🌷🍃🌷🍃🌷
🍃🌷🍃🌷
🌷🍃🌷
🍃🌷
🌷 131 ..
📚 😍 📃
📖 روايـــــــــــــة ✍🏼
{ شاركيني لو مشينا دروب الهنا وأعذريني لو لقيتي بدروبي عنا }
📖🖌 @storykaligi 🌷🍃
من دخل غرفته توجه مباشره للحمام ليأخذ شور بارد
لعل وعسـى تخف شوي من حرّته وغضبه .. غلطانه من ساسها لراسها ومع ذلك رفضت تبِين اي شي له !
رُغم ان حاول معها لجل ما يخسرها ويخسر حُبها ! لكنها مثل بداياته معها ومثل ما رفضـته المرة الاولى رفضته طول حياتها وكأنها دخلت بعلاقة زوجية معاه غرضـها اللعب بس ! لازال مو مستوعب ان الخيانة تطلع من هتـان !
وبعـدم احترام له .. ولا لعايلته ولا حتى لأبوها او نفسـها
اللي جنّن عقله هو الاسم اللي مكتوب بخط عريض بالاعلى " حمودي " وبقلب أحمر بقُربه !
تذكـر مباشرة جوالها اللي اخذه وما رجـعه لها للآن ..
وعنده خبر ان عندها جوال ثاني .. لكن اللي بيدّه هو الاساسي .. ما انصدم ان يحتوي على كلمة سر أساساً لكنه ماهي صعبة على ثنيـان بفتحه !
-
ببِيت يوسـف " ابو ثنيان "
جالسِين يسولفون ويضحكون برواق مع طيف ونجد اللي متصلّه لهم .. داهم جلوسـهم دخول هجـام وبيدّه بنت بعمر الـ ٥ سنين وخلفـه حرمه
رُغم توتره الا انه واقف بشموخ وهو ماسك بنته بحضنه وزوجته بُقربه ~
نطقت هتاف بهمّس متوتر من أنظارهم : سلام عليكم
من صدمتهم أبوا يردون السلام .. الا طيف اللي عرفتهم من ورد قبل دخُول هتاف !
نجد عقدت حاجبها من سُكون ملامحهم ونطقت : طيف شصاير ! حصل شي !
طيف نطقت بجملتين سريعتين قبل تقطعه بوجه نجد : بعدين اقولك بعدين
سكرت بوجهها وهي تنطق بهدوء من سكون امها وابوها : حياكم
ابو ثنيان : منو هذول ؟
تمسكت ورد بأبوها من بدت تشوف نظراتهم : بابا رجعنا البيت
ام ثنيان شهقت : وشو بابا !!
-
هجـام بلع ريقه ونطق بهدوء وهو ينزّل ورد على الارض : طيف .. خِذي هتاف وورد للجناح !
هزت راسها وهي تأشر لهم وصعدوا .. وتنهد هجام ونطق بهدوء : اقولكم وتفهموني ؟
ابو ثنيان : وش نفهم ؟ انك جايب مدري مين وعلى اساس عايلتك !! ماشاء الله متى سويتهم ؟
تنهد هجام وهو يجلس بهدوء : يبه اسمعني !
ام ثنيـان : وش بابا ياهجام ! بنتك واحنا اخر الناس نعلم بحفيدتنا !
ابو ثنيان بغضب : وش بنته وش ؟ وهو زواج مب متزوج !! اكيد ان لاقيها ولا شي
هجام بشبه حده : لا والله انها بنتي ! واللي معها زوجتي وحبيبتي من قبل خمس سنين يبه .. خمس !
ابو ثنيان : لا والله انت انهبلت ! مالك زوجة الا بنت عمك
هجام ببرود : اظن ان انتهينا من هالموضوع !
-
عِند ثنيـان
.
,
غضُون دقايق تلّتها رُبع ساعه وقدّر يفتحه .. وارتسمت ابتسامة انتصـار على وجهه رُغم انه يكره تفتِيش جوال احد ! وخاصـة بشخص يحبه و وَاثِق فيه الا أن الثقة بدأت تتبخـر والسبب يُعود لرفض هتان بانها تتكلم عن شي !
توجه لبرنامج الواتساب وهو متجاهل الرسـايل بالقروبات الثانية وعينه تبحث عن شخـص واحد فقط !
انتبه لصورة العرض الخاصة فيه وعقد حاجبـه وهو يحس بأن يعرفه .. وقّد شايفـه حتى !
-
,
عِند البنات فوق .. وسط توتر هتِاف وعدم تقبلـها أو موافقتهـا حتى على الجيّة مع هجـام .. لكن إصرار
نادِر الكثير عليها وشبِه ترجاها تركها توافق , صحيح ماتراجعت عن اللي بتسويه لكن ماتنكر تغيير هجام عن السابق , ورغم وقفته امام عايلته بعد هالسنين متأخرة الا انها تصنع فارِق كبير!
لفت هتاف لصوُت جوالها يرن و رفعت انظارها على طيف اللي اعتدلت بجلستها من لمحت اسم نادر ينّور شاشة جوال هتاف .. أمالت شفايفها بعدم اهتمام وهي ترد على اخوها : اهلاً ؟
تصنعت طيف عدم المُبالاة وهي تهمس لورد : تجين تنامين بغرفتي ؟
هزت ورد راسها بالايجاب : ايوه ايوه
مدت يدها وهي تمسكها ووقفو ينتظرون هتاف تخلص مكالمتها : لا جالس يكلم اهله واحنا صعدنا فوق .. لا ان شاء الله خير , طيب ان شاء الله مع السلامة تصبح على خير
قفلت وهي ترفع نظرها باستغراب لورد ونطقت طيف : فيه غرفة بجنب غرفتكم بس يبي لها تعديل ونأثثها لوردتنا لكن لبِين تتأثث غرفة الحلوة فهي بتنام عند العمـة .. صحيح ورد ؟
هزت ورد راسها بايجاب وزفرت هتاف بابتسامة امتنـان : شكُراً طيف من جد
طيف ابتسمت : ممنونة لك واحاول اسوي اللي اقدر عليه .. تصبحين على خير
فتحت هتاف حضنها لورد : مافيه بوسه للماما قبل ؟
دخل هجام على اخر جملة وهو يبتسم بتنهيدة رغم الهموم على وجهه .. التفوا بفضوُل له ونطق وهو يسكر الباب : نقول ان شاء الله خير
🌷📚 @storykaligi 🌷📚🖋
🍃🌷
🌷🍃🌷
🍃🌷🍃🌷
🌷🍃🌷🍃🌷
أنت تقرأ
شاركيني لو مشينا دروب الهنا واعذريني لو لقيتي بدروبي عنا
ChickLitرواية سعوديه منقولة ( فقدان ، قتل ، ظلم ، محاولة زواج اجباري ، غرور وتكبر ، شجاعة ، مشاعر ، صداقة ، وفاء ، حب ، زواج ، وفاء ، بحث ، تحدي ، نهاية سعيدة ) تابعونا ... @storykaligi 📖
