شاركيني لو مشينا دروب الهنا واعذريني لو لقيتي بدروبي عنا

البارت 147

🔮🍃🔮🍃🔮
🍃🔮🍃🔮
🔮🍃🔮
🍃🔮
🔮 147 ..

📚 😍 📃
📖 روايـــــــــــــة ✍🏼
{ شاركيني لو مشينا دروب الهنا وأعذريني لو لقيتي بدروبي عنا }

📖🖌 @storykaligi 🔮🍃

رفع ثنيان حاجبه بذهول وضحك : افا يا يمه , زعلانه مني صح ؟
سحبت اغراضها وهي تعطيه ظهرها ووقف وهو يتقدم بضحك ونزل يقبل راسها رغم رفضها : لا تصيرين انتي والدنيا علي يا يمه وتحرميني من حَس صوتك ودعواتك لي !
فاطمة رّق قلبها مباشرة : ما اقوى على الزعل عليك انت بالذات , روح يا يمه جعلك ما تشوف الحزن بحياتك ومردّها بترجع لك
استند على كتفها ونطق بهمس لجل ياخذ رايها بدون احد يدري : فياض بيعطيني اجازة لجل اروح البحرين , هقوتك اروح اكلمها ؟
فاطمة ابتسمت بفرح : اكيد وللحين مافكرت انت ؟ ما تدري يمكن يرّق قلبها
تنهد وهو ينطق : ماظنتي .. دخلت التاسع امس يمه , وعلى مشارف ولادة بأي وقت
اعتدل بجلسته وهو يزفر : آخ يا هتـان آخ
فاطمة : هونـها وتهُون !
.

هتان جلست بقرب عبدالله وهي تحس بثقل باشهرها الاخيرة .. وانهلاك تام لجسدها قومتها وقعدتها صارت ثقيلة وباليالله تتحرك لكن ما ينكر عبدالله انها زادت حلاوة اكثر ووده لو ثنيان بقربها !
مد لها صحنها وهو ينطق بجدية : مافكرتي تسمينه ؟ ولا تنتظرين السماوة على ابوه
هتان بتعب : شدراني انه ! مافكرت والله وبعدين مابي افكر الحين تو الناس
عبدالله : تو الناس ؟ هلو يالطيبة تراج دخلتي التاسع وبأي وقت بتولدين ؟
اكلت لقمتها وهي تحس بجفونها تتعب لمحها عبدالله وتنهد وهو عارف ان الوقت غلط لكنه نطق : متى ناوية تكلمين ثنيان ! ترا الولد ولده مثل ما اهوه ولدج عيب تخلينه يدق علي ياخذ اخباره مني انه ! وهو اولى بولدّه وواجب يحضر مواعيده معاج ويشهد خطوه بخطوة لولده !
زفرت هتان بنفسية متعبة : شبعت عن اذنك
مسك كفها وهو يرمقها بحدة لجل تكمل : ماقلت شي غلط
هتان : يبه الموضوع صاير يضايقني حِيل ! تكفى سكره خلاص الشي راح ومابيرجع لين امتى انتو بتصرُون علي !
عبدالله جا بيتكلم ودخل بدر وهو يسلّم : عمي عبدالله .. فيه صفقة ضروريه
وقف عبدالله وهو يأشر على المكتب : جدامي ادخل
استندت هتان بحرش : وعلينا السلام , مب ماليّه عينك تسأل عني ؟
بدر شمّق بوجهها وهو يدخل المكتب ودخل بعده عبدالله .. تركت هتان الملعقة وهي تفكر بكلام ابوها !
.

ابتعد ثنيـان عن لمتـهم بعد ما اتصل لـ فياض يعطيه خبر بأنه ياخذ الاجازة ويروح البحرين بكلام فاطمة وابتسم فياض بانتصار لان اجازته مُوقعه من فترة وكان يكمل اجراءات روحة ثنيان للبحرين وكملت : ايوه جهز اغراضك وروح الليلة لو ودك
ثنيان ضحك وهو يسكر الباب : ليه الاوراق بإسمي ؟ يبي لي اسبوع لجل اطلعهم
فياض : واللي يقولك انهم جاهزين ينتظرون حضرة جنابك يجي يستلمهم ؟
ثنيان بذهول : كيف كيف !
فياض : سر المهنة .. هيا انتظرك
-

وصـل الفجـر بعد ماودّع اهله .. ومحد يعرف بروحته البحرين غير فاطمة جدته وتحجج للكل بأنه مسافر الدوحة للترفيه عن نفسه !
ومن وصوله نام مباشرة من فرط تعبـه ، وصحى ظهر اليوم الثاني |
خرج من الحمام بعد ما اخذ شور وسحب جواله يفتحه لجل يعطيهم خبر وصوله واعتذر ان ما كلمهم فور وصوله لان نام .. خرج من قروب العايله ودخل على محادثة عبدالله بعد ما اعطاه خبر بأن بالبحرين وفوراً فهم عبدالله سبب جيّته واستقبله ببيته !
اتصل ثنيان عليه ونطق عبدالله : البيت بيتك والغذا علي ومابي اعتراض !
ثنيان : والله ودّي بس ماودي الحين اتركها وقت ثاني يا عم
عبدالله برفض : والله ازعل عليك لو رفضت .. ننتظرك الحين
ثنيان بتردد : وبنتك ؟
عبدالله : موجودة بس ما اعطيتها خبر .. يمكن الله كاتب لكم اللقى بعد ٦ الشهور عشان يحّن قلبها عليك يا ثنيان
زفر ثنيان وهو يسكر الجوال .. لبس ثوبه وسحب شماغه وهو يتعطر بكثره , خرج من الفندق متوجه لبيت عبدالله يحس ان قلبه بيخرج من مكانه لان اللقى صار قريب !
وماهو عارف يمسك نفسه من شوقه لها وحماسّه بإن يشوف شكلها بعد هالمُدة وكيف الحمل عليها .. رغم انها المرة الاخيرة لجل يعرف هل يرجع السعودية معها ولا يرجع السعودية بعد مايوقع ورقه طلاقها .. المرة الاخيرة لقرارها المسموع ..
.

بطريقه انتبه لمحل ورد , حركة غبيـة منه بعد هالفراق اللي سببته هتان لا زال قلبـه رافض يصدق اي سوء من طرفها ونافى شخصيته وحقدّ قلبه بعد ما يحاول يسمع تبرير ! الا ان هتان ما بررت وهذا شي اقوى بالنسبه له لكنه مو قاوي على بعدها !
نزل وهو يختار باقة ورد هاديـة .. أنيقة وتناسب جيتّه الاولى كـ زوجها بعد الزواج !
رغم توتره ان ممكن يعتبر طليقها يوماً ما , ويتمنى يموت ولا يجي اليوم اللي بتُحرم عليه هتان !
تنحنح اول وصوله وانتباهه للبيت عدل نسفـته بدون مايحس وهو يسحب عطره المفضّل ويرش منه !
بكامل أناقته اللي تأسر قلب الكل لما يشوفه بهالشكل رغم تعب ملامحه وانهاكها الواضح
-

🔮📚 @storykaligi 🔮📚🖋
🍃🔮
🔮🍃🔮
🍃🔮🍃🔮
🔮🍃🔮🍃🔮