شاركيني لو مشينا دروب الهنا واعذريني لو لقيتي بدروبي عنا

البارت الرابع عشر

🌹🍃🌹🍃🌹
🍃🌹🍃🌹
🌹🍃🌹
🍃🌹
🌹 14 ..

📚 😍 📃
📖 روايـــــــــــــة ✍🏼
{  شاركيني لو مشينا دروب الهنا وأعذريني لو لقيتي بدروبي عنا  }

📖🖌 @storykaligi 🌹🍃

التفوا لدخول فياض وخلفه بشرى اللي واضح من نبرتها باكيّة ومن ملامح فياض المعصبة القت السلام وهي تصعّد للأعلى ولجناحهم تحديداً
فياض بجمود : السلام عليكم
ثنيان بخفوت رد السلام وهو يرمقّه بهدوء وفاهم ان معصب ونطقت فاطمة : علامّها زوجتك نبرتها كذا !
فياض وهو يرمي كاب البدلة : مابها شي يمه مابها شي
نجد خرجت وبيدها صينية الشاي واتسع مبسمها من لمحت عمها فياض : عمي فياض !! متى جيت
فياض رغم عصبيته الا ان ابتسم بوجهها : اهلاً بنجد العذيّة
اقتربت وهي تجلس بقربُه بعد ما سكبت الشاي لهم
ودخلها بحضنه ، نطق ثنيان : عاد اللي يشوفها من شوي مادّه فمها كاننا ذابحين لها احد
ناظرته ببرود وهي تسولف مع جدتها واشتعل ثنيان بغضب داخلي كون نجد عُمرها ما سوت هالحركة معاه الا اذا زعلت او عرفت ان فيه شي ماقالّها عنه !
زفر وهو يشوف ساعته ونطق بعد ما وقت : يلا يا نجد البسي بنرجع ، يمه لا تنسين موضوعي !
فياض باستغراب : اي موضوع ؟
ثنيان شمق بوجهه : وش دخلك؟
كتمت الجدة ضحكتها وهي تشوف فياض تغيرت ملامحه وهي اكثر وحده عارفة علاقة ثنيان وفياض !
فاطمة وهي تمسح على وجه فياض : ماعليك منه يمه وده يحارشك
فياض رمقه بنظرات : خابّر هالحركات انا شكله وده ينطرحّ بهالارض
ضحك ثنيان وهو يخرج وينتظر نجد
.

عِند بشرى ، رقيقتنا الهادية والمثقفة !
بعد ما مسحت دموعها وغسلت وجهها واخذت شور اكثر وحده عارفه غيِرة فياض اللي تجي بشكل مُوجع لقلبها بعكس شخصيته معاها ، تستذكر احداث المستشفى وتدور اي سبب يترك فياض غير مُذنب باللي سواه !
كانت كعادتها بقِسم مرضى القلب للاطفال وتحديداً عند اطفال الرحمة " متلازمة داون " كعادتها اليومية بزيارتهم واللعب معهم ! خرجت بعد ما انتهت زيارتها لهم بسبب انتهاء دوامها واللي كلمها فياض بان رح يمرّها لجل يرجعون سوا
استوقفها احد الدكاترة بالقِسم وهو يناديها : دكتورة بشرى ؟
التفت له بشرى وهي تشد على نقابها : تفضلّ؟
الدكتور بهدوء : والله يا دكتورة كلنا ممنونين هِنا ومحظوظين انك تكونِي جزء من المستشفى ، شِفت لقاءك قبل كم يوم واشوفك قِدوتي
ابتسمت بشرى له وبدون ما تنتبه لنظرات فياض الحادة تجاه الدكتور اللي يكلمها وهي ترد عليه ، رغم المسافة الشبه بعيدة بينهم ورُغم هدوء بشرى وعدم قهقتها العالية والمُنافية لشخصيتها لكن بسبب تمرد الدكتور بنظر فياض ويمدحها بمسمعه ترك فياض يشتعل بالكامل بغضب وتقدم بحدة وهو يضغط على يده
يحاول يكتم غضبه وما يفجره بوجه الدكتور : خير ؟
التفتت بشرى لصوت فياض ولوت شفايفها من شافت الحدة بعينه ونِطقت بهدوء : شكُراً دكتور
قاطعها الدكتور : احمد
بشرى بذات هدوءها : دكتور احمد على كرمك
ابتسم احمد لها وهو يبتعد بعد ما رمق فياض بنظرات استنكار
والتفت بشرى له وهي تمسك يده وتسحبها معاه لغرفتها : شفيك ؟
فياض بغضب وهو يترك يدها من دخلو غرفتها واتجهت بشرى تلّم اغراضها : بفجر السلاح براسه وبراس اي واحد يفكر يحاكيك هِنا !
بشرى رمقته بهدوء ونطقت : بالهُون فياض ! ماهُم مجرمينك ما له داعي كل هذا وتراه صغير بحِسبة اخوي
فياض بغضب : بس مو اخوك ! وكم مرة قايلّك لا يطبّ لسانك بلسان اي دكتور هنا ؟
بشرى باستنكار : يعني احقرّهم ؟ اسفّهم ! فياضّ تكفى لو فيك عصبية من شغلك لا تطلعه على الدكاترة وهم مالهم ذنب !
فيّاض تقدم لها بغضب وهو يمسك وجهها : انتي لفيّاض بس ! لو تحركت عينك طرف يمين ويسار والله يا بشرى اقلّع عيونك من محلها
بلعت بشرى ريقها بخوف منه .. وهي عارفة ان ما يوصل بهالكم من العصبية الا لو بيكون نقطة وينفجر لكن رغم ذلك تخاف منّه بقدر معرفتها فيه تخاف ، تعرف ان يخاف عليها من روحه وكل كلامه بيندم عليه لان بلحظة غضب .

بشرى وعت من سمعت الباب يندّق وتزفيره فياض
وفزت وهي تفتح له وتبتعد : كان ما فتحتي احسن ؟
بشرى رمقته بنظره وهي ترجع للسرير وتغطي نفسها بالكامل باللحِاف ، رمى الكاب وجاكيته العسكري وهو يكتفّي بالتيشرت الاسود
جلس ع الكنب وهو يخلّل يده بشعره من ضغط العَمل ومن ضغطه ع بُشرى وعارف بزعلّها ! وبكاءها اللي مايقوى عليه
زم شفايفه لثواني وهو يتأملها وعارف انها صاحية تحت اللحاف !
توجه لـ الحمام وانتو بكرامه وهو يغسل وجهه وذراعه وخرج وهو يغير ملابسه بشورت وتيشرت اسود ~
فياض وقف عند راسها وهو ينطق بجمود : مو نايمه ، واعتدلَي

🌹📚 @storykaligi 🌹📚🖋
🍃🌹
🌹🍃🌹
🍃🌹🍃🌹
🌹🍃🌹🍃🌹