🌷🍃🌷🍃🌷
🍃🌷🍃🌷
🌷🍃🌷
🍃🌷
🌷 132 ..
📚 😍 📃
📖 روايـــــــــــــة ✍🏼
{ شاركيني لو مشينا دروب الهنا وأعذريني لو لقيتي بدروبي عنا }
📖🖌 @storykaligi 🌷🍃
زفرت طيف بفرح وهي تشوف ورد تركض لابوها تبوسه قبل تروح مع طيف .. ربتت على كتفه وهي تخرج وزفر هجام وهو يشتت انظاره على المكان بأكمله ورجعت ملامحه تغزوها التوتر والاكتئاب .
-
وصل الخبر بشكل سريع لفاطـمة .. رغُم صدمتها بحفيدها هجام الا انه اكثر شخص ترأف فيه ويكسر خاطرها بشكل , كان ضمن تخبطات الحياة ومُرها عليه
وما صار بشخصيته السيئة الا بسبب افعال ردايا الناس , لكن ولله الحمد رجـع وممُكن اللي رجعته لعقله هي زوجته اللي ما تعرفها للحين .. وبالرغم من حزنها على حفيدتها اميرة وعلى اللي تعيشه بكثر فضولها ولهفتـها بأنها تشوف اول حفيدة من ولد ولدها .. خاصة بانهم كانو يضنون ان هتان هي اللي بتجيب اول حفيد !
-
الفجـر .. يمشي ثنيان بجنب فياض جسد بلا روح , وبعد ما وصل لفياض الخبر من طرف امه قبل الصلاة وهو خايف وجداً على ثنيان المضغوط وبيضغطه زود هالموضوع خاصة ان موضوع الاستغفال يكرهه بالحيل ولا زال مو متقبل اي شي من هجام ! غير ان عارف ان حرّم هجام هي اخت نادر صاحب ثنيان وبكذا بيزيد الهم اكثر على ثنيان اللي ينتظر نسمه هـوا تطيحه !
كان بيدخل البيت لكن استوقفه فياض وهو يأشر على السياره : نروح البحر ؟ بنفسـي بهالوقت
التف ثنيان بعدم اهتمام : ليه ؟ وش الطاري
فياض بمراوغـة : كذا ؟ مايصير
ثنيان سكتت وهو يصعد السياره باستسلام .. كل شي حوله يذكره فيها حتى البحر وفوبيا البحر يتذكره منها هي !
زاد همَه على وجهه من تذكر ان حمد يشبهه لناصر كثير ! وظل طول الليل يفكر ويحلل وما قدر يقاوم غير بفتح صوُر عرسه الجماعية اللي جمعت فيه المملكتين بصورة وحـدة ! وكسر قلبه اكثر .. من ابتسامته الواسعة اللي كان يظن فيها ان كسب هتان وحُبها رغم اللي الاجراءات الكثيرة والصعوُبات اللي واجهها لجلها بس !
واجواء الفرح والابتسامات الصادقة من جميع أفراد الصورة .. الى تشتت الفرح والسبب يعود لشخص واحد بس - هتان - .
.
بالبحـر .. لأول مرة يتوتر فياض بأن يوصل خبر لثنيان
لكنه شّد على نفسه ونطق : ثنيان ..
نطق ثنيان بابتسامة انكسار : عارف وش بتقول
عقد فياض حاجبه ونطق ثنيان وهو يمد يده للعصا اللي امامه مرميه ويحفرها بالرمل : هجام متزوج من خمس سنين من اخت صاحبي .. صاحب روحي واللي الاثنين يلعبون علي من خمس سنين صحيح؟
فياض زم شفايفه ونطق بتهدأة للوضع : فاهم غلط يا ثنيان
ثنيان رفع اكتافه بعدم اهتمام وهلاك : تعبت صدقني وماقمت احس .. باقي شي ماكسرني يا فياض ؟
انكسر خاطر فياض على ولد اخوه وصاحبه ونصه الثاني اللي يشوفه بثنيان : ياولد اخوي .. استهدّي بالله
ثنيان لف لفياض وبدأت عيونه تحمّر : انا وش مسوي بالدنيا لجل انغدر اكثر من مرة بوقت قصير وكل غدر يوجع اكثر وحالف علي اموت من ألمه .. غدر زوجة وغدر اخو وغدر صاحب !! وش باقي ماجرى علي خل يجري واموت وارتاح
فياض لاول مرة ينشّل لسانه .. لأول مرة ثنيان يوصل لهاليأس ! للانكسار القوي والحزن اللي تركه يدمع لاول مرة بهالشكل وكأن كتمانه مافاد الا انفجر وهذه بداية الطوفان
جا بيتكلم ولو بشي بسيط يخفف عن ثنيان فيه ! لكن اتصال من هجام داهم ثنيان .. رفع فياض يده على كتف ثنيان من شافه بيقفله بوجهه : ردّ , يمكن محتاجك ياثنيان انتو سند لبعض
ناظره بنظرات تعبانه لاول مرة ومباشرة بكى : تعبان يا فياض ! تعبااان
احتضنه فياض بقوة وهو يسمي عليه .. ومن خلو المكان ماكان غير صوت بكاء ثنيان ينسمع !
رجع هجام يتصل وكأنه مُصر وحاس بأخوه .. مسح ثنيان وجهه ودموعه بجمود وعدم اعجاب باللي سواه ونطق فياض : رد عليه يا ثنيان !
زفر وهو يرفع جواله ويعدل نبرة صوته ويرد : سم
هجـام بتعب نفسّي : احتاجك ياخوي نخيـتك !!
فز ثنيان من صوت هجام : فيك شي ؟
هجـام : تكفى احتاجك لا تردّني ياثنيان !
ثنيان بفزّة : بالبيت انت؟
عقد فياض حاجبه من فزه ثنيان وتوتر وثنيان مو معاه ابد وهو يشوفه يأشر ويسأل عن اللي حاصل .. نطق هجام : ايوه بالبيت
ثنيان سكّر الجوال بعد مانطق بـ جايك .. وسحب شماغه المرمّي على الارض : رجعني بيتنا
فياض مشى معاه بسرعة : وش صار ؟ هجام فيه شي ؟
ثنيان بشوشرة : مدري مدري .. يارب ماهو ضغطّه
فياض اشر على السيارة : اركب اركب
-
🌷📚 @storykaligi 🌷📚🖋
🍃🌷
🌷🍃🌷
🍃🌷🍃🌷
🌷🍃🌷🍃🌷
أنت تقرأ
شاركيني لو مشينا دروب الهنا واعذريني لو لقيتي بدروبي عنا
ChickLitرواية سعوديه منقولة ( فقدان ، قتل ، ظلم ، محاولة زواج اجباري ، غرور وتكبر ، شجاعة ، مشاعر ، صداقة ، وفاء ، حب ، زواج ، وفاء ، بحث ، تحدي ، نهاية سعيدة ) تابعونا ... @storykaligi 📖
