده من حس ان رجله فقدت توازنها لين ماخرج من باب العمارة بوصول الدفاع والاسعاف !
~
ارتمـى ع الارض بتعب وبنته بحضنه شاد عليها ، وركضت هتاف من لمحته بفزع على بنتها وهي تسحّبها من حضنها وتشد عليها بخوف : بنتي مافيها شي صح؟
طيف بكت وهي تقترب وصرخت بخوف من شافت تهاوى جسد هجام ع الارض
.
بالمـستشفى , بعد ما نقلوا ورد وهجام ..
جالسة طيف بجنب هجام لين ما يصحى وبعد ما تطمنت على ورد بان انفاسها مُنتظمة وتمت السيطرة على الامور
بخوفها على اخوها اللي نست فيه كل بني ادم بذات الوقت وكمية المصايِب اللي بدت تتحذف عليهم !
ما وقفت دموعها من وصولهم للمستشفى الى الان !
كيف ضحى بحياته لبنتـه اللي ما تعرفه للان وبنسبة كبيرة ما تتقبله ..
رفعت راسها من حست فيه يكـح بتعب ووقفت بفزع وهي تسحب الموية تمدها له ، اعتدل بجسّده وهو يزيل اللحاف بيوقف ونطقت طيف بخوف وهي تسحبه للجلوس : وين بتروح ؟
هجام ببحة : بتطمن على بنتي ! بتطمن على ورد
طيف : بخير هي والله ! تتطمن عليها لما يخلص المُغذي اجلس الحين
هجام وقف باصرار : بشوف بنتي طيف ! بنتي
طيف نزلـت دموعها وهي تاشر له : طيب بجي معك بساعدك !
هجام رمقها بهدوء وهو يحس بمرارة الشُعور نطق ببحه وهو يشوفها تمشي بجنبه ماسكة يده يستند عليها واليد الثانيه ماسك فيها المُغذي : فيه احد كان بالعمارة؟
طيف هزت اكتافها : خرجت انت وورد ورحنا معكم بالاسعاف بعدها
وقفت من شافت نادر بعيد وبجنبه هتاف اللي تبكي ، تنهدت وهي تشد على يد هجام ونطقت بتوتر : شرايك لا مشى نادر نروح لهم؟
هجام ابتعد بشبه غضب : ما بخاف منه ! شايف بنتي انا
طيف بلعت ريقها : بس ماراح يتقبلون هالشي
هجام : ما يهمني طيف صدقيني مايهمني !
رفع نادر راسه من شافهم بقربه ورفع حاجبه باستحقار وهو يتقدم لهم : شتسوي هنا ؟
هجام رمقه بنظره وهو يشوف هتاف تطالعهم بتعب : جاي اتطمن ع بنتي عندك مانع؟
ضحك نادر بسخرية : مو يعني انقذتها تصير ابوها ! كان صرت ابوها يوم قالت لك هتاف انها حامل
طيف زمت شفايفها وهي تشوف هجام يشتت انظاره بقهر ونطق : بتطمن على بنتي يا نادر ! يا وانت راضي والا رافض وبالطقاق
نادر جا بيتكَلم ونطقت هتاف بتعب : اجلوا هواشكم لبعدين ممكن ؟ اللي فينا مكفينا
طيف هزت راسها بتأييد لهتاف : هجام اتركنا نرجع وبعدين نشوفها
نادر رمقها بنظرات غريبة وابتعد وهو يستغفر ، نطق هجام بجمود : انا جيت بشوف بنتي يا طيف وما برجع الا لا تطمنت ! ولا ضربت براسي ابّات عند راسها واللي فيه خير يبعدني
نادر التف بغضب ومسكت هتاف يده وهي تترجاه
دخـل هجام لحالـه وهو يجر خطواته ويشوف جسد بنته النحيل ! وملامحها البريئة والاكسجين على وجهها
رفع راسه من حس بدموعه تتجمع ، اول لقاء لبنته بهالشكل القبيح والقاسي لقلبه !
اقترب منها اكثـر برجفة ودنى على راسها وهو يقبلّها لثواني طويلة وابتعد من حس بدمعته نزلت على جبينها
هجام ببحة حزن : اعتـذر يا بابا سامحيني
-
💐📚 @storykaligi 💐📚🖋
🍃💐
💐🍃💐
🍃💐🍃💐
💐🍃💐🍃💐
أنت تقرأ
شاركيني لو مشينا دروب الهنا واعذريني لو لقيتي بدروبي عنا
ChickLitرواية سعوديه منقولة ( فقدان ، قتل ، ظلم ، محاولة زواج اجباري ، غرور وتكبر ، شجاعة ، مشاعر ، صداقة ، وفاء ، حب ، زواج ، وفاء ، بحث ، تحدي ، نهاية سعيدة ) تابعونا ... @storykaligi 📖
