🌻🍃🌻🍃🌻
🍃🌻🍃🌻
🌻🍃🌻
🍃🌻
🌻 115 ..
📚 😍 📃
📖 روايـــــــــــــة ✍🏼
{ شاركيني لو مشينا دروب الهنا وأعذريني لو لقيتي بدروبي عنا }
📖🖌 @storykaligi 🌻🍃
خرجت طيف بغضب من نجد وهتان والجميع , من رجعت من أمريكـا وهي تحس بتوحد ومحد معطيها وجه !
-
بعـد ساعتين , عند هجام خرج من الشركة اللي قدّم اوراقه فيها وهو يتنهد بحزِن من رفضهم له !
صادّف دخول هتاف بذات المبنى وعقد حاجبه باستغراب وهو يدخل خلفها من تأكد انها ما شافته !
وقف بعيد وهو يشوفها تسلّم على اللي يمرون من جنبها وتدخل مكتب مفتوح ! تقدم اكثر وانذهّل من شافها تجلس على المكتب !
هتاف تداوم بذات المبنى اللي قدّم عليه وانرفض , اخذ نفس وهو يتقدم لها ويّطق الباب ويدخل رفعت هتاف راسها تظنه احد الموظفين بالملفات وتوسعت عينها من شافته هجام : السلام
هتاف بلعت ريقها : وعليكم السلام , كيف جيت؟
هجام جلس بهدوء : تشتغلين هنا؟ من متى
هتاف : الله وفقنّي الحمدلله , تراقبني؟
ضحك هجام ببحة : شدعوه
رفع الملف : جيت اقدم على شغل هنا وانرفضت
هتاف بهدوء : ليه انت ماكنت تشتغل؟
هجام تنهد بحزن : إلا , لكـني انطردت وبعدها سافرت امريكا لجل كذا
هتاف ببرود هزت راسها وهي تنتظره يطلّع , استخسرت عليه حتى كوب موية
فهم عليها هجام ووقف : استئذن انا , موفقة
خرج وهي جلست على المكتب وتطقطق بالقلم , ابتسمت بخبث تفكيرها : بتنذّل كثير على كذا ياهجام , كثير .. الله يمهل ولا يُهمل
-
صحت هتان من جديد ورجعت لحزنـها , خرجت ملابس سوداء بدون احساس وبدلت وهي تسحب عبايتها خرجت الصيدلية ورجعت بدون ما يحس عليها احد ..
شاكـة وكثير وما تقوى لو أصدقت شكوكها , بطنها والصداع والاستفراغ ماهو تسمم ولا نزلة برد .. حول الاسبوعين تحسـه وطالت الأعراض !
خرجت من الحمام وهي ترجف والدموع بعينها بخوف
وتدعِي بكل قوه , ما تقوى على الشي وماودها الحين وخاصة بُعد ثنيان اللي يتعبها اكثر وتنتظره يكلمها ويطمّنها عليه سقطت دموعها مباشره من تأكدت الشكوك وبان بتحلِيل الحمل الخطِين المستقيمين بجنب بعض
أول شعور حسته الندم , وثانيِه الهم يزيد وثالثِه عدم الفرحة دام ثنيان ماهو موجود !
زاد همها لأنها من سابع المستحيلات تقول لهم انها حامل ويعرفون قبل ثنيان ! ثنيان اول من يعرف وبعدها
البقيِة !
مسحت وجهها المُصفر برجفة وهي تتنهـد ونطقت بإبتسامه غريبة وهي تحاوط بطنها : الحمدلله
زفرت من تذكرت نجد , مقصّرة بحقها وكثير رغم وقفة نجد معها الا ان هتان تحس بحاجز كبير بأنها تصرح بحياتها قبل وخاصة انها الان ماهي صديقة مقربة وحسب بل زوجة اخوها .. اخوها المُفضل والمقرب بذات الوقت ومستحيل ترضى عليه ! رُغـم انها كانت بتتفوه بكل شي الا انها حست السكُوت أنسب حـل !
-
بالأسفـل , طيف تتحاشى النظر لنجد ومتكتفه ونجد مشتته انتباهها تماماً وتراجع حياتها وأحداثـها كطبيعة حالهـا
فاطمة وام ثنيان شقوا طريقهم للسوبر ماركت يتقضُون , وما بقي أحد غيرهم
قاطع شتاتهم دخول هتان وسقطت انظارها على طيف اللي ترمقها بنظرات , صدت هتان ببرود وهي ترتشـف من الموية بهدوء
نطقت نجد بعد ما انتبهت لها : لونك أصفر , من امس ما اكلتي شي .. تعالي افطري
هتان ببحة : مابي احس مالي نفس
طيف بإصـرار : تراك أمانة من ثنيان , لا تعاندين تعالي
هتان رمقتها بهدوء وزفرت وهي تسحب الكرسي وتجلس أمامها وتمتمت بخفوت : عشان ثنيـان وضناه بس
أكلت شوي وشربت من العصير وتركته وهي تتنفس بغضب : لا تطالعيني جي ! ماعرف اكل
طيف بغيض : شوي شوي لا ينط لك عرق بس , بعدين فيه احد ياكل كذا ؟ عصفور انتي
هتان بحمق : مالك دخل , كيفي هذا أكل الاتكيت شعرفك
عقدت نجد حاجبها منهم وناظرتهم بصمت تنتظرهم يكملون
طيف : تعاملين ثنيان كذا ؟
هتان مسكت الشوكة وهي تغرسها بالبيض وتناظرها بقوة : انا وثنيان بكيفنا , شدخلج للمرة الثانية ؟ حشرية ترا
طيف بغضب ظاهري : وانتي ايش ؟ مغرورة وشايفة حالك على ايش ؟ احمدي ربك انك اخذتي ثنيان الله يعينه عليك جد
هتان : يعين الله اللي بياخذج نكديِة وتيِيبين الهم
اشرت على وجه طيف : ويهج يسد النفس
وأكملت وهي تأشر على وجه نجد : هذه ويهها يفتح النفس مع انها مكتئبة بس البست ماقدر اقول عنها شي
سكتت طيف لثواني وهي تناظر هتان , وهتان بالمثل وثواني بس وانفجروا ضحك وسط استغراب نجد
رفعت سبابتها وهي تمررها على شفايفها وبداية جبهتها : صدق الحمدلله والشكر , جنيتوا ؟
طيف تمسح دموعها من الضحك : وجهك يضحك !!
🌻📚 @storykaligi 🌻📚🖋
🍃🌻
🌻🍃🌻
🍃🌻🍃🌻
🌻🍃🌻🍃🌻
أنت تقرأ
شاركيني لو مشينا دروب الهنا واعذريني لو لقيتي بدروبي عنا
ChickLitرواية سعوديه منقولة ( فقدان ، قتل ، ظلم ، محاولة زواج اجباري ، غرور وتكبر ، شجاعة ، مشاعر ، صداقة ، وفاء ، حب ، زواج ، وفاء ، بحث ، تحدي ، نهاية سعيدة ) تابعونا ... @storykaligi 📖
